தாய்ப்பால் கொடுத்தாலே பிரசவத்திற்கு பின் அதிகரித்த எடை குறைந்துவிடுமாம்...

பெண்கள் பிறந்த குழந்தைக்கு தாய்ப்பால் புகட்டினாலே அவர்களின் உடல் எடை குறைய வாய்ப்பு உள்ளது என்கிறார்கள் மருத்துவர்கள். எனவே பெண்கள் தாய்ப்பாலூட்டுதல் மூலம் தங்கள் உடல் அமைப்பை மீட்டெடுக்க முடியும் என்கிறது ஆராய்ச்சி. குழந்தைக்கு தாய்ப்பால் ஊட்டுவதால் ஒரு நாளைக்கு நிறைய கலோரிகள் வரை எரிக்க முடியும். ஆராய்ச்சி படி தாய்ப்பால் ஊட்டும் மூலம் ஒரு நாளைக்கு சராசரியாக 500 கலோரிகள் வரை எரிக்க முடியும். சரி வாங்க தாய்ப்பால் ஊட்டுதல் எப்படி தாய்மார்களின் உடல் எடையை குறைக்க பயன்படுகிறது என அறிவோம்.

குழந்தைக்கு தாய்ப்பால் ஊட்டுதல் மூலம் ஒரு நாளைக்கு ஒரு சிறிய சிற்றுண்டி அளவிற்கான கலோரிகளை (500 கலோரிகள்) நம்மால் எரிக்க முடியும். அதே நேரத்தில் தாய்ப்பால் ஊட்டுதல் உங்க குழந்தைக்கு போஷாக்கையும் நோயெதிர்ப்பு சக்தியையும் வழங்குவதோடு உங்க உடல் எடையை குறைக்கவும் உதவுகிறது. அறிவியலின் படி உங்க உடலில் தேங்கியுள்ள உள்ள கொழுப்புச் செல்கள் பால் உற்பத்தியை ஊக்குவிக்க பயன்படுத்தப்பட்டு விடுகிறது.

அதே நேரத்தில் தாய்ப்பால் ஊட்டும் பெண்கள் தங்கள் உணவு விஷயத்தில் கவனமாக இருக்க வேண்டும். பதப்படுத்தப்பட்ட உணவுகளை குறைத்தல், ஒல்லியான புரதம், நார்ச்சத்து நிறைந்த உணவுகளான பழங்கள், காய்கறிகள், முழு தானியங்கள் மற்றும் பருப்பு வகைகளை எடுத்துக் கொள்ளுங்கள். குறைந்தது 3 மாதங்கள் வரை தாய்ப்பால் ஊட்டினால் கிட்டத்தட்ட 3.2 பவுண்ட் (1.5 கிலோ கிராம்) வரை எடையை குறைக்க முடியும்.

தாய்ப்பால் கொடுக்கும் போது தாய்ப்பால் உற்பத்திக்காக உங்க உடலில் உள்ள ஆற்றல்கள் அனைத்தும் பயன்படுத்தப்படுகிறது. இதனால் உங்க கலோரிகள் எரிக்கப்பட்டு உங்களுக்கு அடிக்கடி பசி உணர்வு ஏற்படும்.

அதே நேரத்தில் இரவில் குழந்தை அழுவது போன்ற செயல்களை புதிய தாய்மார்கள் கவனிக்க வேண்டி இருப்பதால் அவர்களால் இரவில் நிம்மதியாக உறங்க முடியாது. ஒழுங்கற்ற தூக்க முறை உங்களுக்கு பசியை ஏற்படுத்தும். இவை உங்களுக்கு எடை இழப்புக்கு உதவி செய்யும்.

முதலில் நீங்கள் எடையை இழக்க கலோரி பற்றாக்குறையை உருவாக்க வேண்டும். அதே நேரத்தில் நீங்கள் சாப்பிடாமல் இருப்பது நல்லது அல்ல. அது உங்களுக்கு சோர்வையும் கலோரி பற்றாக்குறையையும் ஏற்படுத்தும். நீங்கள் சாப்பிடாமல் இருப்பது உங்களுக்கு பால் உற்பத்தி செய்வதை கடினமாக்கும்.

தாய்ப்பால் கொடுக்கும் பெண்கள் தினசரி 1500-1800 கலோரிகள் வரை உட்கொள்ள வேண்டும். பதப்படுத்தப்பட்ட உணவுகளை தவிர்த்து நார்ச்சத்துக்கள் நிறைந்த உணவுகளை எடுத்துக் கொள்ளுங்கள். நீங்கள் 20 நிமிடங்களுக்கு குறைவாக அல்லது முன்கூட்டியே உணவை உட்கொண்டால் 71 சதவிகிதம் அதிக கலோரிகளை உட்கொள்ள நேரிடலாம். எனவே உணவை சாப்பிடும் போது பொறுமையாக சாப்பிடுங்கள்.

உங்க பால் உற்பத்தியை அதிகரிக்க போதுமான தண்ணீர் மற்றும் சர்க்கரை இல்லாத பானங்களை எடுத்துக் கொள்ளுங்கள். இது உங்க எடையை குறைப்பதோடு ஆற்றலுடன் செயல்பட உதவி செய்யும்.