தொழிலில் முன்னேற்றம், வியாபாரம் அதிகரிக்க கஜலட்சுமியை வழிபட்டால் நினைத்த முன்னேற்றத்தைப் பெறலாம். குழந்தை இல்லாதவர்கள் வழிபட்டால் குழந்தை வரம் பெற்றிடலாம்.
கஜலட்சுமி தேவியின் வடிவம்
கோயிலின் எல்லா நிலை கதவுகளில் மீது கஜலட்சுமி தேவி பொரிக்கப்பட்டிருக்கும். கஜலட்சுமி நான்கு கரங்களுடன் காட்சி தருகிறாள். அதில் மேலே உயர்த்தியுள்ள இரண்டு கைகளில் தாமரை மலர்களையும், கீழே வைத்துள்ள இடது கையில் பொற்காசுகள் நிறைவாக அருள்பவராகவும், வலது கை பக்தர்களை காக்கும் அபய ஹஸ்த முத்திரையுடன் காட்சி தருகிறார்.
எட்டு தாமரை இலைகளுடன் கூடிய தாமரையில் அமர்ந்திருப்பார். தாயின் இருபுறமும் யானைகள் அழகாக அமைந்திருக்கும்.
வெள்ளிக்கிழமை செய்ய வேண்டிய முக்கிய பூஜை :
வெள்ளிக்கிழமை கஜலட்சுமி தேவியின் படம், ஸ்ரீ யந்திரம் முன்னாள் நின்று தினமும் வழிபட வேண்டும். மகாலட்சுமி யந்திரத்தைத் தினமும் வழிபடுவதால் வாழ்வில் வளம் பெருகும். குடும்பம், தொழில், வியாபார பிரச்னைகள் நீங்கி நன்மை ஏற்படும்.
திருச்செந்தூர் பன்னீர் இலை விபூதியின் மகத்துவம் : நோய்கள், துன்பங்கள் தீரும்
கஜலட்சுமியை வணங்குவதன் முக்கியத்துவம்
கஜலட்சுமி தேவியை வெள்ளிக்கிழமைகளில் அல்லது வாரம் முழுவதும் சிறப்பு பூஜைகள் செய்து வழிபடலாம். இதனால் உங்கள் தொழில், வேலையில் பிரச்னைகள், இழப்புகள் நீங்கும். 11 வெள்ளிக்கிழமைகளில் விரதம் இருந்து வழிபட்டால் செலவ செழிப்பை பெற்றிடலாம். உங்கள் எதிரிகளின் தொல்லை தீரும்.
அதே போல் வெள்ளிக்கிழமைகளில் சிவப்பு நிற ஆடைகளை அணிந்து கொள்வது நல்லது.
பணக் கஷ்டத்தை தீர்க்கும் எளிய மகாலட்சுமி மந்திரம்
கஜலட்சுமியின் அருள் பெற செய்ய வேண்டியவை :
தினமும் அதிகாலையில் எழுந்து குளித்தபின் சுத்தமான ஆடைகளை அணியுங்கள்.
வெள்ளிக்கிழமைகளில் வீட்டை சுத்தம் செய்து, ஒரு மரப்பலகை மீது சிவப்பு அல்லது மஞ்சள் நிற துணியை விரித்து அதில் பச்சரிசியைப் பரப்பி தாமரை மலரை வரைய வேண்டும். அதன் மீது கஜலட்சுமி தேவியின் படைத்தை வைத்து வழிபடவும்.
மகாலட்சுமி தேவி ஸ்ரீ யந்திரத்தின் முன் தங்கம் அல்லது வெள்ளி நாணயத்தை வைத்து வணங்கவும்.
ஆயிரம் ஆண்டுகள் கடந்த பழமையான இந்திய கோயில்களை தரிசனம் செய்து அருள் பெறுவோம்
அஷ்ட லட்சுமிகளுக்குரிய மந்திரம்
லட்சுமி தேவியின் படத்திற்கு பூக்களை அணிவித்து, பழங்கள் படைத்து நெய் விளக்கு ஏற்றியும், தூபம் காட்டி வழிபடவும். .
அதன் பின்னர் அஷ்ட லட்சுமிகளுக்குரிய மந்திரத்தை 108 முறை உச்சரிக்கவும்.
ஓம் ஆதிலக்ஷ்மி நமஹ,
ஓம் தான்யலக்ஷ்மி நமஹ,
ஓம் வீர லக்ஷ்மி நமஹ,
ஓம் கஜலக்ஷ்மி நமஹ,
ஓம் சந்தானலக்ஷ்மி நமஹ,
ஓம் விஜயலக்ஷ்மி நமஹ,
ஓம் வித்யா லக்ஷ்மி நமஹ,
ஓம் தனலட்சுமி நமஹ
வீட்டில் செல்வம் சேரவில்லையா?- இது தான் காரணமாக இருக்கலாம்!
உங்களால் முடிந்தளவு குங்குமம், அரிசி ஆகியவற்றை தானமாக வழங்கலாம்.
கடைசியாக, நான் ஏதேனும் தவறு செய்திருந்தால் மன்னித்து விடுங்கள் என வழிபடவும்.