உங்க பர்சனல்ல ஓவரா நண்பர்கள் தலையிடறாங்களா? அப்போ இத செய்ங்க...

நட்பும் உறவும் முற்றிலும் வேறுபட்ட ஒன்று. அதை எவ்வாறு கையாள வேண்டும் என்பது நிறைய பேருக்கு தெரிவதில்லை. உங்க சிறந்த நண்பருடன் உங்க உணர்வுகளை பற்றி பேசுவதில் தப்பில்லை. ஆனால் அதை எந்த இடத்தில் கட்டுப்படுத்துவது என்பதை நீங்கள் தெரிந்து வைத்திருக்க வேண்டும். உங்க பெர்சனல் விஷயங்களை எல்லாம் நண்பர்களிடம் பகிர்வது உங்களுக்கு தேவையில்லாத விமர்சனங்களையும் அறிவுரைகளையும் கேட்க வழி வகுக்கும்.

உறவில் செயல்படுவது குறித்து நண்பர்கள் பேச வேண்டாம். உங்க உறவில் நீங்கள் எவ்வாறு செயல்பட வேண்டும் என்பதை நண்பர்கள் சொல்லக் கூடாது. உங்க உறவில் ஆணையிடவோ அல்லது உங்க உறவைப் பற்றிய முடிவுகளை எடுக்கவோ நண்பர்களுக்கு எந்த உரிமையும் இல்லை. அதே போல் தேவையற்ற அறிவுரைகளை வழங்கி உங்க நண்பர்கள் விஷயத்தில் நீங்களும் அறிவுரைகளை வழங்காதீர்கள்.

உங்க சொந்த தவறுகளைச் செய்வதன் மூலம் கற்றுக் கொள்ளுங்கள்

உங்க சொந்த தவறுகளைச் செய்வதன் மூலம் கற்றுக் கொள்ள முற்படுங்கள். உங்களுக்கு எது சிறந்தது என்பதை உங்க நண்பர்கள் அறிந்திருந்தால் கூட நீங்கள் தவறு செய்வதை தடுக்க அவர்களை அனுமதிக்க கூடாது. ஏனெனில் உங்க நண்பர்கள் உங்க சூழ்நிலையில் இல்லை என்பதை அறிந்து கொள்ளுங்கள்.

உங்க நண்பர்களுடன் நீங்கள் நெருக்கமாக இருந்தால் அவர்கள் என்ன நோக்கத்துடன் வருகிறார்கள் என்பதை நீங்கள் அறிந்து கொள்ளலாம். உங்க நண்பர் உங்க துணைக்கு எதிராக பொறாமையால் உங்களை திருப்புகிறாரா என்பதை நீங்கள் புரிந்து கொள்ள கற்றுக் கொள்ள வேண்டும். கவனமாக இருங்கள். அவரின் நடவடிக்கைகளை கவனியுங்கள். ஏனெனில் இது உங்க நட்பையும் உறவையும் அழிக்கக் கூடும்.

உங்க துணையுடன் சில தரமான நேரங்களை செலவிட முற்படுங்கள். தவறவிட்ட நேரங்களை சுட்டிக் காட்டி குற்றம் சுமத்தாதீர்கள். நட்புக்கும் அதே நேரத்தில் உறவுக்கும் சரியான நேரத்தை கொடுத்து சமநிலைப்படுத்துங்கள். இது நீங்கள் விரும்பும் நபர்களுக்காக நேரம் ஒதுக்குவது, அதே நேரத்தில் உங்க நண்பர்களை எந்த இடத்தில் வைக்க வேண்டும் என்பதையும் அறிந்து கொள்ள உதவியாக இருக்கும்.