அலர்ஜி ஒவ்வாமை ஏற்படும் சமயங்களில் தும்மல், மூக்கு ஒழுகுதல், அரிப்பு, சரும வடுக்கள், வீக்கம் மற்றும் ஆஸ்துமா போன்ற பிரச்சினைகள் ஏற்படுகிறது. இந்த அழற்சியை போக்க என்ன செய்ய வேண்டும் வாங்க தெரிஞ்சுக்கலாம்.
தூசி ஒவ்வாமை ஏற்படக் காரணங்கள்
மகரந்தம் :
தாவரங்கள், மரங்கள் மற்றும் பூக்களில் உள்ள மகரந்தம் காரணமாக ஒவ்வாமை ஏற்பட வாய்ப்புள்ளது. இது சில அழற்சி எதிர்வினைகளை தூண்டுகிறது.
மோல்டு பூஞ்சை :
மோல்டு என்பது ஒரு வகை பூஞ்சையாகும். இது காற்றில் மிதந்து வரும் போது இந்த ஒவ்வாமை ஏற்படுகிறது.
கதவிடுக்கில் விரல் மாட்டினால் வலி ஓவரா இருக்குமே.. உடனடியா இந்த வைத்தியம் செய்யுங்க!
விலங்கின் முடிகள் மற்றும் இறகுகள் :.
சில நேரங்களில் செல்லப் பிராணிகளின் ரோமங்கள், தோல் செதில்கள், உமிழ்நீர், சிறுநீர் போன்றவை ஒவ்வாமையை ஏற்படுத்துகிறது.
கரப்பான் பூச்சிகள் :.
வீட்டில் இருக்கும் கரப்பான் பூச்சிகள் கூட ஒவ்வாமையை ஏற்படுத்துகிறது. இது ஆஸ்துமா போன்ற பிரச்சினைகளை உண்டு பண்ணுகிறது.
அலர்ஜி அல்லது ஒவ்வாமை நோயின் அறிகுறிகள்
சிவப்பு மற்றும் அரிப்பு நிறைந்த கண்கள்
தும்மல்
மூக்கு ஒழுகுதல்
மூச்சுத் திணறல் மற்றும் இருமல் உண்டாதல்
அரிப்பு
நெஞ்சு இறுக்கம் ஏற்படுதல்
மூச்சு விடுவதில் சிரமம் போன்றவை இருக்கலாம். இந்த அலர்ஜி அல்லது தூசி ஒவ்வாமைக்கு சிகிச்சை அளிக்க உதவும் வீட்டு வைத்திய முறைகள் என்னென்ன என்பதை பார்க்கலாம்
அலர்ஜியை எதிர்கொள்ளும் ஆப்பிள் சிடார் வினிகர்
தேவையான பொருட்கள் :
வெதுவெதுப்பான நீர் - 1 கிளாஸ்
ஆப்பிள் சிடார் வினிகர் -2-3 டீஸ்பூன்
தேன் - 1 டீஸ்பூன்
அனைத்து பொருட்களையும் ஒன்றாக கலந்து ஒரு நாளைக்கு 2-3 முறை குடித்து வர வேண்டும். ஆப்பிள் சிடார் வினிகர் தூசி ஒவ்வாமைக்கு சிகிச்சை அளிக்க உதவுகிறது. இதில் அழற்சி எதிர்ப்பு பண்புகள் காணப்படுகிறது. இதில் ஆண்டிஹிஸ்டமைனாக செயல்படும் ஆன்டி-மைக்ரோபியல் பண்புகள் உள்ளன. இது ஒவ்வாமையை எதிர்த்து போராட உதவுகிறது.
அலர்ஜியை போக்கும் தேன்
தேவையான பொருட்கள் :
தேன் - 2 தேக்கரண்டி
cough remedies : குழந்தைகள் இருமலால் அவதிபடறாங்களா… இந்த கைவைத்தியம் செய்யுங்க. சீக்கிரமே சரி ஆகும்!
சிறந்த முடிவுகளுக்கு 2 டீஸ்பூன் தேனை ஒரு நாளைக்கு 2 முறை என சாப்பிட வேண்டும். தொடர்ந்து தேனை எடுத்துக் கொள்ளும் போது ஒவ்வாமை கொஞ்சம் நாளில் குறைத்து விடுகிறது.
அலர்ஜியை போக்கும் யூகலிப்டஸ் அத்தியாவசிய எண்ணெய்
தேவையான பொருட்கள் :.
யூகலிப்டஸ் எண்ணெய் - 4-5 சொட்டுகள்
யூகலிப்டஸ் எண்ணெயை வெந்நீர் அல்லது வேப்பரைசரில் சேர்த்து நீராவியை வெளிப்படுத்துங்கள்.
இந்த நீராவியை உள்ளிழுக்க வேண்டும். இந்த மருந்தை ஒரு நாளைக்கு 1-2 முறை பின்பற்றி வாருங்கள். யூகலிப்டஸ் எண்ணெயில் உள்ள அழற்சி எதிர்ப்பு பண்புகள் சளி மற்றும் ஒவ்வாமையை போக்க உதவுகிறது.
அலர்ஜியை போக்கும் நெய்
தேவையான பொருட்கள் :
1/2 தேக்கரண்டி நெய்
வெல்லம் (தேவைக்கேற்ப)
கட்டுப்பாடற்ற தும்மல் மற்றும் சலதோஷத்திற்கு சிகிச்சை அளிக்க நெய் உதவுகிறது. கூடுதல் சுவைக்கு வெல்லத்தை சேர்த்து கொள்ளலாம். ஒவ்வாமை பிரச்சினை ஏற்படும் சமயங்களில் இதை பயன்படுத்தி வரலாம்.
நெய்யில் உள்ள அழற்சி எதிர்ப்பு பண்புகள் சுவாசப் பாதையில் இருக்கும் அழற்சியை போக்க உதவுகிறது. தொடர்ச்சியான தும்மலில் இருந்து நிவாரணம் அளிக்க உதவுகிறது.
அலர்ஜியை போக்கும் க்ரீன் டீ
தேவையான பொருட்கள் :
1 கப் சூடான நீர்
1 க்ரீன் டீ
தேன் (விருப்பத்திற்கேற்ப)
சூடான நீரில் டீ பேக்கை போட்டு சில நிமிடங்கள் வைக்க வேண்டும். பிறகு தேன் கலந்து தேநீரை குடித்து வாருங்கள். இந்த டீயை ஒரு நாளைக்கு 3 - 4 முறை குடித்து வரலாம். க்ரீன் டீயில் எபிகல்லோகேடசின் கேலேட் எனப்படும் கேடசின் ஆற்றல் உள்ளது. இது தூசி ஒவ்வாமை அறிகுறிகளை சமாளிக்க உதவுகிறது. இதில் ஆன்டி ஆக்ஸிடன்கள் காணப்படுகிறது.
அலர்ஜியை போக்கும் புதினா டீ
தேவையான பொருட்கள் :.
சூடான நீர் - 1 கப்
உலர்ந்த புதினா இலைகள் - 1 தேக்கரண்டி
தேன் (விருப்பத்திற்கேற்ப)
உலர்ந்த புதினா இலைகளை தண்ணீரில் 10 நிமிடங்கள் போட்டு ஊற வைக்க வேண்டும். பிறகு அந்த தண்ணீரை வடிகட்டி தேன் சேர்த்து குடியுங்கள். இந்த தண்ணீரை ஒரு நாளைக்கு 2-3 முறை குடித்து வரலாம்.
Low Blood Pressure : லோ -பிபி.. பிரச்சனையை சரி செய்யும் வீட்டு வைத்தியம்!
புதினா டீயில் அழற்சி எதிர்ப்பு பண்புகள் காணப்படுகிறது. இது தூசி ஒவ்வாமையை விரட்டுகிறது. புதினாவில் உள்ள மெந்தோல் மூச்சுத்திணறல், தும்மல் மற்றும் மூக்கு ஒழுகுதல் போன்ற பிரச்சினைகளை களைய உதவுகிறது. இது இரத்தக் கொதிப்பு மற்றும் சைனஸ் பிரச்சினைகளை போக்க உதவுகிறது.