கோடைக்காலத்தில் தடிப்புகள் பொதுவானவை. குறிப்பாக வியர்வை வெளிப்படும் இடங்களில் இவை வரக்கூடும். மார்பகப்பகுதி, தொடைப்பகுதி, இடுப்பு பகுதியில் இவை அதிகமாக வரக்கூடும். இந்த தடிப்புகள் தவிர்க்க முடியாதவை. தொடர்ச்சியான அரிப்பு காரணமாக மார்பக தடிப்பு சங்கடமானதாக இருக்கலாம். இதிலிருந்து விடுபட இயற்கை வைத்தியம் பலவும் உண்டு. அவை என்ன என்பதை பார்க்கலாம்.
பேக்கிங் சோடா
பேக்கிங் சோடா சருமத்தின் பிஹெச் அளவை சமன் செய்கிறது. மார்பகத்தின் கீழ் உள்ள தடிப்புகளை அரிப்புகளை அகற்ற உதவுகிறது. தோலில் இருந்து இறந்த செதில்களை வெளியேற்ற உதவுகிறது.
என்ன செய்வது
பேக்கிக் சோடா - 1 டீஸ்பூன்
தண்ணீர் - சில துளிகள்
ஒற்றைத்தலைவலிக்கு மருந்தாகும் ஓமம், எப்படி பயன்படுத்துவது, மருத்துவர் தரும் எளிமையான குறிப்புகள்!
பேக்கிங் சோடாவில் தண்ணீர் கலந்து பேஸ்ட் போல் குழைக்கவும். இதை பாதிக்கப்பட்ட பகுதியில் தடவி விடவும். 20 முதல் 30 நிமிடங்கள் அப்படியே வைக்கவும். பிறகு தண்ணீரில் கழுவவும். தினமும் இரண்டு வேளை இதை செய்து வந்தால் சருமம் அரிப்பு நீங்கும்.
தேங்காயெண்ணெய்
தேங்காயெண்ணெயின் அழற்சி எதிர்ப்பு மற்றும் வலி நிவாரணியானது மார்பகத்தின் கீழ் உள்ள தடிப்புகளை போக்க உதவும். கேண்டிடா எதிரான தேங்காயெண்ணெயின் ஆண்டிமைக்ரோபியல் திறன் தடிப்புகளை ஏற்படுத்தும் ஈஸ்ட் தொற்றுக்கு சிகிச்சையளிக்க பயன்படுகிறது.
என்ன செய்வது
தேங்காயெண்ணெய் - 2 டீஸ்பூன்
தேங்காயெண்ணெயை உள்ளங்கைகளில் தடவி, பாதிக்கப்பட்ட பகுதியில் தடவி விடவும். அது உலரும் வரை விடவும். தினமும் இரண்டு முறை இதை தடவி விடவும். இது அரிப்பு நீங்க செய்யும்.
டீ ட்ரீ ஆயில்
தேயிலை மரத்தின் அத்தியாவசிய எண்ணெய் ஆண்டிமைக்ரோபியல் மற்றும் அழற்சி எதிர்ப்பு பண்புகளை வெளிப்படுத்துகிறது. இந்த பண்புகள் தொற்றுநோயை ஏற்படுத்தும் நுண்ணுயிரிகளை நீக்கி, வீக்கம் மற்றும் அரிப்புகளை குறைப்பதன் மூலம் மார்பகத்தின் கீழ் இருக்கும் தடிப்புகளை அகற்ற செய்யும்.
என்ன செய்வது
தேயிலை மர எண்ணெய் - 3 துளிகள்
தேங்காயெண்ணெய் - 3 டீஸ்பூன் தேங்காயெண்ணெய்க்கு மாற்றாக ஆலிவ் எண்ணெய் பயன்படுத்தலாம்.
இவை இரண்டையும் நன்றாக கலந்து விடவும். இதை கொண்டு மசாஜ் செய்து விடவும். இரவு முழுவதும் அப்படியே விட்டு காலையில் கழுவி எடுக்கவும். தினமும் சரும தடிப்பு நீங்கும் வரை இரவில் செய்து வரவும்.
குளிர் ஒத்தடம்
குளிர்ந்த ஒத்தடம் பாதிக்கப்பட்ட பகுதியை உணர்ச்சியடைய செய்கிறது. இதன் மூலம் மார்பகத்தின் கீழ் தடிப்பு சொறி உண்டாகும் போது அதை தடுக்க செய்கிறது. குறைக்கவும் உதவுகிறது.
என்ன செய்வது
குளிர்ந்த ஒத்தடம் பாதிக்கப்பட்ட பகுதியில் வைத்து ஒற்றி எடுக்கவும். 5 முதல் 10 நிமிடங்கள் அப்படியே வைத்து ஒற்றி எடுக்கவும். தினமும் இரண்டு முறை இதை செய்ய வேண்டும். நேரம் கிடைக்கும் போதெல்லாம் இதை செய்யலாம்.
பூண்டு
பூண்டு சருமத்துக்கு பல நன்மைகளை வழங்குகிறது. இது அழற்சி எதிர்ப்பு மற்றூம் ஆண்டிமைக்ரோபியல் பண்புகளை கொண்டுள்ளது. இது மார்பகத்தின் கீழ் தடிப்புகளை ஏற்படுத்தும் தோல் நோய்களுக்கு சிகிச்சையளிக்க உதவுகிறது.
இரத்த அழுத்தத்தை கட்டுக்குள் வைக்க ஆயுர்வேத மருத்துவர் தரும் எளிமையான குறிப்புகள்!
என்ன செய்வது
பூண்டு - 2 பல்
ஆலிவ் எண்ணெய் - 1 டீஸ்பூன்
பூண்டு நறுக்கி ஆலில் எண்ணெய் சேர்த்து சூடேற்றவும். பூண்டு பல்லை வடிகட்டவும். இதை மார்பில் தடிப்பு இருக்கும் இடங்களில் தடவி விடவும். இரவு நேரத்தில் இதை செய்யலாம். தினமும் ஒருமுறை இதை செய்யுங்கள்.
கற்றாழை
கற்றாழை சாற்றின் அழற்சி எதிர்ப்பு செயல்பாடு மார்பகத்தின் கீழ் உள்ள தடிப்புகளுடன் தொடர்புடைய அரிப்பு வீக்கத்தை ஆற்றுவது தான்.
என்ன செய்வது
கற்றாழை ஜெல்லை பிரித்து பாதிக்கப்பட்ட இடத்தில் தடிப்பு அரிப்பு இருக்கும் இடங்களில் தடவி விடவும். 30 நிமிடங்கள் வைத்திருந்து தண்ணீரை கொண்டு சுத்தம் செய்யவும். தினமும் இரண்டு முறை இதை செய்யலாம்.
வேப்பிலை
வேப்பிலை வீக்கத்தை குறைக்கும் மற்றும் தொற்றுநோயை எதிர்த்து போராடும் திறனை உள்ளடக்கிய பல பல நன்மைகளை கொண்டுள்ளது. இந்த பண்புகள் மார்பக தடிப்புகளை குறைக்கவும் அவை மீண்டும் வருவதை தடுக்கவும் செய்கிறது.
என்ன செய்வது
வேப்பிலை - 1 கைப்பிடு
தண்ணீர் - தேவைக்கேற்ப
வேப்பிலையை தண்ணீர் விட்டு அரைத்து கெட்டியான பேஸ்ட் ஆக்கி கொள்ளவும். இதை பாதிக்கப்பட்ட சருமத்தில் தடவி 30 நிமிடங்கள் அப்படியே வைக்கவும். பிறகு தண்ணீரில் கழுவி சுத்தம் செய்யவும். தினமும் ஒரு முறை இதை செய்யலாம்.
ஓட்ஸ்
ஓட்ஸ் அழற்சி எதிர்ப்பு மற்றும் ஆக்ஸிஜனேற்ற பண்புகளை கொண்டுள்ளது. இது மார்பகத்தின் கீழ் தடிப்புகள் சொறி ஏற்படுத்துவதை தடுக்க செய்யும்.
என்ன செய்வது
பொடித்த ஓட்ஸ் - 1 கப்
தண்ணீர் - தேவைக்கு
குளிக்கும் பாத் டப்பில் ஓட்ஸ் கலந்து விடவும். பாத் டப்பில் 20 முதல் 30 நிமிடங்கள் வரை இருக்கவும். தினமும் இதை ஒரு முறை செய்து வரலாம்.
மஞ்சள்
மஞ்சளின் முக்கிய கூறு குர்குமின் ஆகும். இந்த கலவை ஆன் டி ஆக்ஸிடண்ட் மற்றும் அழற்சி எதிர்ப்பு பண்புகளை கொண்டுள்ளது. இது மார்பகத்தின் கீழ் உள்ள தடிப்புகளுக்கு சிகிச்சையளிக்க உதவும்.
என்ன செய்வது
மஞ்சள் தூள் - 1 முதல் 2 டீஸ்பூன்
தண்ணீர் - தேவைக்கு
மஞ்சள் தூளுடன் தண்ணீர் சேர்த்து குழைத்து பேஸ்ட் போல் உருவாக்கவும். இதை பாதிக்கப்பட்ட மார்பகத்தின் தடிப்புகளில் தடவி 20 நிமிடங்கள் வைத்து தண்ணீரில் சுத்தம் செய்யவும். தினமும் இதை செய்யலாம். அல்லது மாற்று நாளில் இதை செய்யலாம்.
மார்பகங்களின் கீழ் வரும் தடிப்புகள் தவிர்க்க என்ன செய்யலாம் என்பதற்கான குறிப்புகளை இங்கு பார்க்கலாம்.
மார்பகத்தின் கீழ் வரும் தடிப்புகளை எப்படி தடுப்பது
மார்பகத்தில் சிவப்பு , தடிப்பு போன்றவை வந்தால் பாதிக்கபட்ட பகுதியை தினமும் பாக்டீரியா எதிர்ப்பு சோப்பு மற்றும் தண்ணீரி சுத்தம் செய்யவும்.
PCOS : ஒழுங்கற்ற மாதவிடாயை சீராக்க அஸ்வகந்தா உதவுமாம்! வேற என்ன மூலிகைகள் எடுக்கலாம்?
வாசனை இல்லாத மாய்சுரைசர்களை மட்டுமே பயன்படுத்துங்கள். பாதிக்கப்பட்ட பகுதியில் சொறிவதை தடுக்கவும். சருமத்தை எரிச்சலயடைய செய்யாத மென்மையான ஆடைகளை அணியுங்கள்.
உள்ளாடை வியர்வையாக இருந்தால் உடனே மாற்றுங்கள். ப்ரா இருக்கத்துடன் இருகக் வேண்டாம். பாதிக்கப்பட்ட இடத்தில் காலமைன் லோஷனை பயன்படுத்துங்கள். இயற்கை வைத்தியம் செய்த பிறகும் சொறி போகவில்லை எனில் சரும மருத்துவரை அணுகுங்கள்.