அம்மா, அப்பா, மனைவி மேல் அக்கறை இல்லாமல் எப்போதும் நண்பர்களுடன் சுற்றும் கணவர்... என்ன செய்வது?...

ஆனால் அது குடும்பத்தை பாதிக்காமல் இருக்கிறவரைக்கும் சரி. கணவன்- மனைவிக்குள் எந்த சிக்கலும் வராமல் இருக்க வேண்டியது அவசியம். அப்படி நண்பர்கள் மீது உள்ள விருப்பத்தால் தன்னுடைய கணவருக்குத் தன் மீது ஈர்ப்பு குறைந்துவிட்டது என்று வேதனைப்படும் மனைவி எழுப்பும் கேள்வி குறித்து இங்கு பார்க்கலாம்.

கேள்வி

என் கணவர் எப்போதும் என்னை விடவும் என் குடும்பத்தை விடவும் தனது நண்பர்களையே அதிகம் விரும்புகிறார். இந்த பிரச்சனையில் நாங்கள் அதிகமாக போராடுகிறோம். ஆனால் அவர் ஒருபோதும் தனது வழிகளை மாற்றிக் கொள்வதில்லை. இதில் மோசமான விஷயம் என்னவென்றால் அவர் தினமும் தனது நண்பர்களுடன் இணைந்து மது அருந்துகிறார். அவர் குடிப்பதில்லை என்று குடும்பத்தில் உள்ளவர்கள் நினைக்கின்றனர். அவர்களை நான் எச்சரிக்க நினைக்கிறேன்.

ஆனால் அது மோசமான விளைவுகளை ஏற்படுத்திவிடுமோ என்ற பயமும் ஏற்படுகிறது. இதனால் அவர் எனக்கு எதிராக மாறக்கூடிய வாய்ப்பு உள்ளது. தயவு செய்து எனக்கு உதவுங்கள்

மனநல ஆலோசகரின் பதில்:

உங்கள் கேள்வியில் உள்ள கவலையை என்னால் புரிந்துக் கொள்ள முடிகிறது. அவரது குடிப்பழக்கத்தை பற்றி அவரது குடும்பத்தினரிடம் தெரிவிப்பதால் ஏற்படும் விளைவுகள் குறித்து பயப்படுகிறீர்கள். மது அருந்தும் நபர்களின் துணைகள் எதிர்காலத்தில் நாம் தவறு செய்துவிட்டோம் என யோசிப்பதுண்டு. எனவே இந்த சிக்கலை தீர்க்கவும் அவரை மது பழக்கத்திலிருந்து வெளியேற்றவும் நீங்கள் உதவியாக இருக்க வேண்டும். ஆனால் இதை நீங்கள் வீட்டில் சொல்வது மூலம் எந்த பலனையும் அடைய முடியாது. ஏனெனில் மதுவுக்கு அடிமையானவர்களுக்கு அதை தடுக்க நினைக்கும் போதுதான் இன்னும் அதிகமாக குடிக்க தோன்றுகிறது. எனவே இந்த முறை பயனற்றது.

எனவே இப்போது நீங்கள் எதிர்க்கொள்ளும் விஷயங்களை சமாளிக்க உங்களுக்கு உதவும் சில குறிப்புகள் எங்களிடம் உள்ளன.

உங்கள் கணவருடன் இதயத்தோடு இதயம் பேசும் அளவில் தினமும் சிறிது நேரம் ஒதுக்குங்கள். அவருடைய நிலைப்பாட்டை சரியாக புரிந்துக்கொண்டு உங்களது கோரிக்கையை அவர் இரக்கமாக அணுகும்படி அதை முன்னிறுத்துங்கள்.

சில நேரங்களில் நிஜ வாழ்க்கையில் நடந்த விஷயங்களை எடுத்துக்காட்டுக்களாக கூறலாம். எனவே அப்படியான கதைகளை உங்கள் கணவரிடம் கூறுங்கள். உங்கள் சுற்று வட்டாரத்தை சேர்ந்தவர்களோ அல்லது பிரபலமானவர்களிலோ மதுவுக்கு அடிமையாகி வாழ்க்கையை தொலைத்தவர்களின் கதையை அவரிடம் சொல்லலாம்.

உங்கள் கணவர் வாழ்க்கை மற்றும் குடும்பத்தின் முக்கியத்துவத்தை புரிந்துக்கொள்ள வேண்டும். மேலும் அவரிடம் குடிபழக்கம் காரணமாக வாழ்க்கையின் முக்கியமான உறவுகளை இழக்க நேரிடும் என்பதை அவருக்கு விளக்குங்கள்.

அவர் உங்களுக்கு எதிராக மாறுவார் என நீங்கள் நினைப்பது ஆல்கஹால் அவரது உடலில் ஏற்படுத்தும் மோசமான விளைவுகளை மாற்றி அமைக்காது. உங்கள் கணவரின் ஆரோக்கிய மேம்பாட்டிற்காக அவரிடம் மது குறித்த பயத்தை ஏற்படுத்துவது மிக முக்கியமாகும்.

முடிவாக உங்கள் எண்ணங்களையும் உணர்வுகளையும் உங்கள் கணவரே உங்களை கண்டு இரக்கம் கொள்ளும் அளவில் வெளிப்படுத்த வேண்டும் என்று பரிந்துரைக்கிறோம். மோதலை விட சுமூகமான உரையாடல்களே இதற்கு சரியாக இருக்கும்.