World Malaria Day 2023 : மலேரியாவால இவ்வளவு ஆபத்து வருமா? அதன் அறிகுறிகள் என்னென்ன...

மலேரியா தொற்றை ஏற்படுத்தும் கொசுக்களின் பாதிக்கப்பால் இந்த மலேரியா தொற்று பரவுகிறது. மலேரியா பாதிக்கப்பட்ட ஒரு நபரை கொசு கடித்துவிட்டு மீண்டும் மற்றொரு நபரைக் கடிக்கும் போது மலேரியா தொற்று பரவும்.

இந்த கொசுக்கள் கடிப்பதால் ஒட்டுண்ணிகள் பரவும் என்றும் இதில் ஐந்து வகையான ஒட்டுண்ணிகள் இருப்பதாகவும் ஆய்வுகள் தெரிவிக்கின்றன.

கொசுக்கள் தான் மலேரியா ஏற்படுவதற்கான முக்கியக் காரணமாக இருக்கிறது.

மலேரியா தாக்கம் ஏற்படும்போது கீழ்வரும் அறிகுறிகள் உண்டாகும்.

அதிகப்படியான காய்ச்சல் மற்றும் வியர்வை.
அதிக குளிர்,
தலைவலி மற்றும் தசைவலி,
சோர்வு,
மார்பு வலி, சுவாசப் பிரச்சனைகள், இருமல்.
வயிற்றுப்போக்கு, குமட்டல் மற்றும் வாந்தி.
ரத்த சோகை மற்றும் மஞ்சள் காமாலை,
தோல் மஞ்சள் நிறத்தை ஏற்படுத்தும்.

பெருமூளை மலேரியா என அழைக்கப்படுகிறது. குழந்தைகளின் இறப்புகளில் 15% மற்றும் பெரியவர்களின் இறப்புகளில் கிட்டத்தட்ட 20% ஆகும்.

மலேரியா எதிர்ப்பு மருந்துகள் சில பக்க விளைவுகளை ஏற்படுத்தும். மலேரியாவை குணப்படுத்துவதற்காக பயன்படுத்தப்படும் மருந்துகளால் கீழ்வரும் பக்க விளைவுகள் உண்டாகும்.

குமட்டல் மற்றும் வயிற்றுப்போக்கு போன்ற இரைப்பை குடல் பிரச்சினைகள்.
தலைவலி.
தூக்கமின்மை,
மன ரீதியான கோளாறுகள்,
பார்வை சம்பந்தப்பட்ட பிரச்சினைகள்.
வலிப்பு,
இரத்த சோகை.
போன்ற பிரச்சினைகள் உண்டாகலாம்.

கொசுக்கடி போன்றவற்றில் முன்னெச்சரிக்கையுடன் இருந்தால் மலேரியாவை தடுக்க முடியும்.

கொசுக்கடி போன்றவற்றில் இருந்து தப்பிக்க DEET (டைதில்டோலுஅமைடு) சேர்க்கப்பட்ம கொசு விரட்டி மருந்துகளைப் பயன்படுத்துங்கள்.

படுக்கைகளுக்கு மேல் கொசு வலையை விரிக்கவும். ஜன்னல்கள் மற்றும் கதவுகளில் கொசு உள்ளே வராமல் கொசு வலைக் கம்பிகளை அடித்து வையுங்கள்.

ஆடைகள், கொசு வலை, கூடாரங்கள், வீட்டை சுற்றியுள்ள இடங்களில் கொசு மருந்துகளை அடித்து விடுங்கள்.

இந்த முன்னெச்சரிக்கை நடிவடிக்கைகளை பின்பற்றுவதன் மூலம் மலேரியா பரவாமல் தவிர்க்கலாம்.

மலேரியாவிலிருந்து காப்பாற்றிக் கொள்ள குழந்தைகளுக்கு தடுப்பூசிகள் இருக்கின்றன. RTS, S/AS01 என்னும் தடுப்பூசி குழந்தைகளுக்கு மலேரியா உண்டாவதிலிருந்து தடுக்க உதவி செய்யும்.