இந்தியாவில் மே மாதம் வெளியாகிறது நோக்கியா-3310 கிளாசிக் மொபைல்...

நோக்கியாவின் பிரபலமான 3310 மாடல் மொபைல் நவீன அம்சங்களுடன், மீண்டும் இந்தியாவில் வெளியிடப்பட உள்ளது.

சுமார் 10 ஆண்டுகளுக்கு முன்பு காதலர்கள் மத்தியில் மிகவும் பிரசித்தி பெற்ற மொபைல் நோக்கியா 3310 மாடல். இதனை மீண்டும் அதே வடிவில் அதிநவீன தொடு திரையுடன் ஆண்ட்ராய்டு தொழில்நுட்பத்துடன் வெளியிடப்பட உள்ளது.
நீண்ட ஓவல் வடிவத்தில் தொடு திரையுடன், பழைய 3310 மாடலை நினைவுபடுத்தும் வகையிலும் புதிய நோக்கிய 3310 மொபைல் இருக்கும் எனத் தகவல்கள் வெளியாகியுள்ளது. மேலும், பல வண்ணங்களில் வெளியாகும் என்றும் கூறப்படுகிறது.

புதிய நோக்கியா 3310 மொபைலின் விலை நிர்ணயத்தை பொறுத்தவரை 3 ஆயிரம் ரூபாய் முதல் 3 ஆயிரத்து 500 ரூபாய் வரையில் இருக்கும் என்றும் எதிர்ப்பார்க்கப்படுகிறது. மேலும், இது பீரிமியம் பதிப்பாக வெளியிடப்படுவதால் குறைந்த அளவில் மட்டுமே கிடைக்கும் என்றும், வரும் மே மாதம் இந்திய சந்தைகளில் மட்டும் வந்தடையும் என்றும் தகவல்கள் வெளியாகியுள்ளது.