- அஸ்வகந்தா பொடியை எல்லோரும் எடுக்கலாமா?
அஸ்வகந்தா பொடி எல்லோருக்கும் ஏற்றது. ஆனால் குழந்தைகள் மெலிந்திருக்கிறார்கள் என்று அவர்களுக்கு சுயமாக கொடுக்க கூடாது. மருத்துவரின் பரிந்துரையின் பெயரில் தேவையான அளவு கொடுக்கலாம். - அஸ்வகந்தாவை தொடர்ந்து எடுக்கலாமா?
அஸ்வகந்தா என்று இல்லை எந்த மருந்தும் தொடர்ந்து எடுக்க கூடாது. ஆரோக்கியத்துக்காக என்றாலும் குறிப்பிட்ட காலம் வரை மட்டுமே எடுக்க வேண்டும். சித்த மருத்துவத்தில் காயகல்பம் என்று குறிப்பிடப்படும் மருந்துகள் குறிப்பிட்ட காலம் வரை மட்டுமே எடுக்க வேண்டும். - அஸ்வகந்தா எடை இழப்பை உண்டு செய்யுமா?
அஸ்வகந்தா எடை இழப்பை உண்டு செய்யாது. இது ஊட்டமளிக்க கூடிய மருந்து. அதனால் எடை இழப்பில் அஸ்வகந்தா என்றால் நம்ப வேண்டாம். - பெண்கள் அஸ்வகந்தா எடுத்துகொள்ளலாமா?
அஸ்வகந்தா என்றால் ஆண்களுக்கானது என்ற பிம்பம் சிலருக்கு உண்டு. ஆனால் இதை பெண்களும் எடுக்கலாம்.ஹீமோகுளோபின் குறைபாடு, நலிந்தவர்கள், அதிக சோர்வு உணர்பவர்கள் எல்லோரும் எடுக்கலாம். - அஸ்வகந்தாவை வெறும் வயிற்றில் எடுக்கலாமா?
பொதுவாக மருந்துகள் வெறும் வயிற்றில் எடுப்பதன் மூலம் உடல் உறிஞ்சுக்கொள்ள உதவும் என்று சொல்வார்கள். அதனால் காலையில் எடுக்கலாம். - தூக்கம் வருவதற்கு அஸ்வகந்தா உதவுமா?
தூக்கம் வருவதற்கான குணநலன்களை அஸ்வகந்தா கொண்டுள்ளது. இது மன அழுத்தத்தை குறைக்கும். ஆழ்ந்த தூக்கத்தை வரவழைக்க உதவும். இரவு பாலில் அஸ்வகந்தா பொடியை சேர்த்த் குடித்துவருவதன் மூலம் தூக்கம் பெறலாம். - அஸ்வகந்தா தொடர்ந்து எடுக்கும் போது உயர் இரத்த அழுத்தம் வருமா?
எந்த மருந்தும் நீண்ட நாள் தொடர்ந்து எடுக்க கூடாது. அதே நேரம் அஸ்வகந்தாவை எடுப்பதன் மூலம் உயர் இரத்த அழுத்தம் வரும் என்பதற்கான ஆய்வுகள் எதுவும் இல்லை. - அஸ்வகந்தாவை தண்ணீரில் எடுக்கனுமா? பாலில் எடுக்கணுமா?
அஸ்வகந்தாவை பாலில் எடுப்பது மிகவும் நல்லது. அவசரமான சூழலில் அதை வெதுவெதுப்பான நீரில் கலந்து எடுத்துகொள்ளலாம். - அஸ்வகந்தா பாலியல் உணர்வை தூண்டும் என்பது உணமையா?
உண்மைதான். ஆனால் பாலியல் உணர்வை அதிகரிக்கும் என்று நீங்களாக இதை எடுக்க கூடாது. அஸ்வகந்தா நரம்பை உரமாக்கி செயல்பட வைக்கும் என்றாலும் மருத்துவரின் அறிவுரையின் பெயரில் காரணத்துக்கேற்ப சரியான முறையில் பயன்படுத்த வேண்டும். - நீரிழிவுக்கு அஸ்வகந்தா சேர்க்கலாமா?
நீரிழிவு நோயாளிகள் இயல்பாகவே உடல் சோர்வு கொண்டிருப்பார்கள். இந்த சோர்வு நீங்க இவர்கள் அஸ்வகந்தாவை எடுக்கலாம். எனினும் இவர்கள் இனிப்பு இல்லாத தனி அமுக்ரா சூரணம் எடுக்கலாம். எனினும் இதை மருத்துவர்கள் ஆலோசனையுடன் எடுத்துகொள்ள வேண்டும். - கூந்தலுக்கு அஸ்வகந்தா உதவுமா?
கூந்தலுக்கு நேரடியாக இது உதவாது. ஆனால் கூந்தல் உதிர்வுக்கு பலவீனம் தான் காரணம் என்றால் அந்த பலவீனத்தை போக்க அஸ்வகந்தா உதவுவதன் மூலம் கூந்தல் வளர்ச்சியை அதிகரிக்கும்.