ரொம்ப அதிக சுகாதாரம்னு நினைச்சு பெண்ணுறுப்பில் பயன்படுத்தும் 3 மோசமான பொருள்கள் என்னென்ன தெரியுமா?...

பொதுவாக மாதவிடாய் காலங்களில் பெண்கள் தங்கள் செளகரியத்திற்காகவும் கறை படியாமல் இருக்கவும் டம்பான்களை பயன்படுத்துகின்றனர். ஆனால் டம்பான்களில் உள்ள இரசாயனங்கள் பற்றி பெண்களுக்கு தெரிவதில்லை. டம்பான்களில் பிபிஏ மற்றும் பிபிஎஸ் போன்ற ரசாயனங்கள் உள்ளன. இது மிகவும் ஆபத்தான இரசாயனங்கள் ஆகும். இவை பெண்களின் கருவளர்ச்சியை பாதிக்கிறது. மேலும் கருப்பை புற்றுநோய் மற்றும் இதய நோய்களுடன் தொடர்புடையவையாக இருக்கின்றன என்கிறார் மகப்பேறியியல் மருத்துவர்.

பெண்கள் தங்கள் மாதவிடாய் இரத்த வாசனையில் இருந்து தப்பிக்க அவர்கள் வாசனை பேடுகளை பயன்படுத்துகின்றனர். ஆனால் அதில் வாசனை வருவதற்காக தீங்கு விளைவிக்கும் இரசாயனங்கள் சேர்க்கப்படுகிறது. எனவே இது உங்களஉடலின் நோயெதிர்ப்பு, நாளமில்லா மற்றும் ஹார்மோன் அமைப்புகளை சீர்குலைக்கும். இந்த பொருட்கள் கொண்ட தயாரிப்புகளை அணிவது சரும தடிப்புகள், பெண்ணுறுப்பு நோய்த்தொற்றுகள் மற்றும் நச்சு அதிர்ச்சி நோய்க்குறி ஆகியவற்றை ஏற்படுத்தும். குறிப்பாக நீண்ட நேரம் அணியும் போது இத்தகைய பாதிப்புகள் உங்களை தாக்கும் என மகப்பேறியியல் மருத்துவர் கூறுகிறார்.

சில பெண்கள் தங்கள் பெண்ணுறுப்பை கழுவி சுத்தம் செய்ய க்ளென்சர்கள், துடைப்பான்கள், ஸ்ப்ரேக்கள் மற்றும் கிரீம்கள் உள்ளிட்ட விஷயங்களை பயன்படுத்துகின்றனர். இந்த ஆடம்பரமான பொருட்கள் பெண்ணுறுப்புக்குள் நுழைந்து அங்குள்ள இயற்கை நுண்ணுயிர்களைப் பாதிக்கிறது. சரும pH அளவை மாற்றி பெண்ணுறுப்புக்குள் நோய்த்தொற்று ஏற்பட வழிவகுக்கும்.

இந்த பொருட்களில் பல நச்சு இரசாயனங்கள் உள்ளன, அவை ஒவ்வாமை, தலைவலி மற்றும் வாந்தியை ஏற்படுத்தும், அத்துடன் சில நிகழ்வுகளில் மிகவும் கடுமையான கருவுறுதல் சிக்கல்களையும் ஏற்படுத்தும் என மகப்பேறியியல் மருத்துவர் எச்சரிக்கிறார்.

எனவே பெண்களே புத்திசாலித்தனமாக யோசித்து இந்த மாதிரியான பொருட்களை பயன்படுத்துவதில் இருந்து வெளியே வாருங்கள். உங்க பெண்ணுறுப்பு ஆரோக்கியத்திற்கு வெறும் சாதாரண தண்ணீர் கொண்டு கழுவினாலே போதுமானது. நல்ல காற்றோட்டமான பருத்தி உள்ளாடைகளை அணியுங்கள். வேறு எந்த ஆடம்பரமான பொருட்களும், வாசனை சோப்புகள் மற்றும் க்ரீம்கள் தேவையில்லை என்கிறார் மகப்பேறியியல் மருத்துவர்.