ஆடி அமாவாசை 2022 : மதுரை - ராமேஸ்வரம் இடையே சிறப்பு ரயில் இயக்கம்

ஒவ்வொரு மாதமும் அமாவாசை வந்தாலும், தை, ஆடி, புரட்டாசி மாதங்களில் வரக்கூடிய அமாவாசை மிகவும் விசேஷமாக முன்னோர்களுக்கு தர்ப்பணம் கொடுக்க மிகவும் விசேஷ தினமாகப் பார்க்கப்படுகிறது.

பொதுவாக அமாவாசை தினங்களில் பிதுர் தர்ப்பணம் கொடுக்க ராமேஸ்வரத்தில் மக்கள் அதிகளவு வருகை தருவது வழக்கம்.

வருகின்ற ஜூலை 28ம் தேதி வியாழக்கிழமை அன்று, ஆடி அமாவாசை முன்னிட்டு மிக அதிகளவில் மக்கள், தங்களின் முன்னோர்களுக்கு பிதுர் தர்ப்பணம் கொடுக்க கூடுவார்கள்.

Aadi Amavasai Tharpanam: ஆடி அமாவாசை விரதம் யார் இருக்க வேண்டும்?: ஆண், பெண்களுக்கான விரத முறை
இதன் காரணமாக மதுரை கோட்ட ரயில்வே சார்பாக, மதுரை - ராமேஸ்வரம் இடையே ஆடி அமாவாசை திருவிழாவுக்காகச் சிறப்பு ரயில் சேவை ஜூலை 28ம் தேதி இயக்கப்பட உள்ளது.

அதன்படி மதுரை - ராமேசுவரம் இடையே முன்பதிவில்லாத சிறப்பு ரயில் (வ.எண்.06907) மதுரையிலிருந்து அதிகாலை 5.45 மணிக்கு புறப்பட்டு காலை 9.15 மணிக்கு ராமேஸ்வரம் சென்றடையும்.

ஆடி அமாவாசை 2022 எப்போது? - தர்ப்பணம் கொடுக்க சரியான நேரம் தெரிந்து கொள்வோம்
மறுமார்க்கத்தில் ராமேஸ்வரத்திலிருந்து முன்பதிவில்லாத சிறப்பு ரயில் (வ.எண்.06908) ராமேசுவரத்தில் இருந்து மதியம் 1.30 மணிக்கு புறப்பட்டு மாலை 5.15 மணிக்கு மதுரை வந்து சேரும்.

இந்த ரயில் கீழ் மதுரை, சிலைமான், திருப்புவனம், திருப்பாச்சேத்தி, மானாமதுரை, பரமக்குடி, ராமநாதபுரம், உச்சிப்புளி ஆகிய ரயில் நிலையங்களில் நின்று செல்லும் என்று தெரிவிக்கப்பட்டுள்ளது.