pregnancy nutrients : கர்ப்பிணி வயிற்றில் வளரும் குழந்தையின் ஆரோக்கியத்தை உறுதி செய்ய இந்த சத்துக்களை கண்டிப்பா சேர்க்கணும்!

மூளை முதுகுத்தண்டு பிறப்பு பிரச்சனைகளை தடுக்கும் ஃபோலேட் என்பது வைட்டமின் பி ஆகும். இது வளரும் மூளை மற்றும் முதுகுத்தண்டு (நரம்பியல் குறைபாடுகள்) போன்றவற்றில் கடுமையான சிக்கல்களை தடுக்க செய்கிறது.
இது மாத்திரை மற்றும் செறிவூட்டப்பட்ட உணவுகளில் இருக்கும் ஃபோலேட்டின் செயற்கை வடிவம் ஃபோலிக் அமிலம் என்று அழைக்கப்படுகிறது. முன்கூட்டிய பிறப்பு மற்றும் குறைந்த எடையுடன் குழந்தை பிறக்கும் அபாயத்தை இந்த ஃபோலிக் அமிலம் குறைக்கிறது.

கர்ப்பிணிக்கு எவ்வளவு தேவை
கருத்தரிப்பதற்கு முன்பு நாள் ஒன்றுக்கு 400 மைக்ரோகிராம் (எம்சிஜி) ஃபோலேட் அல்லது ஃபோலிக் அமிலம் மற்றும் கர்ப்பம் முழுவதும் ஒரு நாளைக்கு 600 முதல் 1000 மைக்ரோகிராம் அளவு தேவைப்படலாம்.

ஃபோலேட் எதிலெல்லாம் உண்டு
வலுவூட்டபட்ட தானியங்கள், ஃபோலிக் அமிலத்தின் சிறந்த ஆதாரங்கள். அடர் பச்சை இலை காய்கறிகள் சிட்ரஸ் பழங்கள் மற்றும் உலர்ந்த பீன்ஸ், பட்டாணி மற்றும் பருப்பு போன்றவை.

எலும்புகளை வலுவாக்கும் கால்சியம் கர்ப்பிணிக்கும் குழந்தைக்கும் வலுவான எலும்புகள் மற்றும் பற்களுக்கு கால்சியம் தேவை. கால்சியம் இது இரத்த ஓட்டம், தசை மற்றும் நாம்பு மண்டலங்களின் ஆரோக்கியமான செயல்பாட்டை ஆதரிக்கிறது.

கர்ப்பிணிக்கு எவ்வளவு தேவை
நாள் ஒன்றுக்கு 1000 மில்லிகிராம்கள். கர்ப்பிணி பெண்களுக்கு ஒரு நாளைக்கு 1300 மில்லிகிராம் தேவை.

கால்சியம் எதிலெல்லாம் இருக்கு
பால் பொருள்கள் கால்சியத்தின் சிறந்த ஆதாரங்கள், இது ப்ரக்கோலி மற்றும் காலே போன்றவற்றில் உள்ளது. பல பழச்சாறுகள் மற்றும் காலை உணவு தானியங்கள் கால்சியம் நிறைந்தவை.

வைட்டமின் டி எலும்பு வலிமையை ஊக்குவிக்கிறது. உங்கள் குழந்தையின் எலும்புகள் மற்றும் பற்களை உருவாக்க வைட்டமின் டி கால்சியத்துடன் செயல்படுகிறது.

கர்ப்பிணிக்கு எவ்வளவு தேவை
ஒரு நாளைக்கு 600 சர்வதேச அலகுகள்

வைட்டமின் டி எதிலெல்லாம் இருக்கு
சால்மன் போன்ற கொழுப்பு நிறைந்த மீன், வைட்டமின் டி நிறைந்த சிறந்த ஆதாரம். பால் மற்றும் ஆரஞ்சு சாறு போகியவையும் முக்கியமானவை.

புரதம் வளர்ச்சியை ஊக்குவிக்க கூடியது. கர்ப்பம் முழுவதும் இது முக்கியமானது.

கர்ப்பிணிக்கு எவ்வளவு தேவை
நாள் ஒன்றுக்கு 71 கிராம் அளவு தேவை

புரதம் எதிலெல்லாம் இருக்கு
ஒல்லியான இறைச்சி, கோழி, கடல் உணவு மற்றும் முட்டை ஆகியவை புரதத்தின் சிறந்த ஆதாரங்கள். மேலும் இது பீன்ஸ் மற்றும் பட்டாணி, கொட்டைகள், விதைகள் மற்றும் சோயா பொருள்களில் உள்ளது.

இரும்புச்சத்து குறைபாடு இரத்த சோகையை தடுக்கும். ஹீமோகுளோபின் தயாரிக்க உடலுக்கு இரும்புச்சத்து அவசியம் தேவை. இது இரத்த அணுக்களில் உள்ள புரதம் ஆகும். இது உடலின் திசுக்களுக்கு ஆக்ஸிஜனை கொண்டு செல்கிறது. கர்ப்பிணிக்கு இருமடங்கு இரும்புச்சத்து தேவைப்படுகிறது. குழந்தைக்கு ஆக்ஸிஜனை வழங்க அதிக இரத்தத்தை உருவாக்க உடலுக்கு இரும்பு தேவைப்படுகிறது.

கர்ப்பிணிக்கு இரும்புச்சத்து குறைபாடு இருந்தால் இரத்த சோகையை உருவாக்கலாம். தலைவலிக்கு ஆளாகலாம். அதிகமாக சோர்வடையலாம். இது முன்கூட்டிய பிறப்பு குறைபாடு, குறைந்த எடை கொண்ட குழந்தை மற்றும் மகப்பேறு பிறகு மனச்சோர்வு அபாயத்தை அதிகரிக்கிறது.

கர்ப்பிணிக்கு எவ்வளவு தேவை
நாள் ஒன்றுக்கு 27 மில்லிகிராம்கள்

இரும்புச்சத்து எதிலெல்லாம் இருக்கு
ஒல்லியான சிவப்பு இறைச்சி, கோழி மற்றும் மீன் ஆகியவை இரும்பின் நல்ல ஆதாரங்கள், காலை உணவு தானியங்கள், பீன்ஸ் மற்றும் காய்கறிகள் சேர்க்கலாம்.

நீங்கள் ஆரோக்கியமான உணவை உட்கொண்டாலும் முக்கிய ஊட்டச்சத்துக்களை நீங்கள் இழக்க நேரிடலாம். கருத்தரிப்பதற்கு மூன்று மாதங்களுக்கு முன்பே அல்லது திட்டமிடும் போதே முந்தைய வைட்டமின்களை எடுத்துகொள்வது கர்ப்பகால ஆரோக்கியத்தை உறுதி செய்யும். இது குறித்து உங்களுக்கு சந்தேகம் இருந்தால் உங்கள் மகப்பேறு மருத்துவரின் ஆலோசனையை அணுகுவது நல்லது.