முந்திரி அல்வா செய்யலாமா?

தீபாவளி பண்டிகையின் பலகார பட்டியலில் ஒன்றான முந்திரி அல்வா செய்வது பற்றி பார்க்கலாம்.

தேவையானவை:

முந்தரி விழுது (150gm முந்திரியை ஊறவைத்து, கொஞ்சம் பாலில் அரைத்து வைக்கவும்) - 1 கப்

சர்க்கரை - 2 கப்

சக்கரை இல்லாத கோவா - 2 1 /2 கப்

நெய் - 2 ஸ்பூன்

முந்திரி உடைத்து - 2 ஸ்பூன்

சிறிதளவு ஏலப்பொடி (தேவையானால் )

பால் சிறிதளவு

செய்முறை:

ஒரு அடிகனமான பாத்திரத்தில், முந்தரி விழுது, நெய் போட்டு அடுப்பில் வைக்கவும். அடுப்பை மிதமான தீயில் வைத்து கிளறிக்கொண்டே இருக்கவும். இப்பொழுது, கோவாவை துருவி அல்லது உதிருதுப்போட்டு கிளறவும்.

இந்த கலவை கொஞ்சம் கெட்டியாகும் போது, சிறிது சிறிதாக நெய் விட்டு கிளறி, சர்க்கரை சேர்த்து கைவிடாமல் கிளறவும்.

நன்கு பந்து போல் சுருண்டுவரும்போது ஏலப்பொடி, உடைத்துவைதுள்ள முந்தரி தூவி, கிளறி இறக்கவும். சுவையான முந்தரி ஹல்வா தயார்.

குறிப்பு: இதபோல், பாதாம் ஹல்வாவும் செய்யலாம். சர்க்கரை இல்லாத கோவா கடையில் வாங்குவதை விட, ஒரு லிட்டர் பாலை சுண்டக் காய்ச்சி வீட்டிலேயே கோவா தயார் செய்தால் அல்வாவின் சுவை கூடும்.