ஆப்நகரம்

நம்பர் 1 நாங்கதான்! ஏர்டெல்லை தீர்த்துக்கட்ட வரிந்துகட்டும் ஜியோ

ரிலையன்ஸ் ஜியோ நிறுவனம் ஏர்டெல் மற்றும் ஒக்லா ஆகிய நிறுவனங்களுக்கு எதிராக மும்பை உயர்நீதிமன்றத்தில் வழக்கு தொடர்ந்துள்ளது.

TNN 15 Jul 2017, 5:50 pm
ரிலையன்ஸ் ஜியோ நிறுவனம் ஏர்டெல் மற்றும் ஒக்லா ஆகிய நிறுவனங்களுக்கு எதிராக மும்பை உயர்நீதிமன்றத்தில் வழக்கு தொடர்ந்துள்ளது.
Samayam Tamil reliance jio moves bombay high court against airtel and ookla
நம்பர் 1 நாங்கதான்! ஏர்டெல்லை தீர்த்துக்கட்ட வரிந்துகட்டும் ஜியோ


இந்தியாவிலேயே அதிவேக இன்டர்நெட் சேவையை அளிப்பது ஏர்டெல்தான் என்று அந்நிறுவனத்தின் விளம்பரங்கள் மூலம் தொடர்ந்து பரப்பப்பட்டு வருகிறது. ஆனால், இந்திய தொலைத்தொடர்பு ஒழுங்குமுறை ஆணையத்தின் மாதந்திர பட்டியிலில் ஜியோ அதிகபட்ச வேகத்துடன் இன்டர்நெட் சேவை அளிப்பதாக கடந்த சில மாதங்களாக புள்ளிவிவரங்கள் வெளியாகின்றன.

இந்நிலையில், ஏர்டெல் நிறுவனத்தின் விளம்பரங்களில் தவறாக பிரச்சாரம் செய்யப்படுவதற்கு எதிர்ப்பு தெரிவித்து ரிலையன்ஸ் ஜியோ நிறுனவம் மும்பை உயர்நீதிமன்றத்தில் வழக்கு தொடுத்திருக்கிறது. ஜியோவின் வளர்ச்சியைப் பாதிக்கும் சதி என்றும் மக்களிடம் அவதூறு பரப்புவதாகவும் வாடிக்கையாளர் நம்பிக்கையைக் கெடுக்கும முயற்சி என்றும் ஜியோ சரமாரியாக குற்றம்சாட்டுகிறது.

ஆனால், ஏர்டெல் நிறுவனம் ஜியோவின் குற்றச்சாட்டுகளுக்கு ஆதாரம் இல்லை என்று வாய்கூசாமல் புழுகுகிறது. இலவசங்களை வாரிக்கொட்டியும் ஏர்டெல் வாடிக்கையாளர்களைக் கவரமுடியாத வயிற்றெரிச்சலில் இப்படி வழக்குத் தொடுப்பதாகவும் அந்நிறுவனம் புகார்களை அலட்சியம் செய்கிறது. ஓக்லா நிறுவனத்தின் புள்ளிவிவரங்களைக் காட்டி ஏர்டெல் பீற்றிக்கொண்டிருக்கிறது. இதற்கு ஆப்பு வைக்க ஜியோ வழக்கு தொடுத்து பார்க்கிறது.

இந்திய தண்டனைச் சட்டத்தின் பிரிவுகள் 204, 406, 420, 465, 499 மற்றும் 120 (பி) ஆகியவற்றின் கீழ் தண்டனை அளிக்க ஜியோ கோரியுள்ளது. ஏர்டெல் மீதான குற்றச்சாட்டு நிரூபணமானால் அதன் உரிமையாளருக்கு சிறை தண்டனை, பல கோடி அபராதம் விதிக்கப்பட வாய்ப்புள்ளது.

ஏற்கெனவே, இந்திய விளம்பர தரநிர்ணய அமைப்பில் ஜியோ இது குறித்து புகார் அளித்தது நினைவூட்டத்தக்கது.

அடுத்த செய்தி