2017ல் சிக்கன் பிரியாணி தான் டாப்; இந்தியர்களை அதிகம் ஆர்டர் செய்ய வைத்த சுவையான உணவு!

டெல்லி: ஆர்டர் செய்த உணவுகளின் பட்டியலில் சிக்கன் பிரியாணி முதலிடம் பிடித்துள்ளது.

இந்தியாவின் 7 முக்கிய நகரங்களில் அதிகம் ஆர்டர் செய்யப்பட்ட உணவுகள் குறித்து ஆய்வு செய்யப்பட்டது.

அவற்றில் மும்பை, டெல்லி-என்.சி.ஆர், ஐதராபாத், பெங்களூரு, புனே, சென்னை, கொல்கத்தா ஆகியவை அடங்கும். இதனை ஆன்லைன் உணவு ஆர்டர் நிறுவனமான ஸ்விக்கி(Swiggy) நடத்தியது.

அதில் சிக்கன் பிரியாணி முதலிடம் பிடித்துள்ளது. இதனைத் தொடர்ந்து மசாலா தோசை, பட்டர் நான், தந்தூரி ரொட்டி, பன்னீர் பட்டர் மசாலா ஆகியவை இடம்பெற்றுள்ளன.

இணையத்தில் அதிகம் தேடப்பட்ட உணவுகளின் பட்டியலில் பிஸ்ஸா முதலிடத்தில் உள்ளது. இருப்பினும் அதிகம் ஆர்டர் செய்யப்பட்ட பட்டியலில் முதல் 5 இடங்களுக்குள் வரவில்லை.

அதேசமயம் பிஸ்ஸாவை 5 லட்சம் முறை இணையத்தில் தேடியுள்ளனர். இதையடுத்து பர்கர், சிக்கன், கேக், மோமோ ஆகியவை உள்ளன.

இந்தியர்களைப் பொறுத்தவரை ஸ்நாக்ஸ் உணவுகளில் பாவ், பிரெஞ்ச் ஃப்ரைஸ், சமோசாஸ், சிக்கன் ரோல், சிக்கன் ரோல், பேல் பூரி ஆகியவை உள்ளன.

Chicken Biryani is the most ordered food item in 2017 in India.