அதிக உடல் எடை கொண்டவர்களுக்கு அடிக்கடி காய்ச்சல் வருவது ஏன்... எப்படி தப்பிக்கலாம்...

உடலில் அதிக அளவு கொழுப்பு சேமிக்கப்படுவது உடல் ஆரோக்கியத்திற்கு மோசமானது ஆகும். அதிகப்படியான கொழுப்பு நம் உடலில் உள்ள நோய் எதிர்ப்பு சக்தியை வலுவிழக்கச் செய்து, காய்ச்சல் போன்ற பருவகால நோய்த் தொற்றுகளுக்கு உங்களை ஆளாக்கும் வாய்ப்புள்ளது.

உடல் பருமன் உள்ளவர்களால் கடுமையான நோய் அறிகுறிகள் உருவாவது மட்டுமின்றி, அவர்களுடன் தொடர்பு கொள்ளும் மற்றவர்களுக்கும் தொற்று பரப்புவதற்கான வாய்ப்புகள் அதிகமாக உள்ளது. மேலும், பாதிக்கப்பட்ட நபர் பேசும்போதோ, தும்மும்போதோ அல்லது இருமும்போதோ வெளியேறும் நோய்க்கிருமிகள் மற்ற நபர்களுக்கும் பரவுகிறது.

உடல் பருமன் ஆனவர்களுடன், ஆரோக்கியமான நபர்களை ஒப்பிடும்போது அதிக எண்ணிக்கையிலான வைரஸ்கள் உடல் பருமன் உள்ளவர்களால் அதிகம் பரப்பப்படுகிறது என ஒரு ஆய்வு முடிவு கூறுகிறது. அதாவது அவர்களைச் சுற்றி உள்ளவர்களுக்கு விரைவில் தொற்று ஏற்படும் ஆபத்து அதிகமாக வாய்ப்புள்ளது.

தினமும் முட்டை சாப்பிட்டு ஆறே மாதத்தில் 36 கிலோ எடையை குறைத்த இளைஞர்...

உடல் பருமன் உள்ளவர்கள் உங்களைப் பாதுகாத்துக் கொள்ள ஒரே வழி சில ஆரோக்கியமான நடவடிக்கைகளை பினபற்றுவது தான். அதிலும், கோவிட் 19 நோய்த் தொற்று பற்றிய அச்சுறுத்தல் இருக்கும் இந்த நேரத்தில், ஆரோக்கியம் குறித்த முன்னெச்சரிக்கை நடவடிக்கைகளை மேற்கொள்வது மிகவும் முக்கியமானது. ஆரோக்கியமாக இருக்க நீங்கள் செய்ய வேண்டிய சில விஷயங்கள் என்னென்ன என்று தெரிந்து கொள்வோம் வாங்க.

இருமும் போதும், தும்மும்போதும் உங்கள் கைகளை சோப்புப் போட்டு கழுவுங்கள். அதோடு, வெளியில் செல்லும் போது, இருமல் மற்றும் தும்மலுக்கு டிஷ்யூவை பயன்படுத்துங்கள். இவை எல்லோராலும் பின்பற்ற வேண்டிய சில அடிப்படை சுகாதாரப் பழக்கங்கள் தான்.

ஆரோக்கியமான உணவு : உடல் பருமனால் பாதிக்கப்பட்டவர்கள் பதப்படுத்தப்பட்ட உணவுகளைக் குறைத்து, வீட்டில் சீரான உணவை சமைத்து அதனை உண்ணுங்கள்.

கூந்தல் நீளமாவும் உறுதியாவும் இருக்கணுமா... வைட்டமின் ஈ ஆயிலை இப்படி யூஸ் பண்ணுங்க...

உடல் பருமனால் பாதிக்கப்பட்டவர்கள் வீட்டில் சுலபமான சில உடற்பயிற்சிகளை மேற்கொள்வதன் மூலம், உடலில் உள்ள அதிக கொழுப்பை எரிக்க முடியும். அதோடு, இதய வலிமையும் உடற்பயிற்சி செய்வதன் மூலம் அதிகரிக்கும்.

தைராய்டு உள்ளவர்களுக்கான பழ டயட்... இதன்மூலம் எப்படி தைராய்டு ஹார்மோன் சுரப்பை முறைப்படுத்தலாம்...

கடுமையான நோய்த் தொற்று அபாயத்தைக் குறைக்க ஆண்டுக்கு ஒருமுற காய்ச்சல் தடுப்பூசியை போட்டுக் கொள்வது நல்லது. இதுபோன்ற தடுப்பூசியை அனைவரும் போட்டுக் கொள்வது அவசியம்.

அதிக உடல் எடை உங்களை பல நாள்பட்ட நோய்களுக்கான அபாயத்துக்கு இட்டுச் செல்லும். சரியான சரிவிகித உணவு, உடற்பயிற்சி, ஆரோக்கியமான வாழ்க்கை முறையைப் பின்பற்றுவதன் மூலம் உங்களின் ஒட்டுமொத்த உடல் ஆரோக்கியத்தையும் மேம்படுத்த முடியும் என்பதை நீங்கள் நினைவில் கொள்ளுங்கள்.