ஹைபடைடிஸ்
உலக சுகாதார அமைப்பின் (WHO) கருத்துப்படி, இந்தியாவில் 2020 ஆம் ஆண்டில், சுமார் 4 கோடி மக்கள் ஹெபடைடிஸ் பி நோயால் பாதிக்கப்பட்டுள்ளனர். எனவே மக்களிடையே விழிப்புணர்வை ஏற்படுத்தும் வகையில் இந்த தினம் கொண்டாடப்படுகிறது. 60 லட்சம் முதல் 1.2 கோடி மக்கள் கல்லீரல் அழற்சியால் பாதிப்படைந்து உள்ளனர். இந்த ஹெபடைடிஸ் நோயால் உலகில் ஒவ்வொரு 30 விநாடிக்கும் ஒரு நபர் இறந்து வருகிறார்.
கல்லீரல் பாதிப்பு அதிகமாக இருந்தால் சிகிச்சை அளிக்க முடியாது. கல்லீரல் பாதிப்பு பல ஆண்டுகளாக நீடிக்கும் போது அதில் கல்லீரல் வடு ஏற்படலாம். கல்லீரல் சிரோசிஸ் காரணமாக புற்றுநோய் ஏற்படலாம். எனவே ஒவ்வொருவரும் கல்லீரல் ஆரோக்கியத்தை பராமரிப்பது மிகவும் அவசியம். ஆயுர்வேத முறைப்படி கல்லீரல் ஆரோக்கியத்தை மேம்படுத்த கீழ்க்கண்ட மூலிகைகள் நமக்கு உதவுகிறது. அவை உங்களுக்கு உதவும்.
ஆயுர்வேதம் கூறும் கல்லீரல் ஆரோக்கியம் :
ஆயுர்வேதத்தின் படி கல்லீரல் பாதிப்பை காமலா என்று குறிக்கின்றனர். கல்லீரல் பாதிப்பு பித்த தோஷம், ரக்தா தாது செயலிழப்பு காரணமாக ஏற்படலாம்.
இந்த பித்த தோஷம் எதனால் ஏற்படுகிறது என்றால் மோசமான உணவுப் பழக்கம், உட்கார்ந்த வாழ்க்கை முறை போன்ற காரணங்களால் ஏற்படுகிறது. இது இரத்த உருவாக்கம் மற்றும் சூட்டை உண்டாக்கி கல்லீரல் பாதிப்பை ஏற்படுத்துகிறது என்கிறது ஆயுர்வேதம். இப்படி ஏற்படும் பித்தம் மற்றும் சூட்டை தணிக்க ஆயுர்வேதத்தில் சில மூலிகைகள் பயன்படுகிறது.
கடுகு ரோகினி :
இது கல்லீரல் டானிக்காக செயல்படுகிறது. இது கல்லீரலில் உள்ள கொழுப்பை குறைக்கிறது. இதில் நிறைய அழற்சி எதிர்ப்பு பண்புகள் உள்ளன. இது செரிமான சூட்டை அதிகரிக்கிறது. பித்தம் தொடர்பான பிரச்சினைகளுக்கு உதவுகிறது.
நெல்லிக்காய் :
இதில் நிறைய அழற்சி எதிர்ப்பு பண்புகள் உள்ளன. இது கல்லீரல் அழற்சியை தடுக்கிறது. இது பசியை மேம்படுத்தவும், கபம் மற்றும் பித்த தோஷத்தை சமநிலையில் வைக்கவும் உதவுகிறது.
நிலவேம்பு :
இது உடலில் உள்ள நச்சுக்களையும் மற்றும் கல்லீரலில் உள்ள நச்சுக்களை போக்குகிறது. இது கல்லீரல் நொதிகளை கட்டுக்குள் வைக்க உதவுகிறது. பித்த தோஷத்தை சமநிலையில் வைக்கிறது.
ஓமவல்லி :
இதில் ஆன்டி வைரல் பண்புகள் உள்ளன. இதுவும் கல்லீரல் அழற்சிக்கு சிகிச்சை அளிக்க உதவுகிறது. இதன் அழற்சி எதிர்ப்பு பண்புகள், ஆன்டி ஆக்ஸிடன்கள் உடலில் உள்ள நச்சுக்களை அகற்றுகிறது. கல்லீரல் என்சைம் சரியாக செயல்பட உதவுகிறது மற்றும் நோயெதிர்ப்பு சக்தியை மேம்படுத்த உதவுகிறது.
திரிபலா :
திரிபலா என்பது மூன்று மூலிகைகளின் கலவையாகும். நெல்லிக்காய், தான்றிக்காய், கடுக்காய் போன்ற மருந்துகளை உள்ளடக்கியது. இது என்சைம்களை ஒழுங்காக செயல்படச் செய்து இரத்தத்தில் இருக்கும் கொலஸ்ட்ராலை போக்க உதவுகிறது. இதில் அழற்சி எதிர்ப்பு மற்றும் ஆன்டி ஆக்ஸிடன்கள் உள்ளன.
பிருங்கராஜ் :
இதன் அழற்சி எதிர்ப்பு பண்புகள் உடலில் உள்ள நச்சுக்களை போக்க உதவுகிறது. இது கல்லீரல் செல்களை புதுப்பிக்க உதவி செய்யும்.
இஞ்சி :
கல்லீரலில் சேரும் கொழுப்பை கரைக்க உதவுகிறது. கல்லீரல் என்சைம் நன்றாக செயல்பட உதவுகிறது.
பிதா பாப்ரா :
இதுவும் பித்த சமநிலையின்மையை சரி செய்ய உதவுகிறது. இதன் குளிர்ச்சியான தன்மை இரத்த போக்கை குறைக்கிறது. இதை அரிப்பு மற்றும் நெருப்பு காயத்திற்கு மேற்பூச்சாக பயன்படுத்தலாம்.