புதன் பெயர்ச்சியை முன்னிட்டு கோவில்களில் சிறப்பு வழிபாடு.!

புதன் பகவான் விருச்சிக ராசியில் இருந்து தனுசு ராசிக்கு இடப்பெயர்ச்சி ஆவதை முன்னிட்டு கோயில்களில் சிறப்பு வழிபாடுகள் நடந்து வருகின்றன.

சந்திரன், சூரியன், புதன், சுக்கிரன், செவ்வாய், குரு, ராகு, கேது, சனி என 9 நவக்கிரகங்கள் உள்ளன. நவக்கிரகங்கள் ஒவ்வொரு ராசிக்கும் இடம் பெயரும் போது, வெவ்வேறு விதமான பலன்கள் ஏற்படும். இவற்றில் குரு, ராகு- கேது, சனிப் பெயர்ச்சிகள் நடைபெறும் போது கோயில்களின் சிறப்புப் பூஜைகள் மற்றும் பாதிப்பு உள்ள ராசிகளுக்கு பரிகாரங்கள் செய்யப்படும்.

அந்தவகையில் புதன் பகவான் விருச்சிக ராசியில் இருந்து தனுசு ராசிக்கு இடப்பெயர்ச்சி ஆகிறார். இதனை முன்னிட்டு கோயில்களில் சிறப்பு வழிபாடுகள் நடைபெற்றது. அறிவுக்கு அதிபதியான புதன் புத்தியைத் தூண்டுபவர். கல்வி, ஞானம் மட்டுமல்ல, கல்வி சார்ந்த பணிகள், கலைகளுக்கு புதனின் அம்சம் நன்றாக இருக்க வேண்டும். இன்று புதன்பெயர்ச்சியை முன்னிட்டு பக்தர்கள் கோயிலில் சிறப்பு வழிபாடு செய்து பிரார்த்தனை செய்து வருகின்றனர்.