Tirupati Darshan Tickets : More Than 6 Lakh Sed Tickets Sold With In One Hour
60 நிமிடத்தில் 19 கோடி வருவாய் ஈட்டிய திருப்பதி ஏழுமலையான் எப்படி தெரியுமா?
திருப்பதி சென்று வந்தால் திருப்பம் வரும் என்பதால் திருமலை திருப்பதி ஏழுமலையான் கோவிலுக்கு தினமும் ஆயிரக்கணக்கான பக்தர்கள் வந்து செல்கின்றனர். இது சந்திர பரிகார தலமும் கூட என்பதால், இங்கு ஒரு நாள் இரவு தங்கி சுவாமி தரிசனம் செய்வது அதிக பலனை அளிக்கும். பலருக்கும் திருப்பதி ஏழுமலையான் இஷ்ட தெய்வமாக மட்டுமல்ல குலதெய்வமாகவே இருந்து வருகிறார்.
திருமலை திருப்பதி ஏழுமலையான் கோவிலில் தினமும் 60,000 முதல் 70,000 வரையிலான பக்தர்கள் சுவாமி தரிசனம் செய்து வருகின்றனர். சர்வ தரிசனம் எனப்படும் இலவச தரிசனம், திவ்ய தரிசனம் எனப்படும் நடைபாதை தரிசனம், ரூ.300 சிறப்பு தரிசனம், விஐபி தரிசனம், சுப்ரபாத தரிசனம் என பல்வேறு தரிசன முறைகளில் பக்தர்கள் தரிசனம் செய்து வருகின்றனர்.
தற்போது விடுமுறை காலம் துவங்கி விட்டதால் வழக்கமாக வரும் பக்தர்களின் எண்ணிக்கையை விட மிக அதிகமான பக்தர்கள் திருமலைக்கு வந்து கொண்டிருக்கிறார்கள். இதனால் பக்தர்களால் திருமலை நிரம்பி வழிகிறது. இதன் காரணமாக தினசரி திருமலைக்கு வந்து சுவாமி தரிசனம் செய்யும் பக்தர்களின் எண்ணிக்கை கிட்டதட்ட 80,000 வரை உள்ளது.
மொத்தம் 6,45,000 டிக்கெட்களை திருப்பதி தேவஸ்தானம் வெளியிட்டது. இந்த டிக்கெட்கள் அனைத்தும் ஆன்லைன் முன்பதிவு துவங்கிய ஒரு மணி நேரத்திற்கு உள்ளாகவே விற்று தீர்ந்து விட்டன. ரூ.300 சிறப்பு தரிசன டிக்கெட் விற்பனை மூலம் மட்டும், ஒரு மணி நேரத்திலேயே ரூ.19.35 கோடி திருமலை திருப்பதி தேவஸ்தானத்திற்கு வருமானம் கிடைத்துள்ளது. இந்நிலையில் ஆன்லைனில் முன்பதிவு செய்வதற்காக காத்திருந்த பல பக்தர்கள் ஏமாற்றம் அடைந்துள்ளனர். திருப்பதி தரிசனம் : மே, ஜூன் மாதங்களுக்கான சிறப்பு தரிசன டிக்கெட் வெளியீடு
இதனால் ஜூன் மாதம் வரை திருமலையில் பக்தர்கள் கூட்டம் அதிகரித்து காணப்படும் என தெரிகிறது. தற்போது இலவச தரிசனம் மூலம் சுவாமி தரிசனம் செய்ய வரும் பக்தர்கள் 30 மணி நேரத்திற்கும் அதிகமாக காத்திருந்து சுவாமி தரிசனம் செய்து வருகின்றனர். ரூ.300 சிறப்பு தரிசன டிக்கெட் வாங்கிய பக்தர்கள் 5 முதல் 10 மணி நேரம் வரை காத்திருந்து சுவாமி தரிசனம் செய்ய வேண்டிய நிலை ஏற்பட்டுள்ளது.
நான் மோகனப்பிரியா முதுநிலை அறிவியல் பட்டப்படிப்பு படித்துள்ளேன். கடந்த 14 ஆண்டுகளாக இணைய ஊடகத்துறையில் பணியாற்றி வருகிறேன். ஆன்மிகம் தொடர்பான தகவல்கள், கட்டுரைகள் எழுதி வருகிறேன். அரசியல், சினிமா, நடப்பு நிகழ்வுகள், வர்த்தகம், ஆன்மிகம் தொடர்பான செய்திகள் எழுதுவதில் அனுபவம் உண்டு. விளையாட்டு, அறிவியல், செய்திகள், கலைகள் மீதும் ஆர்வம் அதிகம். தற்போது Times Internet சமயம் தமிழ் இணையதளத்தில் Digital Content Producer ஆக பணியாற்றி வருகிறேன்.... மேலும் படிக்க
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
