திருப்பதியில் மார்ச் 3 ம் தேதி வருடாந்திர தெப்ப உற்சவம் துவக்கம்

திருமலை திருப்பதி ஏழுமலையான் கோவிலில் ஒவ்வொரு ஆண்டும் மாசி மாதத்தில் சுவாமி புஷ்கரணியில் 5 நாட்கள் தெப்ப உற்சவம் நடத்தப்படுவது வழக்கம். இதில் ஒவ்வொரு நாளும் சுவாமி ஒவ்வொரு அலங்காரத்தில் தெப்பத்தில் உலா வந்து காட்சி தருவதை காண ஏராளமான பக்தர்கள் குவிவார்கள்.

தெப்ப உற்சவத்தின் முதல் நாளில் மலையப்ப சுவாமி, ஸ்ரீ ராமர் அலங்காரத்தில் சீதா தேவி மற்றும் லட்சுமணருடன் தெப்பத்தில் மிதந்து வந்து காட்சி தருவார். இரண்டாம் நாளில் ஸ்ரீ கிருஷ்ண அலங்காரத்தில் ருக்மணியுடன் வலம் வரும் மலையப்ப சுவாமிக்கு சிறப்பு பூஜைகள் நடத்தப்படும். அடுத்த 3 நாட்களும் திரியோதசி என்பதால் மலையப்ப சுவாமி, ஸ்ரீதேவி - பூதேவி சமேதராக தெப்பத்தில் உலா வருவார். தெப்ப உற்சவமானது பெளர்ணமி நாளில் நிறைவு பெறும்.

திருப்பதியில் ஆன்லைன் ஸ்ரீவாணி கோட்டா இன்று வெளியீடு

தெப்ப உற்சவத்தின் மூன்றாவது நாளில் முதலில் மூன்று முறையும், பிறகு ஐந்து முறையும் தெப்பத்தில் மலையப்ப சுவாமி, தேவியர்களுடன் வலம் வருவார். இறுதி நாளில் ஏழு முறை தெப்பத்தில் வலம் வந்து காட்சி தருவார். முழு நிலவின் ஒளியில் தெப்பத்தில் ஸ்ரீதேவி - பூதேவியுடன் மலையப்ப சுவாமி உலா வரும் காட்சி கண்கொள்ளக் காட்சியாக இருக்கும்.

நவ கைலாய தலங்கள் பற்றி தெரியுமா? தமிழகத்தில் இவை எங்கு உள்ளன ?

திருமலை திருப்பதி ஏழுமலையான் கோவிலில் 2023 ம் ஆண்டிற்கான வருடாந்திர தெப்ப உற்சவம் மார்ச் 03 ம் தேதி துவங்கி, மார்ச் 07 ம் தேதி வரையிலான 5 நாட்கள் நடைபெற உள்ளது. தெப்ப உற்சவத்தின் போது தினமும் மாலையில் மலையப்ப சுவாமி பல்வேறு அலங்காரங்களில் எழுந்தருளுவார். இரவு 7 மணி முதல் 8 மணி வரை சுவாமி புஷ்கரணியில் அலங்கரிக்கப்பட்ட தெப்பத்தில் உலா வந்து காட்சி தருவார்.

தோல்வியே ஏற்படாமல் இருக்க என்ன செய்ய வேண்டும்? - வழி காட்டுகிறார் சத்குரு

வருடாந்திர தெப்ப உற்சவம் நடைபெற உள்ளதை அடுத்து மார்ச் 03 மற்றும் 04 ஆகிய தேதிகளில் சகஸ்ர தீப அலங்கார சேவை உள்ளிட்ட ஆர்ஜித சேவைகள் ரத்து செய்யப்படுவதாகவும், மார்ச் 05, 06 மற்றும் 07 ஆகிய நாட்களில் ஆர்ஜித பிரம்மோற்சவம் மற்றும் சகஸ்ர தீப அலங்காரம் உள்ளிட்ட சேவைகளும் ரத்து செய்யப்படுவதாகவும் திருமலை திருப்பதி தேவஸ்தானம் அறிவித்துள்ளது.

இதனால் தெப்ப உற்சவ நாட்களை கணக்கில் கொண்ட பக்தர்கள் தங்களின் தரிசனம் மற்றும் ஆர்ஜித சேவைகளுக்கான டிக்கெட்களை முன்பதிவு செய்து கொள்ளலாம் என கோவில் நிர்வாகத்தின் சார்பில் கேட்டுக் கொள்ளப்பட்டுள்ளது.