கொண்டைக்கடலை உருளைக்கிழங்கு மசாலா

ஒரு கடாயை அடுப்பில் வைத்து அதில் எண்ணெய் ஊற்றி காய்ந்ததும் பெருங்காயத்தூள், கொஞ்சம் சீரகம் சேர்த்து வதக்குங்கள். சீரகம் பொன்னிறமாக மாறியதும் தக்காளி சாறை ஊற்றிக் கிளறிக் கொள்ளுங்கள். மிதமான தீயில் வைத்து 6-7 நிமிடங்கள் வரை வதக்குங்கள்.

Samayam Tamil

இப்பொழுது மஞ்சள் தூள், தனியா தூள், மிளகாய் தூள் சேர்த்துத் தேவைக்கேற்ப உப்பு சேர்த்து 3-4 நிமிடங்கள் வதக்கவும்.

மசாலா நன்றாக வெந்ததும் வேக வைத்த கொண்டைக்கடலை மற்றும் உருளைக்கிழங்கை சேர்த்து கொள்ளுங்கள். தேவைக்கேற்ப தண்ணீரையும் சேர்த்து கொள்ளுங்கள்.

வேக வைத்த உருளைக்கிழங்கில் கொஞ்சமாக எடுத்து மசித்து போட்டால் கிரேவி கெட்டியாக இருக்கும். சுவையும் பிரமாதமாக இருக்கும். இப்பொழுது அதில் கரம் மசாலா மற்றும் கஸ்தூரி மேத்தி சேர்த்து கிளறிக் கொள்ளுங்கள். உங்க சென்னா மசாலா ரெடி, சுடச்சுட பூரி, சப்பாத்தி, நாண் ஏன் சாதத்துடன் கூட தொட்டு சாப்பிடலாம். சுவையும் சூப்பராக இருக்கும்.