மனிதர்களின் வேலைவாய்ப்பை பறிக்கும் ரோபாட்களுக்கு வரி விதிக்க வேண்டும்: பில் கேட்ஸ்

மனிதர்களின் வேலைவாய்ப்பை பறிக்கும் ரோபாட்களுக்கு, வரி விதிக்க வேண்டும் என்று, மைக்ரோசாஃப்ட் நிறுவனர் பில் கேட்ஸ் கூறியுள்ளார்.

மாறிவரும் உலக சூழலில், கார் தயாரிப்பு தொடங்கி ஐ.டி., பணிகள் வரையிலும் ரோபாட்கள் எனப்படும் இயந்திர மனிதர்கள் பயன்படுத்தப்பட தொடங்கியுள்ளனர். ஆட்குறைப்பு மற்றும் சிக்கன நடவடிக்கையாக, இத்தகைய புரோகிராம் செய்யப்பட்ட இயந்திர மனிதர்களை, பெரும்பாலான கார் தயாரிப்பு நிறுவனங்களும், ஐடி நிறுவனங்களும் பணியமர்த்தி வருகின்றன.

குறிப்பாக, வாகன தயாரிப்புத் துறையில் ரோபாட்களின் பயன்பாடு அதிகமாக உள்ளது. அதேசமயம், ரோபாட்களின் வருகையால், ஆயிரக்கணக்கான மனிதர்களின் வேலைவாய்ப்பு பறிபோயுள்ளது.

இந்நிலையில், இதுபற்றி கருத்து வெளியிட்டுள்ள மைக்ரோசாஃப்ட் அதிபர் பில் கேட்ஸ், ‘’மனிதர்களின் வேலைவாய்ப்பை ரோபாட்கள் பறிப்பது ஏற்புடையதல்ல,’’ என்றார்.

‘’இவ்வாறு மனிதர்களுக்குப் பதிலாக வேலை செய்யும் ரோபாட்களுக்கும் வரி விதிக்க வேண்டும். மனிதர்களுக்கு விதிக்கப்படுவதைப் போல, வருமான வரி, கார்ப்பரேட் வரி, உள்ளிட்டவை இயந்திர வேலையாட்களுக்கும் வசூலிக்கப்பட வேண்டும். அப்போதுதான், மனிதர்களின் முக்கியத்துவம் பற்றி தெரியவரும். தற்காலிகமா மட்டுமே இயந்திர மனிதர்களை பயன்படுத்த வேண்டும். அவர்களை முழுநேர ஊழியர்களாகப் பயன்படுத்துவது தேவையற்ற சிக்கல்களுக்கு வழிவகுக்கும்,’’ என்றும் பில் கேட்ஸ் சுட்டிக்காட்டி உள்ளார்.

Robots that steal human jobs should pay taxes, Microsoft co-founder and philanthropist Bill Gates has said.