கருப்பை நச்சு நீக்கும் சிறந்த மூலிகைகளும்.. பயன்படுத்தும் முறைகளும்.. நிபுணர் குறிப்பு!

கர்ப்பப்பையில் நச்சு இருந்தால் பெண்களின் அந்தரங்க உறுப்பில் அடிக்கடி வெள்ளைப்படுதல், அரிப்பு, நமைச்சல், அசெளகரியம், வலி போன்றவை இருந்தால் உங்கள் கர்ப்பப்பையை சுத்தம் செய்ய வேண்டும் என்ற அறிகுறியாக இதை எடுத்துகொள்ளலாம்.

கருப்பையில் ஃபைப்ராய்டு, சாக்லெட் கட்டி, நீர்க்கட்டி போன்றவை இருந்தாலும் பிசிஓஎஸ் பிரச்சனை இருந்தாலும் கர்ப்பப்பையை நச்சு நீக்கம் செய்ய வேண்டும்.

குழந்தையின்மை நீண்ட நாட்களாக இருப்பவர்கள் கர்ப்பப்பை நச்சு நீக்கம் செய்ய வேண்டும்.

மாதவிடாய் நேரத்தில் அதிக வலி, மார்புகள் வலி, வீக்கம், முகத்தில் முடி வளர்தல், இடுப்பு வலி, முகப்பரு, கூந்தல் உதிர்வு, முழங்கால் வலி, குதிகால் வலி, எல்லாமே கருப்பை பிரச்சனையின் அறிகுறிகள் தான்.

ஆனால் இவை அனைத்தையும் தனித்தனி பிரச்சனையாக பார்க்காமல் மூட்டு வலிக்கு மூட்டு வலி சிகிச்சை நிபுணரையும் முகப்பருவுக்கு ஒரு சருமபராமரிப்பு நிபுணரையும் சென்று பார்ப்பது தீர்வாக இருக்காது. முன்னதாக உங்கள் மாதவிடாய் சுழற்சி பற்றிய விஷயங்களை கவனத்தில் கொள்ளுங்கள். இவை அனைத்துக்கும் சரியான சிகிச்சை என்றால் கர்ப்பப்பையில் இருக்கும் நச்சு நீக்கம் தான். இன்னும் ஒரு படி மேலே போய் இவை கர்ப்பப்பை நச்சு நீக்கம் என்று சொல்வதை காட்டிலும் இது ஹார்மோன் நச்சு நீக்கம் என்றும் சொல்லலாம். இதை செய்யும் போது உடல் ஆரோக்கியம் சிறப்பாக இருக்கும்.

கர்ப்பப்பை நச்சு நீக்க தினமும் நான் என்ன செய்ய வேண்டும். எனக்கு அடி வயிறு பெரிதாக உள்ளது. அதை சுற்றியுள்ள கொழுப்பை குறைக்க வேண்டும். உடல் எடை கட்டுக்குள் வைக்க வேண்டும். உடல் ஆரோக்கியம் முழுமையாக குணமாக வேண்டும். அதற்கு என்ன செய்ய வேண்டும் என்பவர்கள் இந்த வைத்தியத்தை முயற்சிக்கலாம்.

சோற்றுகற்றாழை மடல்களை இரண்டாக நீக்கி அதில் உள் இருக்கும் சோறு போன்ற பகுதியை எடுத்து சுத்தமான நீரில் 7 முறை கலந்து தினமும் 15-20 கிராம் அளவு எடுத்து மோரில் சேர்த்து கலந்து குடிக்க வேண்டும். தொடர்ந்து 48 முதல் 96 நாட்கள் அதாவது இரண்டு மண்டலம் வரை குடித்துவர வேண்டும். இப்படி தொடர்ந்து செய்து வந்தால் மாதவிடாய் உதிரம் சீராக இருக்கும். கருப்பை குளிர்ச்சியாக இருக்கும்.

கடுக்காய், தான்றிக்காய், நெல்லிக்காய் கலந்ததிரிபலா மிக முக்கியமானது. இது உடல் எடையை குறைக்க மட்டும் அல்ல செரிமான மண்டலத்தை சீராக்கி இரத்த ஓட்டத்தை சுத்தப்படுத்தி மலச்சிக்கல் இல்லாமல் காக்கும். இது இரத்த விருத்தியை உண்டு செய்யும்.

தினமும் பயன்படுத்துவதாக இருந்தால் திரிபலா பொடியை ஒரு லிட்டர் வாட்டரில் ஒரு டீஸ்பூன் அளவு எடுத்து கலந்து காலை முதல் மதியம் வரை தண்ணீர் குடிக்க தோன்றும் போதெல்லாம் வாய் வைத்து உறிஞ்சு குடித்துவந்தால் இது வாய் முதல் ஆசனவாய் பகுதி வரை இருக்கும் புண்களை சரி செய்து வாயு பிரச்சனையை போக்கும். கர்ப்பப்பை அழுக்கையும் நீக்கும் தன்மை கொண்டது.

சோம்பு குடிநீர் மாதவிடாய் நேரங்களில் எல்லாரும் குடிக்கலாம். ஒரு டம்ளர் நீரை கொதிக்க வைத்து அதில் ஒரு டீஸ்பூன் சோம்பு விதைகளை சேர்த்து அதில் பனங்கற்கண்டு அல்லது கருப்பட்டி சேர்த்து குடித்து வந்தால் கருப்பையில் இருக்கும் அழுக்கு தங்காமல் மாதவிடாய் சுழற்சியில் முழுமையாக அழுக்கை வெளியேற்றும்.

வல்லாரை கீரை பைட்டோ ஈஸ்ட்ரோஜன், பைட்டோ புரொஜெஸ்ட்ரோன் உள்ளவை. இந்த வல்லாரை கீரையை பொரியலாகவோ, துவையலாகவோ, குழம்பாகவோ என மாதவிடாய் நாள் முழுமையும் தொடர்ந்து 5 நாட்கள் சாப்பிடலாம். இதில் இருக்கும் கந்தக சத்து உடலையும் கருப்பையும் சுத்தம் செய்து உதிரம் தங்காமல் முழுமையும் வெளியேற்றும்.

முடக்கறுத்தான் கீரையை வாங்கி நன்றாக மைய அரைத்து தொப்புளுக்கு கீழ் பற்று போல் போற்று வந்தால் கருப்பையில் இருக்கும் அழுக்கை வெளியேற்ற செய்யும். முடக்கறுத்தானும் கர்ப்பப்பையை சுத்தம் செய்ய கூடும்.

இவை கர்ப்பப்பையை சுத்தப்படுத்துவதோடு ஹார்மோன் சமநிலையின்மையையும் சரி செய்யும். கரு முட்டை வளர்ச்சியையும் சரி செய்யும்.