சுவையான புதினா கொத்தமல்லி துவையல் ரெசிபி!

தோசை மற்றும் இட்லிக்கு பக்கா சைடீஷாக இருக்கும் சுவையான புதினா கொத்தமல்லி துவையல் ரெசிபி எப்படி செய்வது என்பதை பார்க்கலாம்!

தேவையானவை: புதினா தழை, கொத்தமல்லித் தழை - தலா ஒரு கப், துருவிய தேங்காய் - கால் கப், புளி - சிறிதளவு, காய்ந்த மிளகாய் - 2, உளுத்தம்பருப்பு - 2 டீஸ்பூன், எண்ணெய் - 3 டீஸ்பூன், பெருங்காயத்தூள் - ஒரு சிட்டிகை, உப்பு - தேவைக்கேற்ப.

செய்முறை: வாணலியில் சிறிதளவு எண்ணெய் விட்டு காய்ந்த மிளகாய், உளுத்தம்பருப்பு, பெருங்காயம் ஆகியவற்றை சிவக்க வறுத்து, உப்பு சேர்த்து மிக்ஸியில் சற்று கொரகொரப்பாகப் பொடிக்கவும்.

மீதியுள்ள எண்ணெயில் புதினா, கொத்தமல்லியை லேசான தீயில் வதக்கவும். கொரகொரப்பாக அரைத்த பொடியை தேங்காயுடன் சேர்த்து... வதக்கிய புதினா, கொத்தமல்லி மற்றும் புளி சேர்த்து நைஸாக அரைத்தால் சுவையான கொத்தமல்லி புதினா துவையல் ரெடி!