எந்தெந்த மாநிலங்களில்; நாடுகளில் பொங்கல் கொண்டாடப்படுகிறது?

தமிழகத்தில் பொங்கல் பண்டிகை கொண்டாடப்படும் அதே நாட்களில், இதர இந்திய மாநிலங்கள் மற்றும் நாடுகளிலும் இந்த பண்டிகை வேறு பெயர்களில் கொண்டாடப்படுகிறது. இதுபற்றி பார்க்கலாம்.

ஆண்டுதோறும், ஜனவரி 13, 14, 15 ஆகிய நாட்களில், தமிழ்நாடு மற்றும் இலங்கையில் பொங்கல் என்ற பெயரில் கொண்டாடப்படுகிறது.

இதேபோன்று, தமிழர்கள் அதிகம் வாழும் மலேசியா, சிங்கப்பூர், நார்வே, சுவிட்சர்லாந்து, கனடா, அமெரிக்கா, இங்கிலாந்து, மியான்மர், இந்தோனேசியா, மொரீசியஸ், தென் ஆப்பிரிக்கா, ஆஸ்திரேலியா மற்றும் துபாய், ஐக்கிய அரபு அமீரகத்திலும் பொங்கல் பண்டிகை சிறப்பாகக் கொண்டாடப்படுகிறது.

இந்திய அளவில், தமிழகம் மட்டுமின்றி, கர்நாடகா, ஆந்திராவில் மகாசங்கராந்தி என்ற பெயரிலும் கொண்டாடப்படும் அறுவடைத் திருவிழா இதுவாகும்.

மேலும், ஜனவரி 13-ல் பஞ்சாப் மற்றும் ஹரியானா மாநிலங்களில் லோஹ்ரி என்ற பெயரில், கோதுமை அறுவடைத் திருவிழாவாகக் கொண்டாடப்படுகிறது.

ஜனவரி 14, 15-ல் அசாம் மாநிலத்தில் மாஹ் பிகு என்ற பெயரில், நெல் அறுவடைத் திருவிழா கொண்டாடப்படுகிறது.

Apart from Tamilnadu which states and countries celebrating Pongal Festival.