காப்பி அடிப்பதை எளிதாக்கும் கூகுள் குரோம்!

இன்டர்நெட் புரோசிங் செய்யும் போது அடிக்கடி பயன்படுத்தும் காப்பி & பேஸ்ட் வசதியை எளிமையாக்கியுள்ளது கூகுள் குரோம்.

கூகுள் நிறுவனத்தின் குரோம் புரோசரில் காப்பி செய்யாமலே பேஸ்ட் செய்யும் ‘காப்பிலெஸ் பேஸ்ட்’ (Copyless Paste) என்ற வசதி விரைவில் அறிமுகமாக இருக்கிறது.

உதாணத்திற்கு, ஒரு விடுதியின் இணையதளத்தை பார்வையிட்ட பிறகு, கூகுள் மேப்பிற்குச் சென்றால் அந்த விடுதியின் பெயரை குறிப்பிட்டு மேப்பில் தேடுவதற்கான பரிந்துரை தோன்றும்.

இந்த வசதியை சோதனை முறையில் குரோம் கேனரி (Google Canary for Android) ஆண்ட்ராய்ட் அப்ளிகேஷனில் மட்டும் அறிமுகமாகியுள்ளது. குரோம் போலவே இருக்கும் இந்த அப்ளிகேஷனை கூகுள் ப்ளே ஸ்டோரிலிருந்து பெறலாம். பின்னர், chrome://flags என்ற முகவரிக்குச் சென்று Copyless Paste வசதியை Enable செய்யலாம்.

அடுத்த சில மாதங்களில் கூகுள் குரோம் புரோசரிலும் இந்த வசதி அறிமுகமாகிவிடும்.