சிலர் படிப்படியாக தங்கள் காதலை புரிந்து கொள்ள முயலுகிறார்கள். ஆனால் அப்படி காதலித்த பெரும்பாலான தம்பதிகள் காதலில் இருந்து விலகுகிறார்கள். உறவுகளில் உயர்வும் தாழ்வும் இருக்கத்தான் செய்யும், ஆனால் நிறைய பேருக்கு அதை எப்படி கையாள்வது என்று தெரிவதில்லை. எனவே உங்க காதல் உறவு முறிவதற்குள் இந்த காரணங்களை அறிந்து கொண்டு செயல்படுங்கள். கீழ்க்கண்ட அறிகுறிகள் உங்க காதல் உறவு செத்துக் கொண்டு இருக்கிறது என்பதை காட்டுகிறது.
உங்களால் முடிந்த வரை பாராட்டுங்கள்
சில நேரங்களில் நாம் விரும்பும் ஒருவரை ஒரு பொருட்டாகவே எடுத்துக் கொள்வதில்லை. அவர்கள் செய்யும் நல்ல செயலுக்கு கூட நாம் அவரை பாராட்டுவதில்லை. இது அவருக்கு வேதனையை அளிக்கும். எனவே உங்க அன்புக்குரியவரை பாராட்ட மறக்காதீர்கள். அன்புக்குரியவருக்கு நேரத்தை ஒதுக்கவும், ஒவ்வொரு நிமிடமும் செலவழிக்கவும், நினைவுகளை உருவாக்கவும் தவறும்போது தான் காதல் முறிந்த உணர்வுகள் எழுகின்றன.ஒரு உறவின் ஆரம்பத்தில் ஆயிரம் “ஐ லவ் யூஸ்” சொல்வது பிற்காலத்தில் வரும்போது ஒன்றும் அர்த்தமில்லாமல் போகிறது. எனவே முடிந்தவரை உங்க வேலைகளுக்கு இடையில் உங்க உறவுக்கென்று நேரத்தை ஒதுக்குங்கள். அவர்கள் உங்களுக்கு கிடைத்த அற்புதமானவர்கள். எனவே ஒரு ஒற்றை ரோஜாவை நீட்டி ஐ லவ் யூ சொல்லுங்கள்.
உணர்ச்சி இல்லாமல் போதல்
நட்பு எப்போதுமே ஒரு வலுவான பிணைப்பை தருகிறது. உங்க இருவருக்கிடையே நட்புடன் இருப்பது உங்க உறவை மேம்படுத்தும். நீடித்த உறவை மேம்படுத்த வலுவான நம்பிக்கை, புரிதல் மற்றும் தொடர்பு போன்றவை அவசியம். உங்க இருவருக்கிடையே இந்த உணர்ச்சிகள் எல்லாம் இல்லாமல் போதல் காதல் இல்லை என்பதை காட்டுகிறது. எனவே உங்க உணர்வுகளை வெளிப்படையாக பேசுவது உங்களுக்கு தைரியத்தை கொடுக்கும். எனவே உங்க துணையின் உணர்வுகளையும் கவனிப்பையும் புரிந்து நடந்து கொள்ளுங்கள்.
சுய அடையாளம் இழக்கப்படுதல்
உறவில் காதல் இல்லாமல் போவது அவரின் சுய மதிப்பு மங்கிப் போவதை உணர்கிறார். செயல்திறன், வேலை, உடன் பணிபுரிபவர்களின் அழுத்தம் போன்ற பல காரணங்களால், இந்த சூழ்நிலைகள் ஏற்படக்கூடும் என்பது தவறானது. ஒருவரின் சுய மதிப்பு என்பது உறவிலும் முக்கியம். இது பாதிக்கப்படும் போது உறவில் பிரச்சினை உண்டாகிறது. எனவே அவர்களுக்கு பிடித்த நண்பர்கள், ஆர்வங்கள் மற்றும் ஆரோக்கியமான வாழ்க்கை முறைக்கு நீங்கள் முன்னுரிமை கொடுக்க வேண்டும். உங்கள் துணையின் குறிக்கோள்களையும் பார்வைகளையும் நீங்கள் ஆதரிக்காதபோது, அவர்கள் தொலைவில் இருப்பதாக உணர நேரிடலாம். எனவே ஒருவரின் சுய அடையாளங்களை வேண்டாம் என்று சொல்லாதீர்கள். அவர்கள் திறமையை வளர்க்க உதவி செய்யுங்கள். இது உங்க இருவரின் பார்வைகளையும் மேம்படுத்தும்.
எதிர்மறை எண்ணங்கள் இருவருக்கும் வந்து சேரும்
உங்க இருவருக்கிடையே காதல் இல்லாமல் போகும் போது எதிர்மறை எண்ணங்கள் வந்து சேரும். இது உங்க உறவில் பாதுகாப்பின்மையை காட்டுகிறது. ஒவ்வொரு எதிர்மறை சிந்தனைக்கும், நிலைமையைச் சமாளிக்க 5 நேர்மறையான எண்ணங்கள் இருக்க வேண்டும் என்று ஆய்வுகள் காட்டுகின்றன. ஏனெனில் எதிர்மறை எண்ணங்கள் உங்க நம்பிக்கையையும், அன்பையும் குறைக்க வாய்ப்பு உள்ளது. இதன் விளைவாக கண்ணீர், சண்டைகள் மற்றும் உணர்ச்சி அலட்சியம் போன்றவை ஏற்படக்கூடும். மேலும் விமர்சனமும் தீர்ப்பும் உங்கள் இருவருக்கும் இடையிலான விரக்தியையும் அவநம்பிக்கையையும் தூண்டிவிடும்.
சலிப்பான வாழ்க்கை
ஒரே விஷயங்களையே இருவரும் உங்க வாழ்க்கையில் செய்து வரும் போது ஒரு விதமான சலிப்பு உண்டாக வாய்ப்புள்ளது. எனவே சலிப்பான வாழ்க்கையை அழகூட்ட உங்க துணைக்கு ஆச்சரியமான பரிசுகள், சாக்லேட்டுகள், பூக்கள் போன்ற விஷயங்களை நீங்கள் செய்யலாம். முடிந்தால் அவர்கள் கடமைகள் மற்றும் பொறுப்புகளில் நீங்கள் கை கொடுக்கலாம். கேண்டில் லைட் டின்னர் போன்றவற்றை நீங்கள் ஏற்படுத்திக் கொடுக்கலாம்.
உடல் ரீதியான ஈர்ப்பு குறையும்
உடல் நெருக்கம் என்பது பாலியல் மட்டுமல்ல. அதைவிட அதிகம். கைகளில் முத்தமிடுவது, நெற்றியில் முத்தம் இடுவது, உங்க துணையை நேசிப்பது, கவனித்துக் கொள்வது போன்றவற்றை செய்து வரலாம். நீங்கள் இருவரும் ஒன்றாக நேரம் கழிக்கும் போது தலை வருடல்கள் போன்றவற்றை உங்க துணை விரும்புகிறார்கள். பாசத்தைப் போலவே உணர்ச்சி ரீதியான உடல் நெருக்கத்தையும் அவர்கள் விரும்புகிறார்கள். உங்க இருவருக்கும் உணர்ச்சி ரீதியான தொடர்பு வலுவாக இருந்தாலும் உடல் ரீதியான தொடர்பும் மிகவும் அவசியம். உடலுறவு உடலில் மகிழ்ச்சியான எண்டோர்பின்களை வெளியிட உதவுகிறது. முத்தங்கள் ஒரு நபரின் மனநிலையை எப்போது வேண்டுமானாலும் உயர்த்தும்.
எனவே உங்க உறவில் காதலை புதுப்பிக்க ஒருவருக்கொருவர் பாராட்டிக் கொள்ளுங்கள். ஒருவருக்கொருவர் கண்களின் மூலம் காதலை பரிமாறுங்கள். லேசான வருடல் மற்றும் முத்தங்கள் மூலம் உங்க உறவை அழகுபடுத்த முயலுங்கள். இது உங்க காதலை மீண்டும் உயிர்ப்பிக்க உதவி செய்யும்.