மெட்ரோ நகரங்களிலும் தோசைதான் கிங்..!

மெட்ரோ நகரங்களில் விரும்பி சாப்பிடப்படும் காலை உணவுகளில் தோசை முதலிடம் பிடித்துள்ளது.

ஆன்லைன் மூலமாக உணவு டெலிவரி செய்யும் அப்ளிகேஷனான “ஸ்விக்கி” ,நாடு முழுவதும் 8 மெட்ரோ நகரங்களில் உள்ள 12,000 உணவகங்களில் சமீபத்தில் ஒரு ஆய்வை மேற்கொண்டது. இந்த ஆய்வின் முடிவுகளில், இந்தியாவின் பாரம்பரிய உணவுகள்தான் ‘கெத்து’ என தெரிய வந்துள்ளது.

மெட்ரோ நகரங்களில் வாழும் இந்தியர்கள், கலாச்சார ரீதியில் மேற்கத்திய பாணியை பின்பற்றினாலும் , உணவுகளை பொறுத்தவரை இன்றும் பாரம்பரிய உணவுகளாக இட்லி,தோசை, பரோட்டா, புட்டு போன்றவற்றை விரும்பி உண்கிறார்களாம்.

இது மட்டுமல்லாமல், இந்தியாவின் மெட்ரோ நகரங்களில் வாழும் மக்களின் காலை உணவாக அதிகம் விரும்பி உண்ணப்படுவது தோசைதானாம். சென்னையை பொறுத்தவரை இட்லி, பிளைன் தோசை, நெய் பொடி இட்லி,வெங்காய ஊத்தப்பம் ஆகியவைதான் அதிகம் விரும்பி உண்ணப்படுவதாக இந்த ஆய்வில் தெரியவந்துள்ளது.

மும்பை-மசாலா தோசை, பிளைன் தோசை

புனே- மசாலா தோசை,கிச்சடி,ஆப்பி

ஹைதராபாத்- தோசை, இட்லி

டெல்லி- பரோட்டா, பாவ் பாஜி,தோசை

பெங்களூரு- மசாலா தோசை,இட்லி மற்றும் வடை,போஹா ஆகிய உணவு வகைகள் விரும்பி சாப்பிடப்படுகின்றன.

Dosai is the best Metro city food