பேச்சில் மனது ஒன்ற வேண்டும்
உங்க துணையுடனான உரையாடலை தொடங்குவதற்கு முன்பு உறுதியான மனப்பான்மையுடன் பேச்சில் குதியுங்கள். உங்களுக்கும் உங்க துணைக்கும் இடையே வலுவான தகவல் தொடர்புகளை உருவாக்க பரஸ்பரமான பேச்சுகள் முக்கியம் என்று நிறைய ஆய்வுகள் தெரிவிக்கின்றன. பரஸ்பர பாதிப்பை எதிரொலிக்கும் உரையாடல் சுய வெளிப்பாட்டால் ஏற்பட்டால் கூட இது உங்களுக்கும் உங்க துணைக்கும் இடையே ஒரு சக்தி வாய்ந்த இணைப்பைத் தூண்டுகிறது.
பேச்சை தைரியமாக நகர்த்துங்கள்
வலுவான உரையாடலை ஏற்படுத்த உங்க பேச்சை மேற்பரப்பில் இருந்து ஆழமாகவும், தைரியமாகவும் நகர்த்த ஆரம்பியுங்கள். உங்க இதயத்தையும் ஆன்மாவையும் வெளியே வைக்காமல் பேச்சில் ஒன்ற விடுங்கள். மனமார்ந்த பேச்சுகள் மட்டுமே மனதில் நிற்கும். நம்பிக்கைகள், உணர்வுகள், பழக்கவழக்கங்கள், விருப்பு வெறுப்புகளைப் பகிர்வதன் மூலம் இன்னும் கொஞ்சம் மனதை திறந்து பேச முயற்சி செய்யுங்கள்.
எந்த மாதிரியான உரையாடல் நல்லது
இருவரும் பொதுவாக பகிரும் தலைப்புகளை ஆராயுங்கள். அதே மாதிரி இருவரும் பகிர்ந்து கொண்ட செயல்பாடுகள், யோசனைகள், பேச்சில் உள்ள ஆர்வங்கள் குறித்து ஆராய்ந்து கொள்ளுங்கள். நெருங்கிய ஒரு உறவை வளர்ப்பதற்கான திறவுகோல் சுய வெளிப்பாடு ஆகும். உங்கள் பலங்களுடன் உங்க பலவீனங்களையும் உங்க துணையுடன் பகிர்ந்து கொள்ளுங்கள். உங்க பேச்சில் நீங்களாகவே இருப்பது உண்மையை உரைப்பது உங்களுக்கு மரியாதை, அரவணைப்பு மற்றும் திறந்த தன்மையை உருவாக்குகிறது. இந்த தன்மை உங்களை ஒரு திறந்த ஆர்வமுள்ள நபராக பார்க்கச் செய்யும்.
உரையாடலை கேட்பவராக இருங்கள்
எப்பொழுதும் உரையாடலில் கேட்பது மிகவும் முக்கியம். ஒரு நல்ல உரையாடலை காது கொடுத்து கேட்பதன் மூலம் உங்க துணையை பற்றி நீங்கள் அறிந்து கொள்ள முடியும். உங்க துணையை பற்றி நீங்கள் நன்றாக புரிந்து கொள்வது உங்க உரையாடலை எளிதாக்கும். உங்க உறவையும் வலுவாக மாற்ற உதவி செய்யும்.
துணையின் விருப்பமான விஷயங்களை பற்றி கேளுங்கள்
உங்க துணைக்கு பிடித்த விருப்பமான விஷயங்களை பற்றி கேளுங்கள். உங்க இருவருக்குமான பொதுவான நலன்களை பற்றி கேளுங்கள். முடிந்த வரை உரையாடல் தொடங்குவதற்கு முன்னரே நீங்கள் பகிரக் கூடிய மற்றும் செய்ய வேண்டிய பட்டியலை உருவாக்கி கொள்ளுங்கள். இந்த முன் ஏற்பாடுகள் எல்லாம் ஒரு ஆழமான உறவுக்கு வழி வகுக்கும். சிறந்த உரையாடலை உண்டாக்க கூடுதல் தலைப்புகள், உதவிக் குறிப்புகள், சேகரிப்பு போன்ற பயன்பாட்டையும் ஆராய முயற்சி செய்யுங்கள். மேற்கண்ட உரையாடல் டிப்ஸ்கள் உங்களுக்கும் உங்க துணைக்கும் ஒரு உறவுப் பாலமாக அமையும்.