சேலம்: பள்ளி மாணவர்கள் கிருஷ்ணர் வேடமிட்டு சாதனை!!

கிருஷ்ணர் ஜெயந்தியை முன்னிட்டு, சேலத்தில் 1080 பள்ளி மாணவர்கள் ஒரே நேரத்தில் கிருஷ்ணர் வேடமிட்டு சாதனைப் படைத்துள்ளனர்.

பகவான் விஷ்ணுவின் அவதாரங்களில் ஒன்றான கிருஷ்ண அவதாரம், மற்ற அவதாரங்களைக் காட்டிலும் மிகவும் பிரபலமானது. இந்நிலையில், கிருஷ்ண ஜெயந்தியானது ஜென்மாஸ்டமி என்ற பெயரில், தென் மாநிலங்களில் இன்று கொண்டாடப்படுகிறது.

இந்நிலையில், கிருஷ்ண ஜெயந்தியை முன்னிட்டு, சேலத்தில் உள்ள ஜெயராம் கல்லூரியில், இந்து பரிஷத் அமைப்பின் சார்பாக நிகழ்ச்சிக்கு ஏற்பாடு செய்யப்பட்டது.

இந்த நிகழ்ச்சியில் சேலத்தில் உள்ள 50 பள்ளிகளிலிருந்து சுமார் 1080 மாணவர்கள் கிருஷ்ணர் வேடமணிந்து, கையில் புல்லாங்குழலுடன் பங்கேற்றுள்ளனர். சாதனைக்காக நடத்தப்பட்ட இந்த நிகழ்ச்சியில், மாணவர்களின் பெற்றோர் மற்றும் பொதுமக்கள் பலரும் பங்கேற்றனர்.