கருத்தரித்தலுக்கு மருந்துகள் உதவுமா?
நீங்கள் ஏற்கனவே கர்ப்பம் தரிப்பதற்கான வாய்ப்புகளை பயன்படுத்தினாலும் கருத்தரித்தல் போன்ற கருவுறுதல் மருந்துகள் சிகிச்சையின் முக்கிய பகுதி என்று சொல்லலாம். அதிக பெண்களுக்கு சரியான நேரத்தில் கருமுட்டை வெளிவராது. அவர்களுக்கு மருந்து கொடுத்து ovulation induction drugs மாதவிடாய் வந்ததில் இருந்து மாத்திரைகள் கொடுத்து கருமுட்டை சரியான நேரத்தில் வர கொடுப்பார்கள்.
மாத்திரை மூலம் கருமுட்டை சரியான நேரத்தில் வெளிவருமா?
பிசிஓடி உள்ள பெண்களுக்கு கருமுட்டை வளரும் சரியான நேரத்தில் வெளிவராது.
எண்டோமெட்ரியோசிஸ் உள்ள பெண்களுக்கு கருமுட்டை வளரும். வெளியே வரும் ஆனால் சுற்றிலும் ஒட்டி ஒட்டி இருப்பதால் அவை கருத்தரிப்பதில் தாமதமாகலாம்.அல்லது கருமுட்டை குறைவாக இருக்கலாம். அதை பொறுத்து கருமுட்டையில் பிரச்சனை வரும். அதனால் தான் கருமுட்டை சரியான நேரத்தில் வெளிவர மாதவிடாய் நாளின் முதல், இரண்டு மூன்றாம் நாள் என ஏற்றவாறு மருந்து கொடுப்பதுண்டு.
கருமுட்டை ஆரோக்கியத்துக்கு உதவும் மருந்துகள்
கருமுட்டைக்கு நன்மை செய்யக்கூடிய மாத்திரைகளை மருத்துவர்கள் அளிப்பார்கள். உதாரணத்துக்கு கருமுட்டை ஆரோக்கிய குறைபாட்டுக்கு வைட்டமின் டி குறைபாடும் ஒரு காரணமாக சொல்லலாம். ஏனெனில் இன்றைய நிலையில் ஐடி துறையில் பணிபுரிவதால் உடலில் வெயில் படுவதே இல்லை. எப்போதும் ஆசி அறையில் இருப்பதால் உடலுக்கு வேண்டிய வைட்டமின் டி பெற முடிவதில்லை. இது போன்று கால்சியம், மற்ற வைட்டமின் குறைபாடுகளும் இருக்கலாம். அந்த குறைபாடுகளை தடுக்க வைட்டமின் மாத்திரைகள் அளிக்கப்படும்.
கருவுறுதலுக்கு மாத்திரைகள் மட்டும் போதுமா?
பாலிகுலர் ஆய்வு செய்து கருமுட்டை பார்க்க போவதில்லை. மாத்திரைகள் மூலம் முயற்சிக்கபோகிறோம். அதனால் மாத்திரைகள் சரியாக எடுக்கும் போது உறவிலும் கவனம் செலுத்த வேண்டும். மாதவிடாய் முடிந்த 10 நாட்களுக்கு பிறகு கருமுட்டை10 அல்லது 12 வது நாளில் வெளிவரும். அதனால் அன்றிலிருந்து தொடர்ந்து 20 அல்லது 21 நாட்கள் வரை என தினமும் அல்லது மாற்று நாளில் உறவு கொள்வது பலனளிக்கும். விரைவில் கருத்தரிக்க உதவும்.
கருத்தரிக்க தயாராகும் போது சாப்பிட வேண்டியவை, தவிர்க்க வேண்டியவை என்ன
உணவில் கவனம் செலுத்த வேண்டும். நட்ஸ் வகைகள் ஊறவைத்து சேர்ப்பது. பழங்கள், காய்கறிகள், கீரைகள், தானியங்கள், பருப்புகள் என திட்டமிட்டு எடுக்க வேண்டும்.ஆன் டி ஆக்ஸிடண்ட் நிறைந்த உணவுகள் எடுக்க வேண்டும்.
ஆண்களுக்கும் ஆன்டி ஆக்ஸிடண்ட் உணவுகள் சேர்க்க வேண்டும். மன அழுத்தம் குறைய வேண்டும். இருவரும் உடல்பயிற்சி செய்வதன் மூலம் விரைவில் பலன் கிடைக்கும். இவற்றிலும் பலன் கிடைக்காதவர்களுக்கு என்ன செய்யலாம் என்பதை தொடர்ந்து பார்க்கலாம்.