ஆஹா! ஸ்மார்ட்போனில் தயாராகும் கும்பகோணம் டிகிரி காப்பி!

ஸ்மார்ட்போனை காப்பி மேக்கராக பயன்படுத்தும் ஆச்சர்யமூட்டும் கண்டுபிடிப்பை இத்தாலியைச் சேர்ந்த நிறுவனம் ஒன்று அறிமுகம் செய்துள்ளது.

இத்தாலியைச் சேர்ந்த மொகசீ என்ற ஸ்டார்ட்-அப் நிறுவனம் புதிதாக மொபைல் கேஸ் கவர் ஒன்றை அறிமுகம் செய்துள்ளது. இந்த கேஸ் கவரை பொருத்திவிட்டால், ஒரு ஸ்மார்ட்போனை காப்பி மேக்கராக மாற்றிவிடலாம்.

மொகசீயின் இந்த கேஸ் கவரில் டிவிடி ப்ளேயர் போன்ற திறப்பு ஒன்று இருக்கும். அதில் டிவிடி போடுவது போல ஒரு காப்பிக்குத் தேவையான பொருட்கள் அடங்கிய கேட்ரிட்ஜை போட்டு அழுத்தி உள்ளே தள்ள வேண்டும்.

பின், மொபைலில் இதற்கான பிரத்யேக மொகீசி அப்ளிகேஷனில் உள்ள பட்டனை அழுத்தினால் போதும். உங்கள் காப்பி சில நொடிகளில் தயாராகிவிடும். கேஸ் கவரில் உள்ள குழாய் வழியாக கோப்பையில் உற்றி குடிக்கலாம்.

காப்பி சூடா இருக்குமா? என்ற சந்தேகம் வருகிறாதா உங்களுக்கு? அந்த கவலையே வேண்டாம். இந்த கேஸ் கவரில் காப்பியை சுடவைக்க தனி பேட்டரி உண்டு. பட்டனை அழுத்தியதும் அந்ந பேட்டரி 140 டிகிரி பாரன்ஹீட் வரை சூடாகி காப்பி போட்டு கொடுக்கும்.

இதன் விலையைக் கேட்டால்தான் மயக்கம் வந்துவிடும்! இதன் விலை இந்திய ரூபாயில் சுமார் 3 லட்சம் மட்டுமே!