வெந்தய வரதோசை ரெசிபி!

சென்னை: ஆரோக்கியமான வெந்தய வரதோசை செய்முறை பற்றி பார்க்கலாம்.

மருத்துவ குணங்கள்:

இந்த வெந்தய வரதோசையை சாப்பிட்டால் மலச்சிக்கலை நீங்கும். உடல் சூட்டை தணித்து குளிர்ச்சியை அளிக்கும். சர்க்கரை நோயால் பாதிக்கப்பட்டுள்ளவர்களுக்கு சிறந்த சத்தான உணவாகும்.

தேவையான பொருட்கள்:

இட்லி அரிசி – 4 கப்,

வெந்தயம் – கால் கப்,

எண்ணெய், உப்பு – ஒரு டீஸ்பூன்.

செய்முறை:

வெந்தயத்தையும், அரிசியையும் தனித்தனியாகக் கழுவி ஊறவைக்கவும். இரண்டு மணி நேரம் கழித்து முதலில் வெந்தயத்தை நன்கு பொங்க அரைத்து அதன் பின் அரிசியைச் சேர்த்து நன்கு நைஸாக அரைத்து உப்பு சேர்த்து கரைத்து வைக்கவும்.

சுமார் எட்டு மணி நேரம் புளித்ததும் தோசைக்கல்லில் ஒரு துணியில் எண்ணெய் தொட்டுத் தடவி தோசைகளாக வார்த்து மூடி போட்டு வேகவைத்து மடித்து எடுத்து நிவேதிக்கவும்.