கேள்வி கேட்கும் வாசகர்களின் தனியுரிமை மற்றும் பாதுகாப்பு கருதி, அவர்களது பெயர், ஊர் போன்ற தனிப்பட்ட தகவல்கள் பகிரப்படமாட்டாது.
எனக்கு வயது 45 க்கு மேல் ஆகிறது. இரண்டு வளர்ந்த குழந்தைகள் உண்டு. என் கணவர் மிக அன்பானவர். மாதவிடாய் சுழற்சி சீராக இல்லை. விட்டு விட்டு வருகிறது. மாதவிடாய் நிற்கும் வயது என்பதால் நான் மருத்துவரை அணுகவில்லை.
Ask expert : பருவமடைந்த பெண் குழந்தையை வளர்க்கும் பொறுப்பை ஏற்றிருக்கும் தந்தைக்கு மருத்துவரின் அறிவுரை என்ன?
பதில்
Dr. பூங்கொடி பாலா MBBS,MRCPsych.CCT(UK), Consultant Adult, Child and Adolescent Psychiatrist, Kaizen Mind care.
அழகான குடும்பத்தை கொண்டிருக்கிறீர்கள் மிக்க மகிழ்ச்சி. கணவரின் அன்பை முழுமையாக புரிந்துகொண்டிருப்பதையும் உங்கள் கேள்வியில் புரிந்துகொள்ள முடிகிறது. உங்கள் உடல் சொல்லும் மொழிகளை வைத்து உங்களுக்கு மெனோபாஸ் வந்துவிட்டது என்று நீங்களாக புரிந்து கொண்டிருப்பதாக மெச்சுதலையும் வெளிப்படுத்தி இருக்கிறீர்கள். ஆனால் இதை உறுதி செய்ய மருத்துவரிடம் ஆலோசனை பெற வேண்டும்.
மெனோபாஸ் அறிகுறிகள் மனக்குழப்பத்தையும், கவலையையும், வாழ்வின் மீது சலிப்பையும் உண்டாக்கலாம். அதே போன்று கோபம், கவலை, இனம் புரியாத பயம் போன்றவையும் கூட உண்டாகலாம். ஒவ்வொரு பெண்ணுக்கும் ஒவ்வொரு விதமான அறிகுறிகள் உண்டாகலாம் என்பதால் நீங்கள் முதலில் மருத்துவரை சந்தியுங்கள்.
இப்போது உங்கள் மனதை அரிக்கும் பிரச்சனைக்கு வருவோம். உடலுறவு கொள்வதற்கு வயது காரணமில்லை என்பதை முதலில் தெரிந்துகொள்ளுங்கள். அதைவிட முக்கியம் உங்கள் துணையின் மனநிலை. அவருக்கு புரியவில்லை என்று சொல்லும் நீங்கள் அவருடைய விருப்பத்தை புரிந்துகொள்ளவில்லையே. உங்களுக்கு உடலுறவு மீது விருப்பமில்லை. அதனால் உறவு வேண்டாம் என்று நீங்கள் மனதை அமைதிப்படுத்த வேண்டாம்.
ஏனெனில் உடலுறவு பிரச்சனையல்ல உறவின் போது பெண் உறுப்பு வறட்சியும், அதனால் உண்டாகும் வலியும் தான் பிரச்சனை என்று சொல்லியிருக்கிறீர்கள். இப்போது உங்கள் வலியை இல்லாமல் செய்யவே நீங்கள் உடலுறவை தவிர்க்கிறீர்கள். அதனால் நீங்கள் முதலில் மகப்பேறு மருத்துவரை அணுகுங்கள். ஹார்மோன் பிரச்சனையால் வரக்கூடியது. இதை சரி செய்ய லூப்ரிகேஷன் ஜெல் பரிந்துரைப்பார்கள்.
Ask expert: முழுமையான தாம்பத்திய உறவிற்கு ஆண்குறி அளவு முக்கியமா? செக்ஸாலஜி நிபுணரின் விளக்கம்!
மேலும் மருத்துவரை சந்திக்கும் போது உங்கள் கணவரையும் அழைத்து செல்லுங்கள். மெனோபாஸாக இருந்து அதனால் வறட்சி இருந்தால் அது குறித்து அவரே உங்கள் கணவரிடம் விளக்குவார். அதன் பிறகும் உங்களுக்கு மனதளவில் ஏதேனும் குழப்பம் இருந்தால் மனநல மருத்துவரிடம் ஒரு ஆலோசனை செய்யுங்கள். தாமதிக்காமல் உடனடியாக மருத்துவரை அணுகுங்கள். வாழ்த்துக்கள்!
கணவன் மனைவி பிரச்சனை, தாம்பத்தியம் குறித்த சந்தேகங்கள், குடும்பத்துடன் பகிர்ந்து கொள்ள முடியாத அந்தரங்கங்கள், நட்பு, காதல் போன்ற பிரச்சனைகளுக்கும் சந்தேகங்களுக்கும் தீர்வு வேண்டுமா? உங்கள் கேள்விகளை எங்கள் askexperts@timesinternet.in மெயிலுக்கு அனுப்புங்கள். பிரச்சனைகளுக்கு ஏற்ப அனுபவமிக்க நிபுணர்களின் பதில்கள் பகிரப்படும். உங்கள் ரகசியம் காக்கப்படும்.