டேட்டிங் போகலாம்...
கர்ப்ப காலத்தில் மனைவியை மகிழ்ச்சியாக வைத்துக் கொள்ள , கர்ப்ப காலத்துக்கு முன்பாக அவர்களை அழைத்துச் சென்றது போலவே டேட்டிங் கூட்டிச் செல்லலாம்.
இந்த விஷயங்களையெல்லாம் கர்ப்பமாக இருக்கும் மனைவிக்கு நீங்கள் செய்தால அவர் மகிழ்ச்சியாக சிரமம் இல்லாமல் அழகான வாரிசை பெற்றெடுத்து உங்களுக்குக் கொடுப்பார்.
புத்தகங்கள் படிப்பது
கர்ப்ப காலத்தில் பெண்கள் கர்ப்பம் குறித்தும் குழந்தை வளர்ப்பு குறித்தும் நிறைய புத்தகங்களைப் படிப்பார்கள். அதேபோல மனைவி கர்ப்பமாக இருக்கும்போது கணவன்மார்களும் கர்ப்ப காலம் குறித்தும் குழந்தை வளர்ப்பு குறித்தும் நிறைய புத்தகங்களைப் படிக்க வேண்டுமாம்.
விரும்பும் உணவு
பெண்களுக்கு கர்ப்ப காலத்தில் நிறைய பசிக்கும், நிறைய சாப்பிட வேண்டுமென்று தோன்றும். அந்த கிரேவிங் எல்லா மாதத்திலும் ஒரே மாதிரியாகவும் இருக்கப் போவதில்லை.
விதவிதமாக சாப்பிட விரும்புவார்கள். அதனால் அதையெல்லாம் வாங்கித் தரவும் நீங்களே செய்து கொடுக்கவும் தயாராக இருங்கள். குறிப்பாக, அவர்கள் கேட்பதற்கு ஏன் என்று கேள்வி கேட்காமல் நீங்கள் வாங்கித் தர வேண்டும். அது மிக முக்கியம்.
மருத்துவரிடம் அழைத்துச் செல்வது
பொதுவாக கர்ப்ப காலத்தில் பெண்களை அவர்களுடைய தாய், சகோதரி என யாராவது மருத்துவமனைக்கு பரிசுாதனைக்கு அழைத்துச் செல்வார்கள்.
ஆனால் மாதம் மாதம் செல்லக்கூடிய செக்கப்பிற்கு உங்களுடைய மனைவியை நீங்கள் அழைத்துக் செல்லுங்கள். அது இருவருக்குமான புரிதலை மேம்படுத்தும். கர்ப்ப காலத்தில் மனைவியின் சிரமத்தை நீங்கள் உணரவும் உங்களுடைய அக்கறையை புரிந்து கொள்ள அவர்களுக்கு நல்ல வாய்ப்பாகவும் இருக்கும். உணர்வுரீதியாக அது அவர்களை பிரசவத்திற்கு தயார்ப்படுத்தும்.
சாக்லெட்டுகள்
கர்ப்ப காலத்தில் மனைவியிடம் எவ்வளவு அக்கறை காட்ட முடியுமோ அவ்வளவு அக்கறையுடன் இருங்கள்.
அவ்வப்போது சர்ப்பரைஸாக அவர்களுக்கு பிடித்தது போல பூங்கொத்துக்களையும் சாக்லெட்டுகளையும் வாங்கி வந்து சர்ப்பிரைஸ் பண்ணுங்கள். பிடித்த பரிசு பொருள்களை வாங்கிக் கொடுங்கள்.
மசாஜ் செய்து விடுங்கள்
கர்ப்ப காலத்தில் பெண்களுக்கு கால்கள் மற்றும் இடுப்பு வலி அதிகமாக ஏற்படும். கால்கள் மற்றும் பாதங்களில் வீக்கம், நரம்பு பிடிப்புகளும் உண்டாகலாம்.
அதுபோன்ற சமயங்களில் கால்களை அமுக்கி விடுங்கள். பாதங்களை மசாஜ் செய்வது, உள்ளங்கால்களை நன்கு தேய்த்து விடுவது போன்றவற்றை செய்யுங்கள்.