தொட்டால் சிணுங்கி கபம் மற்றும் பித்த நோய்களுக்கு பயனுள்ளதாக இருக்கும் என்று சொல்லும் ஆயுர்வேத மருத்துவ நிபுணர் G.K.தாராஜெயஸ்ரீ BAMS அதன் நன்மைகள் குறித்து சொல்வதையும் இக்கட்டுரையில் பார்க்கலாம்.
சிறிய வெட்டுக்கள் மற்றும் காயங்களுக்கு நன்மை செய்யும்
தொட்டால் சிணுங்கி காயங்களை சரி செய்யும் தன்மைகளை கொண்டுள்ளது. சிறிய வெட்டுக்கள் முதல் இது எந்த வலியை குறைக்கும் பண்புகளை இது கொண்டுள்ளது.
காயத்தை குணமாக்கும் பண்புகளை கொண்டுள்ள இந்த செடியின் சில இலைகளை எடுத்து நசுக்கி சாற்றை காயத்தின் மீது தடவலாம். வலி உணர்வு குறையும் வரை காயங்கள் ஆறும் வரை இதை செய்து வரலாம்.
மூட்டு வலிக்கு தொட்டால் சிணுங்கி
மூட்டுகளில் வலி அல்லது பிடிப்பு இருக்கும் போதும் அழற்சி எதிர்ப்பு பண்புகள் இருக்கும் போதும் இது மூட்டுகளில் வலியை குறைக்கும்.
இந்த செடியின் இலைகளை அரைத்து பேஸ்ட் போல் ஆக்கி மூட்டுகளில் தடவி விடலாம். இரவு முழுவதும் அப்படியே வைத்திருந்து மறுநாள் காலையில் கழுவவும். தினமும் இதை செய்து வருவதன் மூலம் மூட்டுகளில் இருக்கும் வீக்கம் மற்றும் வலி குறைய தொடங்கும். வித்தியாசத்தை நீங்களே பார்ப்பீர்கள்.
சர்க்கரை நோயாளிக்கு தொட்டால் சிணுங்கி
நீரிழிவு நோய்க்கு தொட்டா சிணுங்கி உதவும். உடலில் இரத்த சர்க்கரை அளவை கட்டுப்படுத்த இது உதவுகிறது. உடலில் இன்சுலின் அளவை வெளியிட செய்கிறது. நீரிழிவு நோய்க்கு சிகிச்சையளிக்க இவை உதவுகிறது.
தொட்டா சிணுங்கி இலைகளின் சாற்றை 30 மில்லி அளவு எடுத்து காலை மற்றும் மாலையில் குடித்து வரலாம். இதன் மூலம் 10 நாட்களில் உங்கள் இரத்த சர்க்கரை அளவுகளில் வித்தியாசத்தை காண்பீர்கள்.
ஆசனவாயில் ரத்தக்கசிவுக்கு தொட்டால் சிணுங்கி
பைல்ஸ் அல்லது மூல நோயை குணப்படுத்தும் தன்மையை கொண்டுள்ளது தொட்டா சிணுங்கி. தொட்டா சிணுங்கி இலைகளை உலர்த்தி பொடி செய்து கொள்ளவும். இதை சேகரித்து வைத்து ஒரு டம்ளர் பாலில் 1 டீஸ்பூன் பொடி கலந்து நாள் ஒன்றுக்கு இரண்டு முறை குடிக்கவும்.
இந்த செடியின் வேரை உலர்த்தி இதை அரைத்து 1 டீஸ்பூன் பொடியில் தயிர் கலந்து குடிக்கவும். ரத்தப்போக்கு மறையும் வரை காலையில் இதை எடுத்துகொள்ளுங்கள்.
மாதவிடாய் அதிக உதிரபோக்கை கட்டுப்படுத்தும் தொட்டால் சிணுங்கி
மாதவிடாய் அதிக உதிரபோக்கு இருக்கும் போது தொட்டா சிணுங்கியை மருந்தாக எடுக்கலாம். உடலில் ஹார்மோன் சமநிலையின்மை பாதிக்கும் போது அதிக உதிரபோக்கு உண்டாகிறது. இதை எதிர்கொள்ள தொட்டாச்சிணுங்கி உதவும். மாதவிடாய் உதிரபோக்கு கட்டுப்படுத்த தொட்டாச்சினுங்கி இலையின் சாறு எடுத்து அதனுடன் தேன் கலக்கவும்.
தினமும் 3 முறை என வேளைக்கு இரண்டு டீஸ்பூன் அளவு குடித்து வந்தால் பலன் கிடைக்கும். இந்த வேர் சாறிலும் 5 மில்லி தேன் மற்றும் மிளகு கலந்து 4 முறை எடுக்கலாம். பலன் கிடைக்கும்.
வயிற்றுவலி மற்றும் குடல் புழுக்கள் நீங்க தொட்டால் சிணுங்கி
குடல் புழுக்கள் சிகிச்சைகாக தொட்டால் சிணுங்கி பயன்படுத்தலாம். இது பாக்டீரியா எதிர்ப்பு பண்புகளை கொண்டுள்ளது. இது உடலில் உள்ள பாக்டீரியாக்களை திறம்பட கொல்லும்.
வயிற்று வலி மற்றும் குடல் புழுக்களின் பிரச்சனைக்கு நீங்கள் செய்ய வேண்டியது இந்த இலைகளில் இருந்து ஒரு பேஸ்ட்டை எடுத்து தேனுடன் கலந்து நாள் ஒன்றுக்கு ஒரு முறை சாப்பிடுங்கள். குடல் புழுக்கள் வெளியேறிவிடும்.
பாம்பு கடி மற்றும் விஷக்கடிக்கு தொட்டால் சிணுங்கி
ஆபத்தான விஷத்தை எதிர்த்து போராடுவதாக இது நிரூபிக்கப்பட்டுள்ளது. அவசர நிலைகளில் இதன் வேர்களை 10 கிராம் - 400 மில்லி தண்ணீரில் கஷாயம் செய்து நாள் ஒன்றுக்கு இரண்டு முறை குடிக்கவும்.
விஷப்பூச்சிகள் கடித்தாலும் இந்த செடியின் இலைகள் மற்றும் தண்டுகளை அரைத்து பாதிக்கப்பட்ட இடத்தில் தடவவும். நாள் ஒன்றுக்கு இரண்டு முறை செய்து வந்தால் குணப்படுத்தும். கடித்தால் ஏற்படும் வீக்கம் வலி மற்றும் சிவத்தல் ஆகியவற்றை குறைக்கும்.
சரும பிரச்சனைக்கு தொட்டால் சிணுங்கி
சருமத்தில் ஏற்படும் படை, தேமல் போன்ற நோய்கள் நீண்ட நாள்களாக இருந்து சரியாக வில்லை என்றால் இந்த இலைகளை பறித்து அதன் சாறை தடவி வந்தால் சருமம் இழந்த பொலிவை பெறும். தேமல் சரியாகும்.
குறிப்பு
மேற்கண்ட பிரச்சனைகளுக்கு நீங்கள் தொட்டால் சிணுங்கியை மருந்தாக பயன்படுத்துவதாக இருந்தால் மருத்துவரின் அறிவுரையின் பெயரில் இதை எடுக்க வேண்டும்.