sexual addict : இந்த அறிகுறிகள் இருந்தால் அந்த நபர் பாலுறவுக்கு அடிமையானவராக இருப்பாராம்...

பாலியல் அடிமைத்தனம் என்பது யாரொருவர் தன்னுடைய பாலியல் எண்ணங்கள், ஆசைகள் மற்றும் தூண்டுதல்களின் மீது கட்டுப்பாடு இல்லாமல் இருக்கிறாரோ அதுதான் பாலியல் அடிமைகளாக இருக்கிறார்கள் என்று வரையறை செய்யப்படுகிறது. பாலியல் விருப்பங்கள் அதிகமாக இருப்பதாலேயே ஒருவரை பாலியல் அடிமை என்று சொல்லிவிட முடியாது. அதுமட்டுமின்றி வேறு சில காரணங்களும் அறிகுறிகளையும் வைத்தே ஒருவர் பாலியல் அடிமையாளரா இல்லையா என்று வரையறுக்கப்படுகிறது. அந்த அறிகுறிகள் என்னென்ன என்பது குறித்து அல்லோ மருத்துவமனையை (Allo Health centre) சேர்ந்த மன மற்றும் உறவுகள் நல நிபுணர் மருத்துவர் கனுஷா (Kanusha YK) நம்மிடம் விளக்கமாகப் பகிர்ந்திருக்கிறார். அவை என்னென்ன என்று நாமும் கொஞ்சம் தெரிந்து கொள்வோம்.

எல்லா உணர்வுகளும் இயல்பானவை என்றாலும், அது அளவுக்கு அதிகமாக இருக்கும்போது அது ஒருவரின் வாழ்க்கையில் எதிர்மறையான தாக்கங்களை உண்டாக்கும். அது உடலுறவு பற்றிய விஷயத்துக்கும் பொருந்தும்.

Samayam Tamil

பாலியல் அடிமைத்தனத்தைக் கண்டறிய குறிப்பிட்ட வழிமுறைகளோ சோதனைகளோ இல்லையென்றாலும் சில அறிகுறிகளை வைத்து இதைப் புரிந்து கொள்ளலாம்.

பாதுகாப்பற்ற உறவு

ஒரு நபருக்கு பாலுறவுக்கு அடிமையாக இருக்கிறார் என்றால், அதன் முதல் அறிகுறியே இதுதான்.

பாலுறவுக்குப் பிறகு உண்டாகும் விளைவுகளை பற்றி யோசிக்காமல் உடலுறவில் கடைபிடிக்க வேண்டிய பாதுகாப்பு நடிவடிக்கைகளைப் பற்றி கவலைப்படாமல் உறவில் ஈடுபடுவது.

பாலியல் குற்றங்கள்

• ஆபத்தான பாலியல் நடத்தையில் ஈடுபடுவது,
• அளவுக்கு அதிகமாக சுயஇன்பத்தில் ஈடுபடுவது,
• உடலுறவு, பாலியல் இச்சைக்காக மற்ற முக்கியமான செயல்பாடுகளைத் தவிர்த்து,
• துணையை ஏமாற்றுவது,
• பாலியல் குற்றங்களில் ஈடுபடுவது ஆகியவை முககிய அறிகுறிகளாகும்.

உளவியல் ரீதியான அறிகுறிகள்

பாலியலுக்கு அடிமைகளாக இருக்கும் நபர்களுக்கு உடல் ரீதியான அறிகுறிகள் மட்டுமின்றி உளவியல் ரீதியான அறிகுறிகளும் அதிகமாக வெளிப்படும்.

உளவியல் அறிகுறிகளில்

• வெறித்தனமான பாலியல் எண்ணங்கள்,
• முறையற்ற பாலியல் இச்சையால் ஏற்படும் அவமானங்கள்,
• அதிகப்படியான மனச்சோர்வு

ஆகியவற்றைச் சந்திக்கிறார்கள். இதிலிருந்து விடுபட கட்டாயம் உளவியல் நிபுணரிடம் ஆலோசனையும் தீர்வும் பெற வேண்டும்.