உங்கள் கணினியில் விண்டோஸ் ஓ.எஸ் உள்ளதா? - மைக்ரோசாஃப்ட் ஏற்படுத்தியுள்ள புது ஆபத்து!

உலகின் மாபெரும் கணினி புரட்சி செய்த நிறுவனம் மைக்ரோசாஃப்ட். அப்படி உலகின் முக்கிய நிறுவனமாக இருந்தாலும், “யானைக்கும் அடி சறுக்கும்” என்ற பழமொழிக்கு ஏற்ப, மைக்ரோசாஃப்ட் செய்த தவறால் பிரச்னை ஏற்பட்டுள்ளது.

மைக்ரோட்சாஃப்ட் நிறுவனம் கடந்த வியாழக்கிழமை, தவறுதலாக ஒரு அப்டேட் வெளியிட்டது. அதுபற்றி அறியும் முன்னரே பல கணினிகள் செயலிழந்து போனது.

பலரும் புதிய அப்டேட்டை, அப்டேட் செய்ததும் அவர்களது கணினி முடங்கத்தொடங்கியுள்ளது. கணினிக்கு மட்டுமல்லாமல், விண்டோஸ் மொபைல்களுக்கும் இந்த அப்டேட் அனுபப்பட்டது.

மைக்ரோசாஃப்ட் அறிவிப்பு:
தவறுதலாக எங்கள் நிறுவனம் அனுப்பிய அப்டேட்டால், கணினி முடங்கும் அபாயம் உள்ளது. அதனால் அதை யாரும் ஏற்று அப்டேட் செய்ய வேண்டாம்.
ஆட்டோமேடிக் அப்டேட்டை நிறுத்தி வைக்கவும் அல்லது உங்களுக்கே தெரியாமல் அப்டேட் ஆக தொடங்கி விட்டால் உடனடியாக உங்கள் கணினி அல்லது மொபைலின் வைஃபை நிறுத்திவிடுங்கள் என மைக்ரோசாஃப்ட் நிறுவனம் இந்த பிரச்னையிலிருந்து தப்பிக்க ஆலோசனை கூறியுள்ளது.