Diwali 2018 Lakshmi Pooja: தீபாவளியன்று வீட்டில் செய்ய வேண்டிய லட்சுமி குபேர பூஜை!

அதிகாலை கங்காஸ்நானம், படபடவென வெடித்துச் சிதறும் பட்டாசுகள், நாவை ஊறவைக்கும் பலகாரங்கள், பட்சணங்கள். இவை மட்டுமல்ல; செல்வம் பெருக்கும் லட்சுமி குபேர பூஜையும் தீபாவளியின் முக்கிய அடையாளம். இந்த பூஜை செய்வதால் நம் இல்லத்தில் சகல ஐஸ்வர்யங்களும் பெருகும் என்பது ஐதீகம்.

லட்சுமி குபேர பூஜை செய்யும் முறை!

தீபாவளி அன்னை மகாலட்சுமிக்கு மிகவும் உகந்த நாள். அன்று அன்னை மகாலட்சுமி, மகாவிஷ்ணுவோடு இருக்கும் படத்தை பூக்கள் கொண்டு அலங்கரிக்க வேண்டும். மஞ்சள் சரட்டில் பூவையும், மஞ்சளையும் முடிந்து அதைப் படத்துக்கு, அணிவிக்க வேண்டும். அட்சதை, குங்குமம், உதிரிப்பூக்கள் ஆகியவற்றை அர்ச்சனைக்குத் தயாராக வைத்துக் கொள்ள வேண்டும். குபேரர் படம் அல்லது யந்திரம் இருந்தால் அதையும் பூக்களால் அலங்கரித்து, லட்சுமி படத்துக்கு அருகில் வைக்கவேண்டும்.


லட்சுமியின் நாமாவளியைச் சொல்லி அர்ச்சனை செய்து, பின்னர் குபேரருக்கும் அதேபோல் செய்ய வேண்டும். பூஜை முடிந்ததும் பால் பாயசம், சர்க்கரைப் பொங்கல் போன்ற இனிப்புப் பொருளை நிவேதனம் செய்து, குடும்பத்தினர் அனைவரும் உண்ண வேண்டும்.

லட்சுமி பூஜை செய்தால் மாலை கண்டிப்பாக விளக்கேற்றி வைக்க வேண்டும். குறைந்தது 21 விளக்குகள் ஏற்ற வேண்டும். அவ்வாறு செய்தால் மகாலட்சுமி, குபேரனுக்கு செல்வத்தை அள்ளி அள்ளிக் கொடுத்தது போல நமக்கும் தருவாள்.


லட்சுமி பூஜை செய்ய உகந்த நேரம்:

தீபாவளி மறுநாளான நவம்பர் 7-ம் தேதி மாலை 6.10 மணி முதல் 8.07 வரை லட்சுமி பூஜை செய்ய உகந்த நேரமாக கருதப்படுகிறது. இன்று நாம் அனைவரும் அலைமகளை மனமுருகி வேண்டி பாவவினைகள் போக்கி செல்வமும், ஆரோக்கியமும் பெற்று வளமாக வாழ்வோம்!