ஆயுர்வேதத்தில் மஞ்சள்
மஞ்சள் உலகளவில் 133 வகையான குர்குமா இனங்கள் அடையாளம் காணப்பட்டுள்ளன. இவற்றில் பெரும்பாலும் இதன் நன்மை பயக்கும் பண்புகளுக்காகவே பயன்படுத்தப்படுகிறது. மஞ்சள் ஹரித்ரா என்றும் அழைக்கப்படுகிறது.
மஞ்சள் தாவரத்தின் வேர்த்தண்டு அல்லது நிலத்தடி தண்டு ஆகும். இஞ்சி கிழங்கு போன்று இதுவும் ஆரோக்கியமான சக்திவாய்ந்த மருத்துவ குணங்கள் உள்ளடக்கியவை. நோய்களை தீர்க்க உலகம் முழுவதும் பரவலாக பயன்படுத்தப்படும் மூலிகையில் மஞ்சளும் ஒன்று.
மஞ்சள் சமையலில் உணவு பொருளாக, மேற்பூச்சு போன்ற நோக்கங்களுக்காக பயன்படுத்தப்படுகிறது. இயற்கையில் ட்ரைடோஷிக் ஆகும். இது உடலில் வெப்ப தரம் சமநிலையில் வைக்க உதவுகிறது.
கபம் மற்றும் வாத தோஷங்கள் கசப்பான சுவை பித்த தோஷத்தை சமநிலைப்படுத்தப்படுத்த செய்கிறது. எனினும் அதிகமாக எடுத்தால் பித்த மற்றும் வாத தோஷங்களை மோசமாக்கும் என்பதால் மிதமான அளவில் எடுக்க வேண்டும். தினசரி மஞ்சள் சேர்ப்பதால் என்ன மாதிரியான நன்மைகள் கிடைக்கும் என்பதை பார்க்கலாம்.
மஞ்சள் மூட்டுகளை ஆரோக்கியமாக வைத்திருக்கிறது
மஞ்சளில் உள்ள அழற்சி எதிர்ப்பு பண்புகள் காரணமாக இது கீல்வாதத்துடன் தொடர்புடைய வலியை குறைக்கவும் தடுக்கவும் பயன்படுத்தப்படுகிறது. மேலும் மூட்டு வலி, விறைப்பு, நீக்கவும் மஞ்சளில் உள்ள குர்குமின் உதவுவதாக கருதப்படுகிறது மூட்டு வலி அறிகுறிகளை எளிதாக்கவும் ஆரோக்கியமான மூட்டு செயல்பாடுகளுக்கும் இயக்கத்துக்கும் இது உதவுகிறது.
மஞ்சள் செரிமானத்தை மேம்படுத்துகிறது
மஞ்சள் வைட்டமின்கள், அழற்சி எதிர்ப்பு கலவைகள், ஆக்ஸிஜனேற்றிகள், தாதுக்கள் மற்றும் நார்ச்சத்து ஆகியவை உள்ளன. மஞ்சள் அமில உற்பத்தியை ஊக்குவிக்கிறது. இது செரிமானம் மேம்பட செய்கிறது மற்றும் உடல் ஊட்டச்சத்துக்கள் உறிஞ்சுவதற்கு உதவுகிறது. இது ஆரோக்கியமான வயிறு, கல்லீரல் மற்றும் செரிமான அமைப்பை பராமரிக்க உதவுகிறது.
மஞ்சள் டைப்2 டயாபட்டீஸ் தடுக்கலாம்
ஆரோக்கியமான இரத்த சர்க்கரை அளவுகள் பராமரிக்க மஞ்சளில் உள்ள குர்குமின் என்னும் செயலில் உதவுகிறது. இது இரத்தத்தின் குளுக்கோஸ் அளவை குறைத்து நீரிழிவு தொடர்பான சிக்கல்களை குறைக்கிறது. மேலும் நீரிழிவு நோயாளிகள் சர்க்கரை அளவை நிர்வகிக்க மஞ்சள் எடுத்துவரலாம். தினசரி அளவில் 4 கிராம் வரை எடுக்கலாம். அதற்கு மேல் இல்லை.
மஞ்சள் இதயத்துக்கு ஊட்டமளிக்கிறது
மஞ்சளின் ஆரோக்கிய நன்மையில் இதயத்தை ஆரோக்கியமாக வைத்திருக்க செய்கிறது. இது ஆக்ஸிஜனேற்ற மற்றும் அழற்சி எதிர்ப்பு காரணமான பண்புகள் கொண்டிருப்பதால் இயற்கையில் கார்டியோப்ரோடெக்டிவ் இருப்பது மாரடைப்பை தடுக்க உதவுகிறது.
மஞ்சள் நோயெதிர்ப்பு அமைப்பு மேம்படுத்தும்
தினசரி ஆயுர்வேதத்தில் மஞ்சளை சேர்த்துகொள்வது, உடல்நிலை ஆரோக்கியத்தை அதிகரிக்க இயற்கையான வழி என்று சொல்லலாம். நோய் எதிர்ப்பு அமைப்பு கொண்டுள்ளதால் இது சளி மற்றும் காய்ச்சல் போன்ற நோய்களை தடுக்கலாம். மஞ்சளில் உள்ள குர்குமின் வீக்கத்தில் நேர்மறையான விளைவை கொண்டிருப்பதாக சொல்லப்படுகிறது.
நோயெதிர்ப்பு அமைப்பு சீராக இருப்பதால் ஆரோக்கியமான செரிமான மண்டலத்திலும் பெரிதும் பயனளிக்கிறது.
குறிப்பு
மஞ்சளை சரியான முறையில் பயன்படுத்தும் போது மஞ்சள் பாதுகாப்பானதாகவும் பயனுள்ளதாகவும் கருதப்படுகிறது. மஞ்சள் உணவில் சேர்ப்பது பிரச்சனை இல்லை. ஆனால் மருந்து போன்று தனித்து சேர்த்து எடுப்பதாக இருந்தால் நீங்கள் மருத்துவரை அணுகி ஆலோசித்து எடுக்க வேண்டும்.