Fathers Day Quotes: தெய்வங்கள் எல்லாம் தோற்றே போகும் தந்தை உன் அன்பில்!

உழைப்பு, சேமிப்பு, தன்னம்பிக்கையின் ஊற்று தந்தை என்றால் மிகையாகாது. அப்பா என்ற வார்த்தையில் தான் எத்தனை மந்திரங்கள். அப்பாவின் கைப்பிடித்து நடக்கும் அனுபவம் கோடி ரூபாய்க்கும் ஈடாகாது. தன் குழந்தைகளுக்கு ஆலோசனை கூறுவதில் தொடங்கி, அனுபவ பாடங்களை போதித்து சிறந்த வழிகாட்டியாக எத்தனை பொறுப்புகள். அன்னை தன் வயிற்றில் பத்து மாதங்கள் நம்மை சுமந்தாலும், ஆயுள் வரை நெஞ்சில் சுமப்பவர் தந்தை. இன்று தந்தையர் தினத்தை முன்னிட்டு உலகில் இருக்கும் ஒவ்வொரு தந்தையும் போற்றும் விதமாக சிறந்த வாழ்த்துப் படங்கள் மற்றும் கவிதைகளை பகிர்ந்துள்ளோம்!

அவர் சிரித்து பேசியதை விட
என்னை அதட்டி பேசியது அதிகம்
அவர் கனவை பற்றி நினைப்பதை விட
என் தேவையை நிறைவேற செய்வதே அதிகம்
அவர் உடல் வலிமையை கவனித்ததை விட
எனக்கு வலிமையாக என்னோடு இருந்ததே அதிகம்
அவர் கலங்கி நின்று நான் பார்த்தது இல்லை
என் கண்கள் கலங்கும் போது அவர் வேடிக்கை பார்த்ததும் இல்லை
தன் பிள்ளைக்கு உயிர் கொடுத்து உருக்கொடுத்து
உருவாக்கி வாழ வைத்து வாழும்
ஒவ்வொரு தந்தையும் தாயும் ஆனவரே......


பத்து மாதம்
தன் குழந்தையை சுமந்தவளையும் சேர்த்து
தன் இறுதி மூச்சுள்ளவரை
வாழும் தந்தையின்
புகழ் பட ஒருவரும் இங்கில்லையே !


தன் மானம் உள்ளவன் பிறர் கால்
பிடிக்க பணிவதில்லை,
தன் மகனுக்கு இழுக்கு என்றால்
பிறர் கால் பிடிக்க தயங்குவதில்லை,
அவர் தான் தந்தை,
இவ்வுலகின் விந்தை...