walnuts for Pregnant : கர்ப்பிணி தினசரி வால்நட் சாப்பிட்டா கரு வளர்ச்சி சூப்பரா இருக்குமாம், எவ்வளவு, எப்படி சாப்பிடணும்?

கர்ப்ப காலத்தில் வால்நட் அதாவது அக்ரூட் பருப்புகள் உட்கொள்வது பாதுகாப்பானது. அவை ஒமேகா 3 கொழுப்பு அமிலங்கள் நிறைந்ததாக உள்ளது. இது மூளையின் செயல்பாடு மற்றும் நரம்பியல் ஆரோக்கியத்துக்கு பங்களிக்கின்றன.
புரதம், வைட்டமின்கள், தாதுக்கள் மற்றும் ஆக்ஸிஜனேற்றங்களின் முக்கிய ஆதாரமாகவும் உள்ளன. இது ஆரோக்கியமான கர்ப்பத்துக்கும் குழந்தை வளர்ச்சிக்கும் உதவும்.

100 கிராம் வால்நட் அல்லது அக்ரூட் பருப்பில் இருக்கும் ஊட்டச்சத்து மதிப்புகள் குறித்து பார்க்கலாம்.

• ஆற்றல் -654 kcal,
• தண்ணீர் -4.07 g
• கொழுப்பு - 65.21 g,
• ட்ரான்ஸ் கொழுப்பு -0g
• புரதம் - 15.23 g,
• கார்போஹைட்ரேட் -13.71 g
• நார்ச்சத்து-6.7 g
• சர்க்கரை -2.61 g
• கால்சியம் -98 mg
• இரும்பு -2.91 mg
• மெக்னீசியம் -158 mg
• மாங்கனீசு -3.5
• பாஸ்பரஸ் -346 mg
• சோடியம் - 1mg
• துத்தநாகம் -3.09 mg
• தயமின் -0.341 mg
• நியாசின் -1.125 mg
• ரைபோஃப்ளேவின் -0.150 mg
• வைட்டமின் பி6 -0.137mg
• பைரிடாக்ஸின் -0.53g
• ஃபோலேட் -98 mcg
• வைட்டமின் ஈ -0.70 mg
• வைட்டமின் கே -2.7 mg
• வைட்டமின் சி -1.3 mg
• வைட்டமின் ஏ -20IU
• ஜிங்க் -2.53mg
• பொட்டாசியம் -441mg
• சோடியம் - 2 mg

ஒமேகா 3
வால்நட் என்னும் அக்ரூட் பருப்பில் ஒமேகா 3 ஆசிட் உள்ளது. இது தாய் மற்றும் சேய் இருவருக்கும் பொருந்தும். இதில் இருக்கும் ஃபேட்டி அமிலங்கள் கருவின் மூளை செல்கள் வளர்ச்சியை தூண்டும். மேலும் குழந்தையின் கண்பார்வைக்கும் உதவும்.

இதயத்துக்கு நன்மை செய்யும்
வால்நட் அர்ஜுனைன் கொண்டது. மேலும் இதில் உள்ள அமினோ ஆசிட் இரத்த நாளங்களையும் இரத்த ஓட்டத்தையும் மேம்படுத்தும். உயர் இரத்த அழுத்த அபாயத்தையும் கொழுப்பின் அளவையும் கட்டுப்படுத்தும்.

ஆன்டி ஆக்ஸிடண்ட் நிறைந்தது
சத்து மிகுந்த ஆன் டி ஆக்ஸிடண்ட் நிறைந்தது. இதில் குயினைன், டேனிஸ், காப்பர் மற்றும் வைட்டமின் ஈ நிறைவாக உள்ளது. இது குழந்தையின் ஃப்ரீ ரேடிக்கல் சேதத்தை குறைக்கிறது. இது தாயின் எதிர்ப்பு சக்தியை அதிகரிக்கிறது மேலும் தொற்று ஏற்படுவதை தடுக்கிறது.

கர்ப்பிணிக்கு தூக்கத்தை மேம்படுத்துகிறது
கர்ப்பகாலத்தில் மூன்றாம் ட்ரைமெஸ்டர் காலத்தில் தூக்கம் என்பது கடினமான ஒன்றாக இருக்கும். வால்நட் ஹார்மோன் அளவை தூண்டி தூக்கத்தை மேம்படுத்தும்.
மேலும் கர்ப்பகாலத்தில் உண்டாகும் மனச்சோர்வை விரட்ட இவை உதவும். இதில் உள்ள ஒமேகா 3 ஃபேட்டி ஆசிட் ஆல்ஃபா- லினோலெனிக் அமிலம் உதவும்.

ஃபோலேட் சத்து நிறைந்தது
கர்ப்பகாலத்தில் ஃபோலிட் சத்து இன்றியமையாதது. இதில் ஃபோலிக் அமிலம் நிறைவாக உள்ளது. இது குழந்தையின் முதுகுத்தண்டு வட வளர்ச்சி, மூளை வளர்ச்சியை ஆரோக்கியமாக வைக்கிறது.

கரு ஆரோக்கியமாக வளரும்
வால்நட் பருப்பில் காப்பர் சத்து அதிகம் உள்ளது. இது இரத்த அணுக்கள், திசுக்கள் ஆரோக்கியத்துக்கு உதவுகிறது. மேலும் சிசுவின் வளர்ச்சிக்கும் உதவுகிறது.

தினமும் வால்நட் சாப்பிடலாம். தினசரி அளவில் 30 கிராம் அளவு எடுத்துகொள்ளலாம். அதாவது 10 வால்நட் வரை தினசரி எடுக்கலாம். உங்கள் உடல் எடை மற்றும் செரிமான மண்டலம் குறித்து மருத்துவரிடம் ஆலோசித்து ஊட்டச்சத்து நிபுணரின் அறிவுரையோடு இதை சேர்க்கலாம்.

கர்ப்பிணிகள் அக்ரூட் பருப்புகளை அளவுக்கு அதிகமாக எடுக்க கூடாது. அப்படி எடுத்தால் ஆரோக்கியத்துக்கு தீங்கு விளைவிக்கும். அது பிறக்காத குழந்தைக்கும் சிக்கல்களை தூண்டும்.

வால்நட்ஸை அதிக அளவில் உட்கொள்வது வயிற்றுப்போக்குக்கு வழிவகுக்கும். அக்ரூட் பருப்புகள் சாப்பிடுவது இரும்புச்சத்து உறிஞ்சுவதில் தலையிடலாம். தொடர்ந்து இருந்தால் நீண்ட காலத்துக்கு இரத்த சோகைக்கு வழிவகுக்கும்.

அக்ரூட் பருப்புகளுக்கு இலேசான ஒவ்வாமை இருந்தால் கர்ப்பிணிக்கு இன்னும் மோசமடையலாம். கொட்டைகள் ஒவ்வாமை இருந்தால் கர்ப்பகாலத்தில் சிறிதளவு வால்நட் எடுத்தாலும் அது தோல் வெடிப்பு, உதடு வீக்கம், அரிப்பு, தலைச்சுற்றல் மற்றும் மூச்சுத்திணறல் போன்றவற்றை ஏற்படுத்தும்.

அக்ரூட் பருப்பை அதிகமாக சாப்பிடுவது பிரசவத்தின் போது இரத்தப்போக்குக்கான வாய்ப்புகளை அதிகரிக்கும்.

முதல் மூன்று மாதங்கள் - முதல் ட்ரைமெஸ்டர்

இரண்டாம் மூன்று மாதங்கள் இரண்டாம் ட்ரைமெஸ்டர்

வால்நட் பல வழிகளில் சாப்பிடலாம். இதை தனித்தனியாக எடுத்துகொள்ளலாம். சாலட்களில் பல்வேறு உணவுகளிலும் அவை சேர்க்கப்படலாம்.

1 டீஸ்பூன் தேனில் 3-4 பொடியாக நறுக்கிய அக்ரூட் பருப்புகளை சேர்த்து எடுப்பது பலன் அளிக்கும். இது தலைவலி, தூக்கமின்மை மன அழுத்தத்திலிருந்து நிவாரணம் அளிக்கும்.
வால்நட் இடைப்பட்ட சிற்றுண்டியாக சேர்க்கலாம். ஆனால் இதை ஊறவைத்து எடுத்துகொள்ள வேண்டும்.