வீடியோ: அன்னாசி பழத்தை முட்களை நீக்காமலே சாப்பிடலாம்!

நூதன முறையில் அன்னாசி பழத்த எளிமையாக சாப்பிடுவது எப்படி எனக் காட்டும் ஒரு வீடியோ சமூக வலைத்தளங்களில் வைரலாகியுள்ளது.

அன்னாசி பழம் வைட்டமின்கள், தாது உப்புகள் மற்றும் நார் சத்து நிறைந்தது. செரிமானத்து மிகவும் உதவக் கூடியது. நார் சத்து நிறைந்த அன்னாசி பழம் ரத்தத்தில் சர்க்கரை அளவை கட்டுப்பாட்டில் வைத்திருக்க உதவும் என ஆராய்ச்சிகள் கூறுகின்றன.

கொழுப்பை கட்டுப்படுத்துவது, வயிற்று வலி ஏற்படுவதிலிருந்து விடுதலை அளிப்பது, உடல் எடையைக் குறப்பது போன்ற இன்னும் பல விஷயங்களுக்கு அன்னாசி பயன்படுகிறது.

ஸ்ட்ராபெரி, ஆப்பிள் போன்றவற்றில் உள்ள சத்துக்கள் அன்னாசியில் உள்ளன. விலையும் குறைவாக இருக்கும். ஆனால், அன்னாசியை சாப்பிட அதன் மேல்புறத்தில் உள்ள முள் பகுதியை பொறுமையாக நீக்க வேண்டியிருப்பதால் பலரும் அன்னாசியை வாங்குவதில்லை.
இந்நிலையில் சமூக வலைத்தளங்களில் அன்னாசியை சிரமம் இல்லாமல் சாப்பிடுவது எப்படி என ஒரு வீடியோ பரவி வருகிறது. டிக் டாக் மூலம் பகிரப்பட்ட இந்த வீடியோ ட்விட்டர், பேஸ்புக் ஆகியவற்றிலும் வைரலாகியுள்ளது. லட்சக்கணக்கானவர்கள் இந்த வீடியோவைப் பார்த்து அதிசயித்துள்ளனர்.