குழந்தைக்கு மலச்சிக்கல்: வெயில் காலத்துல வராம இருக்க என்ன செய்யணும்?

குழந்தை திட உணவு சாப்பிடுகிறார்கள் என்றால் நீங்கள் நார்ச்சத்து நிறைந்த உணவில் கூடுதலாக கவனம் செலுத்த வேண்டும். முழு தானியங்கள், பழுப்பு அரிசி போன்றவை குடல் இயக்கத்தை மேம்படுத்தும்.

குழந்தையை குளிப்பாட்டும் போது ஓவரா அழறாங்களா? இதுல ஒண்ணு காரணமா இருக்கலாம்!

மலச்சிக்கல் பிரச்சனையிலிருந்து விடுபட பேரீச்சம்பழம், ப்ளம்ஸ், பீச், தோல் நீக்கிய ஆப்பிள் போன்றவற்றில் ஒன்றை அவசியம் கொடுங்கள். 6 மாதங்கள் ஆன குழந்தைகளுக்கு இதை மசித்து கொடுக்கலாம். இது மலச்சிக்கலை வேகமாக குணப்படுத்த செய்யும்.

குழந்தைகளுக்கு திரவ ஆகாரங்கள் அவசியம். ஆறுமாதங்களுக்கு மேல்பட்ட குழந்தைகளுக்கு தாய்ப்பாலுடன் தண்ணீர் சேர்க்க தொடங்கியிருப்போம். குழந்தையின் உடலை நீரேற்றமாக வைப்பதன் முலம் குழந்தையின் மலச்சிக்கலுக்கு தீர்வு கிடைக்கும். நீர் ஆகாரம் குழந்தையின் சிறு குடலில் நுழைகிறது. இது குடல் இயக்கத்தை எளிதாக்க மலம் இறுகுவதை தடுத்து தளர்வாக்க செய்கிறது.

திரவ ஆகாரங்களாக நீரோடு இணைத்து ஆப்பிள் சாறை கொடுக்கலாம். குழந்தைக்கு மற்ற பழங்களை பழகியிருந்தால் ஆரஞ்சு, மாதுளை, சாத்துக்குடி போன்றவற்றின் சாறையும் அவ்வபோது கொடுக்கலாம்.

இது தவிர நீங்கள் அவகேடோ, ஸ்ட்ராபெர்ரி, மாம்பழம், கிவி, திராட்சை, பிச் பழங்களை பழகியிருந்தால் அதையும் கொடுக்கலாம். காய்கறிகளில் பூசணிக்காய், காலிஃப்ளவர், முட்டை கோஸ், பட்டாணி போன்றவற்றையும் கொடுக்கலாம்.

குழந்தைக்கு அறிமுகப்படுத்த வேண்டிய உணவு பொருளில் இது முக்கியமானது. இனிப்பு உருளைக்கிழங்கில் வைட்டமின் ஏ, பி உள்ளிட்ட அத்தியாவசிய வைட்டமின்கள் மற்றும் தாதுக்கள் குழந்தைகளி வளர்ச்சிக்கு உதவும் கார்போஹைட்ரேட்டுகள் உள்ளன.

சர்க்கரை வள்ளிக்கிழங்கை வேகவைத்து அதை கைகளால் அல்லது ஸ்பூனால் நன்றாக மசித்து குழந்தைகள் சாப்பிடும் அளவு கொடுக்கலாம். ஆறு மாத குழந்தை 1 அல்லது 2 டீஸ்பூன் வரை இதை சாப்பிட லாம். ப்யூரி தயாரிப்பில் இதையும் சேர்க்கலாம். இனிப்பு சுவை என்பதால் குழந்தைகள் மறுக்காமல் சாப்பிடுவார்கள்.

குழந்தைக்கு ஒரு வயது நிரம்பும் போதே தயிரை தவிர்க்காமல் சேர்த்துவிடுங்கள். இது மலச்சிக்கல் இல்லாமல் வைக்க செய்யும். குழந்தையின் குடலில் நல்ல பாக்டீரியாக்களின் வளர்ச்சியை மேம்படுத்தக்கூடும். இதனால் வயிற்றுப்போக்கு, வயிறு பிரச்சனைகள் வராமல் தடுக்கலாம். அதோடு செரிமானம் தொடர்பான பிரச்சனைகளையும் இது தீர்க்கும் என்பதால் தயிர் தினசரி சேர்ப்பது நல்லது.

பெருஞ்சீரகம் என்னும் சோம்பு நீர் குடல் இயக்கத்தை விரைவாக எளிதாக்கும். ஒரு கப் நீரில் அரை டீஸ்பூன் வறுத்த பெருஞ்சீரக விதைகளை வேகவையுங்கள். பிறகு நீரை இறக்கி வெதுவெதுப்பான சூட்டில் ஒரு டீஸ்பூன் அல்லது இரண்டு டீஸ்பூன் வரை குடிப்பாட்டி விடுங்கள். இது செரிமானத்தை எளிதாக்கி மலச்சிக்கலை போக்கும். மலம் இறுகியிருந்தாலும் அதை தளர்த்தி மலத்தை வெளியேற்ற உதவும்.

உலர் திராட்சை 4 அல்லது 5 எடுத்து நீரில் ஊறவைக்கவும். இரவு முழுவதும் ஊறவிட்டு மறுநாள் காலையில் குழந்தைக்கு அந்த நீரை கொடுக்கவும். இது 4 மாத குழந்தைக்கும் கொடுக்கலாம். மலச்சிக்கலை தொடர்ந்து கண்டால் மூன்று நாட்கள் உலர்திராட்சை ஊறவைத்த நீரை குழந்தைக்கு புகட்டினால் மலச்சிக்கல் பிரச்சனை நீங்கும்.

குழந்தைக்கு செய்யும் ப்யூரி ரெசிபியிலும் இதை மசித்து சேர்க்கலாம். இனிப்பும் புளிப்பும் சேர்ந்த சுவை என்பதால் குழந்தைகள் மறுக்காமல் சாப்பிடுவார்கள்.

கீரைகள் குடல் இயக்கத்தை சீராக்கி மலச்சிக்க்லை போக்க கூடியது. மலச்சிக்கல் பிரச்சனைக்கு கீரை சிறந்த தீர்வாகும். குழந்தை திட உணவு எடுத்துகொள்பவர்களாக இருந்தால் வாரத்தில் மூன்று நாட்கள் கீரை சமைத்து கொடுக்கலாம்.

அதுவே 6 மாத குழந்தை என்னும் போது கீரைகளை பொடியாக நறுக்கி நன்றாக சுத்தம் செய்து மண் போக அலசி அதை வேகவைத்து சூப் செய்து கொடுக்கலாம். கீரை சூப் குழந்தையின் குடல் இயக்கத்தை சீராக்கி குடலில் கழிவுகள் தங்காமல் மலத்தை மென்மையாக வெளியேற்றிவிடும்.

குழந்தைக்கு மலச்சிக்கல் பிரச்ச்னை இருந்தால் அவ்வபோது ப்யூரி தயாரித்து கொடுப்பதன் மூலம் எளிதாக சரி செய்ய முடியும். பேரீச்சம்பழம், ப்ளம்ஸ் பழங்களுடன் ஒரு கிராம்பு சேர்த்து தயாரிக்கும் இந்த ப்யூரி குடல் இயக்கத்தில் நல்ல மாற்றத்தை உண்டாக்கும்.

டவுன் சிண்ட்ரோம் குழந்தையா, அடிக்கடி தைராய்டு பரிசோதனை செய்யுங்க, வேறு என்னலாம் கவனிக்கணும்!

நல்ல சுவையை கொடுக்கும். குழந்தைகளும் மறுக்காமல் சாப்பிடுவார்கள். இவையெல்லாமே ஊட்டச்சத்து நிறைந்தவையும் கூட.