எதனால் உண்டாகிறது?
இந்த கெட்ட பழக்கங்கள் பெரும்பாலும் மன அழுத்தம், சலிப்பு, மகிழ்ச்சியற்ற, சோர்வான, விரக்தி அல்லது பாதுகாப்பற்ற ஒன்றை அவர்கள் சமாளிக்க மேற்கொள்ளும் வழிமுறையாகும். ஏனெனில் அப்படி செய்வது அவர்களுக்கு மகிழ்ச்சியை தருகிறது. இந்த கெட்ட பழக்க வழக்கங்கள் குழந்தைகளுக்கு கவலையாக இருக்காது என்றாலும் பெற்றோர்களுக்கு கவலையாக இருக்கிறது. சமூக ரீதியாக அவர்கள் அதை சமாளிக்க வேண்டியதுள்ளது. நீங்கள் அடிப்பது திட்டுவது போன்ற விஷயங்கள் இந்த கெட்ட பழக்க வழக்கங்களை அதிகரிக்குமே தவிர குறைக்காது. இதைச் சரி செய்ய நேர்மறையான அணுகுமுறையை பின்பற்ற வேண்டும்.
உங்க குழந்தைகள் மேற்கொள்ளும் கெட்ட பழக்க வழக்கங்களை எப்படி கையாளலாம் வாங்க தெரிஞ்சுக்கலாம்
நகம் கடித்தல்
நகம் கடிப்பது என்பது நிறைய குழத்தைகள் செய்யும் பொதுவான விஷயமாகும். 7 முதல் 10 வயதுக்குட்பட்ட குழந்தைகளில் 28 முதல் 33 சதவீதம் குழந்தைகள் நகங்களை குடிக்கிறார்கள் என்று புள்ளி விவரங்கள் தெரிவிக்கின்றன. இப்படி நகங்களை கடிப்பதற்கான முக்கிய காரணம் மன அழுத்தம், பிற குடும்ப உறுப்பினர்களைப் பின்பற்றுதல், பரம்பரை, மோசமாக நகங்கள் மற்றும் கட்டைவிரல் உறிஞ்சும் பழக்கத்திலிருந்து பரிமாற்றம் போன்ற பல காரணங்களால் இருக்கலாம். இப்படி நீண்ட நேரம் நகங்களை கடிப்பது பாக்டீரியாக்கள் தொற்று, பல் பிரச்சினைகள் மற்றும் வெட்டுக் காயங்களை ஏற்படுத்தலாம்.
தடுக்கும் வழிகள்
மன அழுத்தத்தால் உங்க குழந்தை நகம் கடிக்கா விட்டால் நெயில் பாலிஷ் போட்டு விடலாம். பேப்பர் கிராப்ட் போன்ற நடவடிக்கைகளை அடிக்கடி கொடுத்து அவர்களை எப்பொழுதும் உற்சாகமாக வைத்து இருக்கலாம். இப்படி செய்யும் போது சில நாட்களில் அதை மறந்து விடுவார்கள். அதே நேரத்தில் உங்க பிள்ளை புரிந்து கொள்ளும் பருவத்தில் இருந்தால் ஏன் நகங்களை கடிக்கக் கூடாது என்பதற்கான விளக்கங்களை கொடுக்கலாம்.
கூந்தலை சுழட்டுதல்
இது பெண் குழந்தைகளிடம் காணும் பொதுவான பழக்கமாகும். அவர்கள் சலிப்படையும்போது, சோர்வாக அல்லது நிதானமாக இருக்கும்போது அதைச் செய்கிறார்கள். இப்படி கூந்தலை சுழற்றி கொண்டே இருக்கும் போது முடி உதிர்தல் பிரச்சினை ஏற்பட வாய்ப்பு உள்ளது. குழந்தைகள் வயதான பிறகும் கூட தலைமுடியைத் தொடர்ந்து சுழற்றினால், அது மனச்சோர்வு, பதட்டம் அல்லது வெறித்தனமான கட்டாயக் கோளாறு (ஒ.சி.டி) ஆகியவற்றின் அறிகுறியாக இருக்கலாம்.
தடுக்க வழிகள்
உங்கள் பிள்ளை சலிப்படையாதபடி சுவாரஸ்யமான செயல்களில் அவர்களை ஈடுபட வையுங்கள்.
மூக்கை நோண்டுதல்
குழந்தைகள் எப்பொழுதும் அவர்களது மூக்கை நோண்டிக் கொண்டே இருப்பார்கள். தொடர்ந்து மூக்கை நோண்டுவது மூக்கின் திசுக்களில் காயங்களை ஏற்படுத்தும். இதன் விளைவாக மூக்கிலிருந்து இரத்தப்போக்கு ஏற்படுகிறது
தடுக்கும் வழிகள்
மூக்கை நோண்டுவது ஒரு மோசமான விஷயம் என்று உங்கள் குழந்தைக்கு மெதுவாகச் சொல்லுங்கள். மூக்கை குடைவதை தடுக்க அவர்களுக்கு கையுறைகளையும் அணியச் செய்யலாம் .
பெருவிரல் சப்புதல்
குழந்தையின் வாழ்க்கையின் முதல் சில மாதங்களில் இந்த பழக்கம் தொடர்கிறது. இருப்பினும், பல குழந்தைகள் இரண்டு முதல் நான்கு வயது வரை இந்த பழக்கத்தை பின்பற்றுவது உண்டு. இப்படி பெருவிரல் சப்புதல் குழந்தைகளின் தூக்கத்திற்கு உதவுகிறது. ஆனால் இது கட்டை விரல் சருமத்தில் வறட்சியை உண்டாக்கும்.
தடுக்கும் வழிகள்
உங்க பிள்ளைக்கு புரிந்து கொள்ளும் வயது வந்து விட்டால் இந்த பழக்கம் தவறானது என்று எடுத்துக் கூறுங்கள். அதை சரியாக பின்பற்றினால் வெகுமதி அவர்களுக்கு அளியுங்கள். சில கசப்பான காயின் சாற்றை கட்டை விரலில் தடவி விடுங்கள். அவர்கள் கசப்பு சுவையை வெறுத்து கட்டை விரல் சூப்பும் பழக்கத்தை விடலாம்.
தலையை முட்டிக் கொள்வது
சில குழந்தைகள் கோபம் வந்தால் போதும் சுவற்றில் போய் தலையை முட்டிக் கொள்வார்கள். இது பொதுவாக ஒரு குழந்தைக்கு ஒன்பது மாத வயதாகும்போது தொடங்கி இரண்டு வயது வரை நீடிக்கிறது. இப்படி தலையை எதாவது பொருட்களில் முட்டிக் கொள்வது குழந்தைக்கு காயத்தை உண்டாக்கலாம். இது பெற்றோர்களுக்கு மன உளைச்சலை உண்டாக்கலாம். இது குழந்தைகளின் விரக்தியின் வெளிப்பாடாகும்.
தடுக்கும் வழிகள்
இதற்கு மன அழுத்தமே காரணம் என்றால், பிரச்சினையை நிவர்த்தி செய்வது இந்த பழக்கத்தை சமாளிக்க சிறந்த வழியாகும். குழந்தையின் மன அழுத்தத்தை போக்க உதவி செய்யுங்கள்.
பற்களை அரைத்தல் பழக்கம்
சில குழந்தைகள் தூங்கும் போது நறு நறுவென பற்களை கடிப்பது உண்டு. ஆறு மாத வயதில் குழந்தை பற்கள் வளரத் தொடங்கும் போது, மீண்டும் ஐந்து வயதில் நிரந்தர பற்கள் அமைந்தவுடன் பற்கள் அரைக்கத் தொங்குகின்றன. பற்கள் அரைப்பது முக்கியமாக தூக்கத்தின் போது நிகழ்கிறது. பெரும்பாலான குழந்தைகள் இந்த பழக்கத்தை வயதான பிறகு கூட தொடருவது உண்டு. நிரந்தர பற்கள் அமைந்திருக்கும் போது பற்கள் அரைப்பது கவலைக்குரியதாக மாறும் மற்றும் பல் பிரச்சினைகள் அல்லது தாடை மூட்டு கோளாறு ஏற்படலாம் என்கிறார்கள் குழந்தைகள் நல மருத்துவர்கள்.
தடுக்கும் வழிகள்
வழக்கமான பல் பரிசோதனைகள் பற்களின் சேதத்தைத் தடுக்க உதவும்.
உதடுகளை கடித்தல் மற்றும் உறிஞ்சுதல்
உலர்ந்த உதடுகள், மன அழுத்தம் அல்லது பற்களை தவறாக வடிவமைப்பு போன்றவை உதடுகளை கடிக்கும் பழக்கத்தை உண்டாக்குகிறது. உதடுகளை கடிப்பதால் சிவப்பு, வீங்கிய உதடு ஏற்படலாம்.
தடுக்கும் வழிகள்
உலர்ந்த அல்லது துண்டிக்கப்பட்ட உதடுகளுக்கு சிகிச்சையளிக்க லிப் பாம் அல்லது பெட்ரோலியம் ஜெல்லியைப் பயன்படுத்துங்கள். மன அழுத்த சூழ்நிலையில் இருந்து , உங்கள் குழந்தையின் கவனத்தை திசை திருப்பவும்.
அந்தரங்க பகுதியை தொடுதல்
குழந்தைகள் தங்கள் உடல் பாகங்களை தொட்டு ஆராய விரும்புகின்றனர். சில சமயங்களில் அவர்கள் பிறப்புறுப்புகளையும் ஆராய முனைகிறார்கள். அவர்கள் பிறப்புறுப்புகளைத் தொடும்போது அவர்கள் ஆறுதலடைகிறார்கள். ஆனால் அவர்கள் அதை பொது இடங்களில் தொடும் போது பெற்றோர்கள் சங்கடத்தை அனுபவிக்கின்றனர்.
தடுக்க வழிகள்
உடல் உறுப்புகளைப் பற்றி உங்கள் பிள்ளைக்குக் கற்பித்தல் வேண்டும். குழந்தையை இதை பொது இடங்களில் செய்யும் போது திசை திருப்பவும்.
கெட்ட உணவுப் பழக்கங்கள்
சில குழந்தைகள் நாள் முழுவதும் மோசமான நொறுக்கு தீனிகளை நொறுக்கிக் கொண்டே இருப்பார்கள். இதன் விளைவாக, உணவு நேரங்களில் அவர்கள் பசியுடன் இருப்பதில்லை. இந்த சிற்றுண்டி பழக்கம் குழந்தைகளில் உடல் பருமனுக்கு வழிவகுக்கும்.
தடுக்கும் வழிகள்
அவர்களுக்கான உணவு நேர அட்டவணையை உருவாக்குங்கள். ஆரோக்கியமான மற்றும் சத்தான தின்பண்டங்களை வழங்குங்கள்.அவர்களுக்கு பிடிக்கும் விதத்தில் சமைத்து கொடுங்கள்.
தொடர்ந்து பொய் கூறுதல்
குழந்தைகள் பெரும்பாலும் தண்டனையிலிருந்து தப்பிக்க அல்லது அவர்கள் விரும்பும் ஒன்றைப் பெறுவதற்காக பொய் சொல்கிறார்கள். குழந்தைகள் சிறு வயதிலிருந்தே பொதுவாக அவர்கள் மூன்று வயதாக இருக்கும்போது பொய் சொல்லக் கற்றுக்கொள்ளலாம். ஆனால் இந்த குணம் அவர்கள் வயதான பிறகு சங்கடத்தை ஏற்படுத்தும்.
தடுக்கும் வழிகள்
உங்கள் பிள்ளைக்கு உண்மையைச் சொல்ல ஊக்குவிக்கவும், நேர்மையின் முக்கியத்துவத்தை அவர்களுக்குக் கற்பிக்கவும். உண்மை சொன்னால் கிடைக்கும் நன்மைகளையும் பொய் கூறினால் ஏற்படும் தீமைகளையும் எடுத்துக் கூறுங்கள்.