இந்த முழங்கால் பலவீனத்தை எப்படி வீட்டு வைத்திய முறைப்படி சரி செய்யலாம் என்பதை இக்கட்டுரையில் நாம் காண்போம். முழங்கால் வலியை போக்க சில உடற்பயிற்சிகள், அழற்சியை எதிர்த்து போராடும் உணவுகள் போன்றவை கை கொடுக்கின்றன.
முழங்கால் பலவீனம் ஏற்படக் காரணங்கள்
முழங்கால் தான் உடலில் அதிகமாக பயன்படுத்தும் மூட்டு ஆகும். பரந்த அளவிலான இயக்கத்திற்கு இவை உதவுகிறது.
தசை பலவீனம் :
தசை பலவீனம் காரணமாக கூட முழங்கால் பலவீனம் ஏற்படலாம். குவாட்ரைசெப்ஸ், ஹாம்ஸ்ட்ரிங்ஸ் மற்றும் காஸ்ட்ரோக்னீமியஸ் ஆகியவை முழங்கால்களின் உறுதிப்பாட்டிற்கு காரணமான மிக முக்கியமான தசைகள் ஆகும். இந்த தசைகளில் ஏதேனும் பாதிப்புகள் ஏற்பட்டால் முழங்கால் பலவீனம் ஏற்படுகிறது.
கீல்வாதம் :
சரியான நேரத்தில் கீல்வாதம் போன்றவற்றிற்கு சரியான சிகிச்சை அளிக்கா விட்டால் முழங்கால் வலி ஏற்படலாம். இந்த வலியினால் முழங்கால் பலவீனம் அடைகிறது.
shoe bites: புது ஷூ கடிக்கிறதா .. இந்த சிம்பிளான வைத்தியம் கை கொடுக்கும்.. உடனே முயற்சி செய்யுங்க!
தசைநார்கள் கிழிந்து போதல் :
முழங்கால் தசைநார்கள் கிழிந்து போகும் போது முழங்கால் பலவீனம் அடைகிறது. தசைநார்கள் பலவீனமாக இருக்கும் போது முழங்கால் உறுதியற்ற தன்மையை அடைகிறது.
கவனிக்க வேண்டிய முழங்கால் பலவீனம் அறிகுறிகள்
முழங்காலில் வீக்கம் மற்றும் விறைப்பு ஏற்படுதல்
உட்கார்ந்த நிலையில் இருந்து நிற்கும் போது சிரமப்படுதல்
எடை தாங்கும் போது உறுதியற்ற தன்மை ஏற்படுதல்
மூட்டு வளைந்திருக்கும் போது வலி ஏற்படுதல்
முழங்காலை மடக்குவதில் சிரமம்
சிவத்தல் அல்லது எரியும் உணர்வு தோன்றுதல்
முழங்கால் பலவீனம் முழங்கால் வலியுடன் இணைந்து கடுமையான முழங்கால் காயத்தை உண்டாக்குகிறது.
முழங்காலை வலுப்படுத்தும் உடற்பயிற்சிகள்
இடுப்பு மற்றும் குளுட்டுகளில் வலிமையை உருவாக்குவது முழங்காலை சரியாக வைத்திருக்க உதவுகிறது. இது மூட்டுகளில் இருந்து அழுத்தத்தை நீக்குகிறது. முழங்காலுக்கு கொடுக்கும் உடற்பயிற்சிகள் மூலம் கீல்வாதத்தை தடுக்க முடியும்.
உடற்பயிற்சிகள் செய்யும் போது குருத்தெலும்பு திசுக்களின் ஆரோக்கியத்தை அதிகரிக்க உதவுகிறது. இது கால் தசைகளை பலப்படுத்துகிறது.
வெப்பம் மற்றும் குளிர் சிகிச்சை
வெப்பம் மற்றும் குளிர் சிகிச்சை தசை வலிக்கு சிகிச்சை அளிக்க உதவுகிறது. இது கீல்வாதத்தால் ஏற்படும் மூட்டு வலியை குறைக்க பயன்படுகிறது. முழங்கால் வலி இருக்கும் இடங்களில் ஐஸ் கட்டி ஒத்தடம் கொடுத்து வரலாம். சூடான ஒத்தடமும் தசை வலியை போக்க உதவுகிறது.
வீக்கத்தை எதிர்க்கும் உணவுகளை உண்ணுங்கள்
முழங்கால் வலியை போக்க முதலில் துரித உணவுகள், நொறுக்கு தீனிகள், வறுத்த உணவுகள் மற்றும் பதப்படுத்தப்பட்ட உணவுகளை கைவிட வேண்டும். அழற்சி எதிர்ப்பு பண்புகளைக் கொண்ட ஆரோக்கியமான உணவுகளை எடுத்துக் கொள்ளுங்கள்.
அதிக எடை கொண்டவர்கள் முழங்கால் வலியால் பாதிக்கப்படுகின்றனர். கூடுதல் எடையை சுமப்பது மூட்டுகளுக்கு அதிக வேலையையும், அதிக அழுத்தத்தையும் கொடுக்கிறது. எனவே எடையை குறைக்க காய்கறிகள் மற்றும் பழங்கள் உள்ள உணவுகளை எடுத்துக் கொள்ளுங்கள். இறைச்சி மற்றும் கொழுப்பு போன்ற உணவுகளை தவிருங்கள்.
உணவில் விதைகள் மற்றும் நட்ஸ் வகைகளை சேர்த்துக் கொள்ள வேண்டும்.
கால்சியம் நிறைந்த விதைகளை உட்கொள்வது முழங்கால் வலியைக் குறைக்க உதவும். இவற்றில் சில ஆளிவிதைகள், வால்நட்ஸ் மற்றும் எள் விதைகளை எடுத்துக் கொண்டு கொள்ளுங்கள்.
வைட்டமின் சி நிறைந்த காய்கறிகள் மற்றும் பழங்களில் அழற்சி எதிர்ப்பு பண்புகள் காணப்படுகிறது. இது கீல்வாதம் மற்றும் பிற வகையான வலிகளை போக்க உதவுகிறது. மஞ்சள், நெல்லிக்காய், எலுமிச்சை, ஆப்பிள் சைடர் வினிகர் போன்றவற்றை உணவில் சேர்த்து வாருங்கள்.
முழங்கால் பலவீனம் இருக்கும் போது கடைபிடிக்க வேண்டிய விஷயங்கள்
நடைபயிற்சி செய்யும் போது சரியான தோரணையை செய்யுங்கள். சரியான காலணிகளை அணியுங்கள்.
புகைப்பிடித்தலை தவிர்க்க வேண்டும்.
எடையை சரியான அளவில் பராமரிக்க வேண்டும்.
உட்கார்ந்து வாகனம் ஓட்டும் போதும் சரி தூங்கும் போதும் சரி உங்கள் தோரணையை பராமரிக்க வேண்டும்.
தீவிர உடற்பயிற்சி வேண்டாம்