முகத்துல சுருக்கம் நிறைய இருக்கா? வயசான மாதிரி தெரியறீங்களா? மாம்பழம் சாப்பிடுங்க மின்னுவீங்க...

ஒரு புதிய ஆய்வு மாம்பழம் சாப்பிடுவது வயதான பெண்களின் முக சுருக்கங்களை குறைக்க உதவும் என்று கூறுகிறது. கலிஃபோர்னியா பல்கலைக்கழக ஆராய்ச்சியாளர்கள் அடால்போ மாம்பழங்களின் சுருக்கத்தைக் குறைக்கும் அம்சத்தை கண்டறிந்துள்ளனர்.

இதில் தேன் மாம்பழம் என்று அழைக்கப்படும் மாம்பழம் நம் முகச் சுருக்கங்களை களைகிறது என்பது தெரிய வந்துள்ளது. எனவே பெண்கள் தங்களுக்கு சீக்கிரம் வயதாகாமல் இருக்க இந்த மாம்பழங்களை சாப்பிட்டு வரலாம். ஊட்டச்சத்துக்கள் இதழில் வெளியிடப்பட்ட ஆய்வில், வாரத்திற்கு நான்கு முறை அரை கப் அடால்போ மாம்பழம் சாப்பிட்ட மாதவிடாய் நின்ற பெண்களுக்கு இரண்டு மாதங்களுக்குப் பிறகு ஆழ்ந்த சரும சுருக்கங்களில் 23 சதவீதம் குறைவதையும், நான்கு மாதங்களுக்குப் பிறகு 20 சதவீதம் குறைவதையும் ஆய்வாளர்கள் கண்டறிந்துள்ளனர்.

ஆய்வுத் தகவல்கள்

மாதவிடாய் நின்ற தோல் சுருக்கம் உடைய 28 பெண்கள் இதில் கலந்து கொண்டனர். அவர்களின் சரும வகைகள் 2 அல்லது 3 வகையைச் சார்ந்ததாக இருந்தது. இந்த பெண்களை 2 குரூப்களாக பிரித்தனர். ஒரு குழு வாரத்திற்கு நான்கு முறை அரை கப் மாம்பழங்களை நான்கு மாதங்களுக்கு உட்கொண்டது.

இரண்டாவது குழு ஒரே நேரத்தில் ஒரு கப் மற்றும் ஒரு அரை கப் மாம்பழங்களை சாப்பிட்டது.பிறகு இறுதியாக உயர் தெளிவுத்திறன் கொண்ட கேமரா முறையைப் பயன்படுத்தி முகத்தின் சுருக்கங்கள் பரிசோதிக்கப்பட்டன.ஒரே நேரத்தில் ஒரு கப் ஒன்றரை மாம்பழம் சாப்பிட்டவர்களின் சரும சுருக்கங்கள் அதிகரிப்பதை அவர்கள் கண்டறிந்தனர்.

மாம்பழத்தை அதிகமாக எடுத்துக் கொள்வது சருமத்திற்கு நல்லது கிடையாது. அதிக மாம்பழத்தை உட்கொள்வது ஏன் சுருக்கங்களின் தீவிரத்தை அதிகரிக்கும். இதற்கு மாம்பழங்களில் அதிக அளவு சர்க்கரை இருப்பதால் கூட இது இருக்கலாம் என்று அவர்கள் ஊகித்தனர்.

ஆனால் அதுவே அளவோடு மாம்பழம் சாப்பிட்ட மற்றொரு குரூப்பிற்கு சுருக்கங்கள் குறைந்திருப்பதை அவர்கள் கண்டனர். நாங்கள் இன்னும் துல்லியமாக இது குறித்து ஆய்வுகள் நடத்த முயற்சித்து வருகிறோம் என்று ஆய்வாளர்கள் கூறியுள்ளனர்.