குளிர்காலத்தில் குழந்தைகளை வலுவாக்க என்னென்ன உணவுகள் அதிகம் கொடுக்கலாம்?...
குளிர்காலம் தொடங்கி விட்டது. குழந்தைகளை நாம் இதுபோன்ற குளிர்காலத்தில் மிகவும் கவனமாக கவனித்து கொள்ள வேண்டும். அதிக குளிர் மற்றும் தூசு காரணமாக காய்ச்சல், சளி, இருமல் போன்ற நோய்கள் குழந்தைகளை எளிதில் தாக்குகிறது. எவ்வளவுதான் நோய் எதிர்ப்பு சக்தி அதிகமாக இருந்தாலும் குழந்தைகள் மிக எளிதில் இது போன்ற பருவ காலங்களில் நோய்வாய் படுகிறார்கள்.
சருமம் மிக மென்மையாக இருப்பதால் தோல் அழற்சி போன்ற பிரச்சினைகள் எளிதில் ஏற்படுகிறது. வீட்டுக்குள்ளேயே வைத்து நம் குழந்தைகளை பார்த்து கொண்டாலும், சில ஆரோக்கியமான உணவுகள் மூலம் அவர்களை இன்னும் ஆரோக்கியமாக வைத்திருக்க முடியும்.
குழந்தைகளுக்கான உணவுகள்
ஆரோக்கியமான உணவு என்று வரும் போது எளிதில் ஜீரணமாகக்கூடிய உணவுக்கு முதல் இடம் கிடைக்கிறது. மேலும் சரியான திட்டமிடுதல் மூலம் நீங்கள் இந்த குளிர்காலங்களில் உங்கள் குழந்தைகளை நிச்சயமாக இது போன்ற நோய் தாக்கத்திலிருந்து பாதுகாக்க முடியும்.
குளிர் காலத்தில் குழந்தைகள் பொதுவாக வயிறு சார்ந்த பிரச்சினைகள், பேதி, ஒவ்வாமை போன்றவற்றை எதிர்கொள்கின்றனர். எனவே அவர்களது உணவுப் பழக்கத்தை மேம்படுத்துவது அவசியமாகிறது. சில குறிப்பிட்ட உணவுகள் குழந்தைகள் நோயின்றி ஆரோக்கியமாக வாழ உதவுகிறது. குளிர்காலத்தில் குழந்தைகளுக்கு கொடுக்க கூடிய உணவுகள் பற்றி இந்த கட்டுரையில் பார்க்கலாம்.
பூண்டு
பூண்டில் அல்லிசின் என்ற ஆன்டிஆக்சிடன்ட் நிரம்பி உள்ளதால் இது குழந்தைகளுக்கு ஜலதோஷம் போன்ற பிரச்சினைகள் ஏற்படுவதில் இருந்து பாதுகாக்கிறது. எனவே உங்கள் குழந்தைகளுக்கு செய்யும் உணவு அல்லது சூப் போன்ற உணவுகளில் பூண்டை சேர்த்துக் கொள்ளுங்கள்.
- 4 கிராம் பூண்டில் பின்வரும் சத்துக்கள் உள்ளன
- 0.3 கிராம் புரதம்
- 0.0 கிராம் கொழுப்பு
- 0.7 கிராம் கார்போஹைட்ரேட்
- 0.2 கிராம் நார்சத்து
- 25 மி. கிராம் பொட்டாசியம்
முந்திரி அதிகமாக சாப்பிட்டால் ஏற்படும் நன்மைகளும் தீமைகளும் என்னென்ன... எவ்வளவு சாப்பிடலாம்
கேரட்
கேரட்டில் பீட்டா கரோட்டின் அதிக அளவில் நிறைந்துள்ளதால் இவை குளிர்காலத்தில் வெள்ளை ரத்த அணுக்களை அதிகரிக்க உதவுகிறது.
வெள்ளை ரத்த அணுக்கள் குழந்தைகளின் நோய் எதிர்ப்பு சக்தியை அதிகரித்து, நோய்த்தொற்றுகள் ஏற்படாமல் பாதுகாக்கிறது. மேலும் கேரட்டில் நிறைந்துள்ள நார்ச்சத்து செரிமான பிரச்சனைகளை சீராக்க உதவுகிறது.
பேரிச்சம்பழம்
குளிர்காலங்களில் நமது உடலை சூடாக வைத்திருக்க பேரிச்சம் பழங்களில் உள்ள வைட்டமின்கள், கால்சியம், இரும்பு மற்றும் மக்னீசியம் சத்துக்கள் உதவுகின்றன. இந்த பேரிச்சம் பழத்தில் அத்தியாவசிய ஊட்டச்சத்துக்கள் நிறைந்துள்ளன.
ஸ்மூத்தீஸ், பால் அல்லது இனிப்பு பொருட்களில் இந்த பேரிச்சம்பழத்தை பழத்தை சேர்த்துக் குழந்தைகளுக்கு கொடுக்கலாம். பேரிச்சம் பழத்தில் உள்ள ஊட்டச்சத்துக்கள் குழந்தைகளின் உடலில் வளர்சிதை மாற்றத்தை தூண்டும் ஆக்சிஜனேற்ற பண்புகளைக் கொண்டிருக்கின்றன. இதனால் தான் அதிக அளவில் குளிர்காலங்களில் பேரிச்சம்பழம் உண்ண பரிந்துரைக்கப்படுகிறது.
- 100-கிராம் பேரிச்சம் பழத்தில் பின்வரும் ஊட்டச்சத்துக்களை உள்ளன
- கார்போஹைட்ரேட்டுகள்: 75 கிராம்
- நார்சத்து : 7 கிராம்
- புரதம்: 2 கிராம்
எடையும் ஊளைச்சதையும் குறையணுமா? வாரத்துல ரெண்டு நாள் இந்த சுரைக்காய் சூப் குடிங்க... ரெசிபி இதோ...
சிட்ரஸ் பழங்கள்
ஆரஞ்சு பழங்களில் வைட்டமின் சி, நார்ச்சத்து, ஆன்டி-ஆக்ஸிடன்ட்கள் போன்ற ஊட்டச்சத்துக்கள் நிறைந்துள்ளன. இவை குழந்தைகளின் உடலில் ஆரோக்கியமான நோய் எதிர்ப்பு மண்டலத்தை பராமரிக்க உதவுகிறது. தினசரி குழந்தைகளுக்கு ஒரு ஆரஞ்சு பழத்தை உண்ணக் கொடுக்கலாம்.
- 1 ஆரஞ்சு பழத்தில் (140 கிராம்) உள்ள ஊட்டச்சத்து
- புரதம்: 1.3 கிராம்
- கார்போஹைட்ரேட்டுகள்: 14.8 கிராம்
- சர்க்கரை: 12 கிராம்
- நார்சத்து : 2.8 கிராம்
- கொழுப்பு: 0.2 கிராம்
சர்க்கரைவள்ளிக் கிழங்கு
சர்க்கரைவள்ளிக் கிழங்கில் வைட்டமின் ஏ மற்றும் பொட்டாசியம் சத்துக்கள் நிரம்பிய உள்ளதால் இவை குளிர்காலத்தில் குழந்தைகளை வெப்பமாக வைத்திருக்க உதவுகிறது. குழந்தைகளுக்கு பிடித்த மாதிரி சர்க்கரைவள்ளிக் கிழங்கு அல்வா அல்லது வேக வைத்த சர்க்கரைவள்ளிக் கிழங்கு போன்றவற்றை கொடுக்கலாம்.
மலத்தை நேரத்திற்கு வெளியேற்றாமல் அடக்கி வைத்தால் என்ன மாதிரியான பிரச்சினைகள் உண்டாகும்...
பச்சை இலைக் காய்கறிகள்
பச்சை இலைக் காய்கறிகளில் வைட்டமின் ஏ, வைட்டமின் சி, போலேட் மற்றும் லுடின் போன்ற சத்துக்கள் நிறைந்துள்ளன. குறிப்பாக கீரையில் நார்ச்சத்து அதிகமாக இருப்பதால், இது குழந்தைகளில் செரிமான அமைப்பை சுத்தமாக வைத்திருக்க உதவுகிறது.
பொதுவாக குழந்தைகள் மலச்சிக்கல் பிரச்சனையால் அவதிபடுவார்கள். இதுபோன்ற மலச்சிக்கல் பிரச்சனையை சரி செய்ய கீரை உதவுகிறது. பருப்பு அல்லது சூப்களில் இந்த கீரையை சேர்த்து குழந்தைகளுக்கு கொடுக்கலாம்.
மாதுளை
மாதுளையில் ஆன்டி-ஆக்ஸிடன்ட்டுகள் நிறைந்துள்ளதால் இது குழந்தைகளுக்கு ஆரோக்கியத்தை மேம்படுத்த உதவுகிறது. மேலும் இது குடல் புழுக்களை அழிக்கவும் உதவுகிறது.
ஒரு கப் மாதுளையில் (174 கிராம்) உள்ள ஊட்டசத்து:
- கொழுப்பு: 3.3 கிராம்
- சோடியம்: 8.4 மி. கிராம்
- கார்போஹைட்ரேட்: 29 கிராம்
- நார்சத்து: 11.3 கிராம்
- சர்க்கரை: 38.6 கிராம்
- புரதம்: 4.7 கிராம்
- பொட்டாசியம்: 666 மி. கிராம்
- மெக்னீசியம்: 33.8 மி. கிராம்
குளிர்காலத்தில் இதயத்தை ஆரோக்கியமாக வைத்துக் கொள்வது எப்படி?...
நெல்லிக்காய் ஜூஸ்
பொதுவாக குழந்தைகள் நெல்லிக்காய் ஜூஸ் போன்ற ஆரோக்கிய பானங்களை அருந்த மாட்டார்கள். இருப்பினும் இதில் அதிக அளவு நன்மை உள்ளதால் அவர்களுக்கு இதை எப்படியாவது கொடுக்க முயற்சி செய்யுங்கள். இதில் வைட்டமின் சி மற்றும் பல்வேறு உடல்நல பிரச்சனைகளை சரிசெய்யக்கூடிய ஊட்டச் சத்துக்கள் நிரம்பியுள்ளன. நெல்லிக்காய் சாறு தொற்று நோய்கள் ஏற்படாமல் தடுக்க உதவுகிறது.