உறவுச் சிக்கல்
பதட்டம் மற்றும் உணர்ச்சி தூரம் தம்பதிகளின் பாலியல் வாழ்க்கையை அழிக்க வாய்ப்பு உள்ளது. பாலியல் சம்பந்தமில்லாத மோதல்கள், நிதி அல்லது குழந்தைகளை வளர்ப்பது போன்றவை பாலியல் பிரச்சினையின் மூலமாக இருக்கலாம். இதனால் தம்பதிகளின் பாலியல் திறனானது குறைகிறது.
அதீத கவலை
ஒரு நபர் எப்பொழுதும் பாலியல் செயல்திறனை பற்றி கவலைப்பட வாய்ப்பு உள்ளது. இந்த செயல்திறனாது வயதாக வயதாக குறையும் போது ஆண்களும் பெண்களும் பாதிப்படைய வாய்ப்பு உள்ளது. 50 வயதை அடையும் ஆண்களும் பெண்களும் பொதுவாக இந்த பிரச்சினையை சந்திக்கின்றனர்.
சுய மரியாதை மற்றும் உடல் அமைப்பு
சில சமயங்களில் கவர்ச்சி குறைவாக இருக்கிறது என்ற கவலை கூட அவர்களின் பாலியல் செயல்திறனை குறைக்க வாய்ப்பு உள்ளது. ஈர்ப்பு என்பது வயதுக்கு ஏற்ப மாறுபடும். பொதுவாக பெண்கள் பிரசவத்திற்கு பிறகு தங்களின் கவர்ச்சி குறைந்ததாக நினைத்து கவலை கொள்கின்றனர். ஒரு மோசமான உணவு, எடை அதிகரிப்பு மற்றும் முடி மெலிந்து போதல் போன்ற தோற்ற அமைப்பு உங்களுக்கு பாலியல் சிக்கல்களை உண்டாக்கலாம். இத்தகைய உணர்வுகள் தம்பதிகளுக்கிடையே உள்ள காதல், ஈர்ப்பு இவற்றை குறைக்க வாய்ப்பு உள்ளது.
எதிர்ப்பார்ப்புகள், கடந்த கால அனுபவங்கள்
குடும்பம், கலாச்சாரம், மத பின்னணி, ஊடகங்கள் மற்றும் உங்கள் சகாக்கள் போன்றவை தான் பாலியல் குறித்த உங்கள் அணுகுமுறைகளை வடிவமைக்கின்றனர். சிலருக்கு இது ஆரோக்கியமான பாலியல் இன்பத்தை கொடுத்தால் கூட சிலருக்கு பாலியல் உறவுகளை சிக்கலாக்குகிறது.
மன அழுத்தம், வாழ்க்கை முறை மாற்றங்கள்
மன அழுத்தம் மற்றும் சோர்வு உங்க உடலுறவு இயக்கத்தை விரைவாக குறைக்கும். மன அழுத்தம் எந்த வகையில் வேண்டுமானாலும் ஏற்படலாம். குழந்தைகள், நிதி கவலைகள், வயதான பெற்றோர்கள், உடல்நலக் கவலைகள், தொழில் துயரங்கள் போன்றவற்றை எதிர்கொள்ள நேரிடும் போது மன அழுத்தம் ஏற்படுகிறது. இவற்றால் கூட உங்க உடலுறவு பாதிக்கப்படக் கூடும்.