ஆடி மாத ஸ்பெஷல்: கூழ் செய்யலாம் வாங்க

ஆடி மாதம் அம்மனுக்கு உகந்த மாதமாக கருதப்படுகிறது. பெண்கள் அனைவரும் அம்மனுக்கு சிறப்பு வழிபாடு நடத்துவார்கள். இந்த மாதத்தில் செவ்வாய், வெள்ளிக்கிழமைகளில் அம்மனுக்கு பிடித்த உணவை தயார் செய்து படையல் போடுவது வழக்கம்.

அதன்படி, அம்மனுக்கு மிகவும் பிடித்த கூழ் செய்வது பற்றி பார்க்கலாம்.

தேவையான பொருட்கள் :

• ராகி மாவு - 1 கப்
• தண்ணீர் - 5 கப்
• சினன் வெங்காயம் - 5 (பொடியாக நறுக்கியது)
• தயிர் - 1 கப்
• மோர் மிளகாய் - 3
• எண்ணெய் - தேவையான அளவு
• உப்பு - தேவையான அளவு

செய்முறை :

அகலமான பாத்திரத்தில் ராகி மாவு, உப்பு, தண்ணீர் சேர்த்து கட்டி சேராமல் கரைத்துக் கொள்ளவும். பின்னர் அடுப்பில் மிதமான சூட்டில் வைத்து கரண்டியால் நன்கு கிளறவும்.

கெட்டியாகும் பதத்திற்கு வந்ததும், அடுப்பில் இறந்து இறக்கி விடவும். சிறிது ஆறவிட்டு அதில் சிறிய வெங்காயத்தையும், தயிரையும் சேர்ந்து நன்கு கரைக்க வேண்டும்.

பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், மோர் மிளகாயைப் போட்டு பொன்னிறமாக பொறித்து, கரைத்து வைத்துள்ள கூழில் சேர்த்து நன்கு கிளறிவிடவும். 5 நிமிடம் கழித்து, பரிமாறலாம். இப்போது சுவையான மற்றும் ஆரோக்கியமான ராகி கூழ் ரெடி.